UB tỉnh Yên Bái nhiv kruôr tsưr tsix Ntênhs krêz côngz côngz tsinhx cêr txuôk cêr 174 (huyện Trậm Tấu) đros niêv cêr 32 (thị xã Nghĩa Lộ) thiêz dự án kho đuô cêr Trạm Tấu (Yên Bái) đros Bắc Yên (Sơn La). Thâuv uô tiêr têx cêr no hâux lưv muk lok txos huyện tox siêz Trạm Tấu zuôr zôngx ziv đuô. Têx côngz tsinhx no uô tiêr thiêz chox lok sir zôngv zuôr paz têx xã hâur huyện Trạm Tấu muk lok tâu zôngx ziv đuô, Trạm Tấu muk Bắc yên (Sơn La) cux zôngx ziv, cxơưz tiês huôv tsar KTXH ntơưv thax tsav txov nhêv no. Tiv zix, 2 txox cêr no zuôr paz Trạm Tấu muôx cxaz tsưr ziv muôv muôs đros thax tsav Tây Bắc; gôngr phênhv taz por txiv ngaz côx phax trâu 2 huyện Trạm Tấu thiêz Bắc Yên./.

(Thừa Xuân-Txâur Vax cxeik nhênhv)

Cxôngx hâur hlik hli 9 txos nhiv no, ntơưv Lào Cai tsi so muôx yưv 3 jiês chuô txiêk uô jêx tưv grês kis. Txơưv nhiv kruôr zos đraz cheix ntux lax, taz sik ntux tưz pov no njiv nhoz thax tsav tox siêz. Têx jiês ntux no txơưv tsi ntêr, taz sik uô qiv hơưv txơưr txar ntâu, đruôz hnuz yar ntux, hmo ntux mak jêx tưv grês lok six kis. Lơưr têx lênhx nênhs njuôs pov qiv hơưv, no zos iz hâux lưv tsi jông, njuôs pov iz cheix ntux no zov chênhr tuôx txos nzor, njuôs xav uô zênhr shar txos tsôngv box li đas jos. Đros têx jiês ntux no njiv, nênhs moz tuôx seiz njuôs thiêz kho moz ntơưv qơư y tế tiv phaz cux chuôz ndê siêz, tiv zix zos nênhs lâuk thiêz mê nhuôs zâu. Chiz coaz muôx txơưx jênhv canhv pov, tsênhv zos ntu qiv hơưv txơưr txar, tsôngv box tsuv chuv tôngv pâuz tâu xor mông chiê phax tar. Chuô txiêk mak khênhr muôx ntux lok nas thiêz pok huôz nhoz tox siêz, yêz muk lok sâuv têx cêr li qơư ndis shuôk ju lix Sa Pa, Bắc Hà tsuv tsưv ziv, max mav muk./.

(An Kiên-Txâur Vax cxeik nhênhv)