Thâuv 7 six 30 phênhz tsâus ntux hnuz 20/9, ntơưv tsêr số 282A, cêr Chu Văn Thịnh, nhoz Công ty TNHH nhiêx cuz Trường Ký li qơư muôs nhiêx cuz. Liv zôngv thâuv lênhx tsưr tsêr tsênhv khơưk chiê chor nhiêx chor cuz, 3 lênhx nênhs mul yêz ô tô gra biển 29A-87070 tưz mul hâur tsêr zôngv fov, triêv hêv oz niêv txir co chiê huôz nhiêx cuz. Ciês đhâu co, 2 lênhx nênhs trâus ntês cxov ciês ntơưv qơư, yuôr 1 lênhx  khiêr mul txos Cò Nòi, huyện Mai Sơn kuôk đrôngs Sơn La 40 cei cêr mak txơưv trâus lưx lươngv công an ntês tâu. Đại tá Đỗ Xuân Cảnh, tsar Công an đrôngs Sơn La puz pâuz: No zos txuz huôz nhiêx cuz lox tiv zix sâuv thax tsav đrôngs Sơn La cux xưk li tas nro tỉnh Sơn La cxôngx thâuv ntêx txos nhiv no. Qir thơưx xav tênhv tâu 3 lênhx nênhs no zos nênhs tuôx cxôngx tỉnh Phú Thọ, hâur co lênhx nênhs sơưr thơưx tưz muôx jiês phamv cxâuv trâus ntês cxov cơư ntơưv tsêr cơư Yên Hạ, huyện Phù Yên. Công an tỉnh Sơn La tsênhv tror qênhz yuôx chiê nzor tik cêr cxâuv trơưk cêr chei./.

(TTTB- Txâur Vax cxeik nhênhv)

Hmo 20/9, ntơưv tỉnh Điện Biên tsưr tsix tsaz yênhx nthuôr uô cêr lov jêv heik lok “Poz hiêr thiêz têx tuz lênhv Hải Quân”. Tsaz yênhx zos Quân chủng Hỉa quân VN đros tỉnh Điện Biên tsưr tsix.

Ntâu jax gâux, đhiê pax vuôk jông li: “Đêx hiêr-Pêz têz qơưk”; “Lâuk Hôx tuôx seiz shuôs đêx hiêr”.....tâu cxiv uô jông trâu sđ seiz chiê siz chos thôngx siêz, sik côngv têk cxiv tsa thiêz tsưx phưv.

Trơưk li Ban tsưr tsix, tsaz yênhx nthuôr uô lov jêv “Poz hiêr thiêz lênhx tuz lênhv Hải Quân” tâu uô đros thiêz tsưr ziv, siêz xar cov muôx nzir tsôngv box cxuô heir nênhs tỉnh Điện Biên heik taz thiêz tas nro têz qơưk heik cxuô ziv moz siêz đros tsưx phưv thiêz nhiêv txos đêx hiêr đuô, zos six hơưv chiê trâu têx tuz lênhv uô hâux lưv sâuv hiêr thiêz tsôngv box sâuv ar muôx cêr sik thôngx siêz, siz paz jông đuô./.

(Vũ Lợi-Riê Lâux cxeik, nhênhv)

Txos nhiv no, tỉnh Lào Cai tưz uô siv hâux lưv tso 100 ntâu lênhx nênhs tiv phaz mul uô hâux lưv huv cêr chei trâu saz đrâuv têz qơưk, co zos têz qơưk Trung Quốc. No zos chêx cuk đhâu thâuv cêr ntơưr sik hux jos coar lik nênhs lox tôngv hâur Sở lox tôngv saz pênhz thiêz xã hội tỉnh Lào Cai thiêz Ban coar lik sik hux jos kinh têr đhâu ntus đriv huyện Hà Khẩu, tỉnh Vân Nam- Trung Quốc thâuv hli 5/2017. Hâux lưv  siv chox lênhx nênhs mul uô hâux lưv saz đrâuv têz qơưk huv cêr chei chiê krêz tơưv cxaz iz tsưr ziv car chêx zoz qơưx hâux lưv uô trâu nênhs lox tôngv; thôngx cxix gôngr phênhv txu grês qênhx shênhx nênhs lox tôngv nhiês mul đhâu ntus đriv chiê nriêr hâux lưv uô mak tsi muôx cêr chei por hưv. Zơưv Đinh Văn Thơ, Phưv giám đốc Sở lox tôngv saz pênhz thiêz xã hội tỉnh Lào Cai puz pâuz:

“ Xav cxôngx hli 10/2017 txos nhiv no tưz muôx nhos 250 lênhx nênhs lox tôngv đăng cir, seiz njuôs moz chiê mul Trung Quốc uô hâux lưv. Thiêz nhiv no tưz muôx 100 lênhx tsênhv uô hâux lưv ntơưv công ty Huệ Hồng ( Hà Khẩu- Trung Quốc)”./.

( An Kiên- Txâur Vax cxeik nhênhv)

Hnuz 19/9/2018, côngv thôngx mạng tsi so sik pheiz kênh têx cêr cxơưx lok tuk nhuôv Mai Anh T, shux xênhz lớp 6 nhoz thị xã Nghĩa Lộ, tỉnh Yên Bái trâus pôngz plox mông. Txos thâuv tưz lis tsâuk ntux đros hnuz, lênhx nhuôv heik co tưz tror lok txos tsêr, tsi trâus uô li chas.

Lơưr tuk nhuôv no têx nênhs hâur tsêr heik, tar su hnuz 19/9, đhâu thâuv cơưv tas ntơưr so, lênhx nhuôv Mai Anh T tsi lok tsêr mak cheix yêz câux vaz mul trơưk txox cêr lox 32 lok trâu TP Yên Bái chiê muk tov niêv têil lâuk tsêr. Txos thâuv 9 six tsâuk ntux đros hnuz, tuk nhuôv T lok txos jok Nước Mát, xã Âu Lâu, TP Yên Bái txơưv gênhs hênhr, tưz pư tos cêr. Thâuv co, muôx iz chuôz zis tsôngv box tưz muôz mor trâu tuk nhuôv T nox, nriêr qơư trâu so thiêx hu xor tôngx trâu tuk nhuôv T niêv thiêz txir tuôx tok./.

(TTTB-Riê Lâux cxeik, nhênhv)