Tix lâuk Nguyễn Văn Đức nhoz xã Ngòi A, huyện Văn Yên, tỉnh Yên Bái puz pâuz:cux li chôngz lênhx tsôngv box Yên Bái thiêz tsôngv box tas nro têz qơưk, tix lâuk njênhs njôngr lok Đảng li Đại Hội 13, viv đhâu iz six cxiv Đại hội têz qơưk puôr lênhx muôx têx trus huôv tsar yiêz: “Pêz njênhs njôngr đại hội zuôr xeir tâu lênhx nênhs tsiv nhos, muôx siêz xar, pênhr xưv chiê phưx vưv tsôngv box, chox têz qơưk hla đhâu têx phêv liv hâur têx shông zuôr txos. Cux xar njôngr Đảng li têx Nghị quyết tsov cưv txos tsôngv pox nhuôs tox siêz luz nênhx, paz max thax tsav tsôngv box têx mênhx cxưx, hâur co muôx tỉnh Yên Bái huôv tsar đuô, tsôngv box luz nênhx tâu muôz siêz”./.

(Thừa Xuân-Txâur Vax cxeik nhênhv)

  Muk txos trâu xã Chiềng Pấc, huyện Thuận Châu, tỉnh Sơn La hâur têx hnuz no, txix tsênhv qơư xã txos têx jêx jok, đros trâu sir jos huôv tsar uô nox, cxuô lênhx sđ cux lok six moz siêz sox seiz njôngr, tok txos Đại hội tas nro têz qơưk jiês tiv 13 zuôr cơưv hâur têx hnuz zuôr txos ntơư.

Trơưk li zơưv Quàng Văn Định, Bí thư Đảng ủy xã Chiềng Pấc, huyện Thuận Châu: Khov fuô uô têx tsaz yênhx, hâux lưv mak Đảng, têz qơưk paz max, tsôngv box Poz Ziz, Hmôngz, Khơ Mú...hâur thax tsav luz nênhx nox nhoz iz hnuz tâu hlôngr tâu gra siêz jux juk; têx chuôz zis pluôs txo grêk tsơưs ntâu, nhiv no tsuôk yuôr 22%. Tsôngv px shir phaz, njênhs njôngr trâu Đảng tsưr ziv chox car: “Hơưv tok Đảng Đại hội jiês tiv 13, canr bôv thiêz tsôngv px xã Chiềng Pấc vav chiê siêz tiêk, Đại hội zuôr xeir tsov tâu têx lênhx txơưx njê, muôx txâuk txux chi tsưr ziv, pênhr xưv nhoz hâur BCH T.Ư Đảng thiêz lar heik zos têx lênhx sơưr thơưx hâur Đảng, têz qơưk”./.

(Trấn Long-Riê Lâux cxeik, nhênhv)

Ntơưv Ntênhs sơưr cêr uô shông taz por zaoz thôngz shông 2021 zos UB tỉnh Lào Cai tsưr tsix, zơưv Nguyễn Trọng Hài, Phưv chủ tịch UB tỉnh tưz sơưr hu lơưs tas nro têx lưx lươngv thiêz tsôngv uô jông Chei lok zaoz thôngz.

Lơưr thôngz sâu, hâur shông 2020, tas nro tỉnh Lào Cai tưz muôx yưv 78 txuz txiêz nanv zaoz thôngz, uô 38 lênhx nênhs tuôs, 63 lênhx nênhs trâus saz. Reik đros njiêz luv shông taz por zaoz thôngz shông 2021 “Muôz siêz chêx cuk uô Chei taz por zaoz thôngz”, tỉnh Lào Cai zuôr chêx chôngk hlôngr yiêz côngz xưv yax mông; krêz uô uô cê, txos qơư đuô hâur côngz xưv qênhz yuôx, yưr lir uô cxâuv; chêx chôngk kho đuô cơ sở cxuô zav, cxuôv por tsês têx qơư khênhr muôx yưv txiêz nanv zaoz thôngz..../.

(An Kiên- Txâur Vax cxeik nhênhv)

  Ntơưv tus ndêx cxok kuôk cêv đriv têz sôr 111, hâur thax tsav jok Buôn En, xã Pa Thơm, huyện Điện Biên, Zênhx pênhz phax Pa Thơm, Bôv đôiv Pênhz phax tỉnh Điện Biên qênhz pov thiêz ntêk tâu 2 lênhx nênhs tuôx txix Lol Tsuôk lol hâur VN tsi trơưk chei.

2 lênhx nênhs heik sâuv zos Lò Văn Quý, xênhz shông 1990, thiêz Lò Văn Chung, xênhz shông 1994, puôr lênhx nhoz ntơưv jok 13, xã Pom Lót, huyện Điện Biên, tỉnh Điện Biên. Đhâu qênhz nus xuz thơưx, 2 lênhx hluôk heik co krêz lênhk tiêk, uô ntêx ntơư tưz muk trâu Lol Tsuôk đhâu trôngx đriv ntiêx têz Tây Trang (Điện Biên) chiê uô jos. Txos nhiv no xar tror lol zuk qơư nhoz taz sik muôx tsi txâuk têx ntâuz ntơưr uz no chiê lok VN trơưk li cui tinhv, viv li hur si gơưk 2 lênhs tưz lok trâu thax tsav heik sâuv chiê nhiês cêr lok VN. Nhiv no, Zênhx Pênhz phax Pa Thơm tưz đros lưv lươngv y tế ntơưv qơư qênhz njuôk shuôs đas jos, uô ntâuz ntơưr xưv bluô thiêz choz zok trâu Tsênhv qơư Y tế huyện Điện Biên, tỉnh Điện Biên chiê kuôk cêv, tso 2 lênhx nênhs co nưk nhoz nưk iz kro./.

(Vũ Lợi-Riê Lâux cxeik, nhênhv)