Thâuv caz moz Covid 19 tsênhv phiv liv, ntơưv Ga cêr hlâu Lào Cai iz hnuz cux muôx chor jiês tàu thâux hax huv muk lok đhâu ntus đriv Việt-Trung. Sêiz jor tàu zos tổ côngz xưv muôx 4 lênhx txir nênhx tsuv ndêiv vax tsêr, luz nênhx cêv kuôk đros côngz xưv uô xar tiêk zuôr qiv hênhr, taz sik muôx tsiv gri. 4 lênhx cán bộ tổ tàu, lênhx nênhs lâul tiv zix muôx 53 shông zos lênhx tsar tàu Đỗ Quang Trung sơưr thơưx lok cxuô kror. Hnuz nhôngs kik tiv zix zos nênhs tsar tàu phưv Khổng Minh, 28 shông. Tsênhv yuôr zos nênhs tsar tàu chính Lê Hùng Cường thiêz nhân viên toa yêz Nguyễn Văn Hải. Lơưr nhoz so ntơưv qơư cêv kuôk, tsuôk muk lok thâuv uô hâux lưv. Tổ li têx hâux lưv yênhx hnuz zos khov trâu six hơưv tàu muk lok 4 jiês hâur iz hnuz, muk txix ga Lào Cai, muk đhâu ntus đriv trâu Sơn Yêu kuôk 9 cêik số ntơưv Hà Khẩu-Trung Quốc thiêz tror txix saz tor lok. Uô ntêx thiêz đhâu yênhx jiês muk lok, tas nro 4 lênhx nênhs puôr lênhx tsuv tâu qênhz shuôk y têr truôx thiêx li tâu muk lok./.

(An Kiên-Lik Thox cxêik nhênhv)

Fênhx pheiz têx shôngk jê ntơưv no, tỉnh Yên Bái puôr lênhx chos yiêz muôx nhos 15 cxênhz hecta jôngr cxuô zav. Hâur shông 2020 no, Yên bái sir jos chos 16 cxênhz hecta ntâu, chuôz ndê jôngr chos yiêz tax 63%, sơưr tiv 4 hâur tas nro têz qơưk. Chiê uô tsưr ziv no, ciês têx hnuz hâur shôngk shông, têx huyện, thị xã, thành phố hâur tỉnh tưz chuv tôngv xav tênhv qơư chos ntông yiêz, qơư tsuv hlôngr chiê chos yiêz; xar têx zav tsoz chos huv đros ar têz, tsov cưv têx zav ntông lox muôx tsiv grê siêz. Zơưv Nguyễn THái Bình, Chi cục tsar chi cục qênhz jôngr tỉnh Yên Bái puz pâuz, hâur chiv ntux yiêz no, tas nro tỉnh sir jos chos tax 80% tas nro mênhv chêx zuôr trâus chos hâur shông no:

“Ciês hâur têx hnuz hâur shôngk shông pêz tưz chox kriê hạt qênhz jôngr têx huyện, thị xã, thành phố sik côngv đros chinhr quyênx tiv phaz têx cấp xav tênhv six hơưv, thax tsav chiê krêz uô tsưr ziv chos jôngr shông 2020”./.

(Thừa Xuân- Txâur Vax cxeik nhênhv)

Lơưr Chủ tịch UBND tỉnh Lai Châu Trần Tiến Dũng, têx shông đhâu, tỉnh tưz yưv pênhr nhiêx txiêx têz qơưk paz trâu tiv phaz, pêx xênhv thiêz hêik doanh nghiệp yưv pênhr huôv tsar du lịch chiê paz muôx hâux lưv uô, chuôz ndê phênhv sâu, cxuôv yêiz thiv pluôs trâu tsôngv box mênhx cxưx. Nhiv no tss nro tỉnh tưz muôx 11 qơư du lịch côngv thôngx đros 30 chuôz zis kinh doanh dịch vụ Homestay, yênhx châuv qơư du lịch ndis shuôk uô si thiêz du lịch côngv thôngx lok six jông, muôx nhoz cxuô nro têx huyện hâur tỉnh, ntâu đuô zos huyện Sìn Hồ, Tam Đường thiêz thành phố Lai Châu./.

(Báo Lai Châu-Lik Thox cxêik nhênhv)

Ntơưv jos Pa Pốm, xã Thanh Minh, TP Điện Biên Phuv nhiv kruôr đhâu muôx yưv txuz cuz zơưv Ngô Văn Kỷ li luz tsêr nhoz 2 qar. Lơưr xor mông cxôngx tsôngv box puz pâuz: Qir tiv txuz cuz tsêr nhoz no tâu xav tênhv zos tiv chuôz zis zôngv tơưs trâur uô mor nox, tsi tuô hluôr tơưs thâuv tơưv mul đrâuv jôngr, uô hluôr tơưs chis cuz nja tsêr thiêx cuz txuôk mul tas iz tsêr. Tâu pâuz, thâuv hluôr tơưs cuz tsêr, zơưv Kỷ oz niêv txir thiêz têx mê nhuôs puôr lênhx tsi nhoz hâur tsêr. Thâuv pov hluôr tơưs cuz, tsôngv box hâur jos tưz huiz tôngv cxuô lênhx nênhs tuôx tuô hluôr tơưs, taz sik tiv hluôr tơưs cuz lox, qiv hơưv kruôr, tsêr ho zos zôngv shôngz uô viv li tuô tsi zênhx. Tas nro luz tsêr thiêz chuôz zênhx li tivi, cxur, yêz meir...puôr lênhx trâus cuz nhiêz tas. NJuôs xav trâus ruôr hiêv muôx nhos 165 tsov đeiv. Nhiv no tsênhv zos cheix ntux kruôr, pox nhuôs tsuv tsưv ziv tuô hluôr tơưs cov jông uô ntêx thâuv mul uô hâux lưv./.

(Báo ĐBP- Txâur Vax cxeik nhênhv)