Ndar txos chiv nhênhv 74 shông hnuz tsa tâu têx tuz lênhv VN thiêz 29 shông hnuz côx phax, Ban chỉ huy quân sự TP Điện Biên Phủ, tỉnh Điện Biên tưz muôx têx nuv uô tsênhv tsênhz chiê cxơưz tiês phôngz yaox sik tưr uô nuv jông. Đhâu Ban chỉ huy Quân sự TP Điện Biên Phủ têx jiês sik tưr uô hâux lưv jông tưz uô hlôngr yiêz têx canr bôv, đảng viên txux chi tsưr ziv xar. Txix ntơư, cxiv tsa tsaz yênhx tsưr ziv uô nuv, têx tsênhv njiêz txix têx luôs hâux lưv uô tâu thiêz muôx liv hâur hâux lưv. Đhâu iz jâuk sik tưr uô nuv, taz viv tưz tsưr tsix ntâuk grê têx hâux lưv uô tâu jông txix têx txux chi tsưr ziv jông, heik thiêz kruôs zênhx max txos têx tập thể, lênhx nênhs uô tâu, zuôr chênhz zênhv cxiv kho têx uô tsi tâu tsi tiêr, tror gra siêz lưv lươngv vũ trang TP tsơưr lươngv phôngz yaox sik tưr uô nuv jông./.

(KT-Riê Lâux  cxeik, nhênhv)

Công an tỉnh Yên Bái nhiv kruôr hêik UBND tỉnh Yên Bái khơưk muôz ntơưr kruôk trâu Thượng úy Hà Đình Biên, uô côngz xưv ntơưv Đội cảnh sát qênhz yuôx nênhs phamv cxâuv lok zax zênhz, Công an thành phố Yên Bái li kror hâux lưv uô tâu zos chơưv paz lênhx nênhs trâus pôngz đêx. Uô ntêx co, ntơưv thax tsav Đầm Tràn Bãi, nhoz tổ Nam Thọ, phường Nam Cường, thành phố Yên Bái, thâuv tsênhv đros mê nhuôs muk cxov kưx, niêv tix Hoàng Thị Tỉnh plav tơư pôngz trâu iz luz kror uô vuôk cxiv vax tsêr muôx đêx toz. Tiv tsik pâuz uô luôv đêx viv li niêv tix tưz trâuss plox đêx jux juk. Tsênhv muôx hâux lưv muk đhâu kror qơư co, njiê pov tâu, Thượng úy Hà Đình Biên tưz đhiê muk chơưv paz ciês lênhx nênhs co. Đhâu thâuv sir jos chơưv paz nênhs trâus pôngz đêx tưz tror tsiv. Hâur ntu uô hâux lưv, Thượng Úy Hà Đình Biên tsik so sir jos uô tiêr jênhv vưv tâu choz zok thiêz lênhx tov thênhv siêz njêhss njôngr ntâuk gri siêz./.

(Đinh Tuấn-Lik Thox cxêik nhênhv)

Chiê taz por truôx tuk thiêz por hưv tênhx qơư, cxuô zav yêz tsv tsưr tsix đas cir thâuv mul lok tâus cêr. Taz sik, six hơưv đhâu, ntâu tsưr tsix, lênhx nênhs hâur thax tsav tỉnh Lai Châu tsi uô lơưr cui tinhv no; thâuv têx yêz tas hax đas cir tsi tuôx uô ntâuz ntơưr, hâur co, tsi tsơưs luz yêz tưz uô siz yar siz tsông thâuv mul lok tâus cêr. Zơưv Nguyễn Trung Thọ, Giám đốc seiz car Tsênhv qơư đas cir têx ntâuz ntơưr yêz, Sở zoz thôngz tỉnh Lai Châu heik pâuz: Shông 2018, taz viv tưz đas cir trâu 6 cxênhz ntâu luz yêz, mak muôx 500 ntâu luz tưz taz por trơưk li cui tinhv. Pir li shông uô ntêx, têx yêz đas cir tsar ndê 10%, mak chor yêz tsi uô lơưr cux ndê muôx 10% ntâu:

“Đros thiêz têx yêz tuôx uô ntâuz ntơưr mak pêz uô trơưk cui tinhv, Bộ Zoz thôngz cui tinhv cux li VN cục đas cir têx yêz. Chor yêz mak tas hax cux tsênhv six mul lok tâus cêr, chor cơ quan muôx vax huôv tưz muôx têx cui tinhv xưv bluô lok six hnhar. Trơưk li cur mak iz chas têx cui tinhv xưv bluô ntơư, tsuv chuôz tsar tiês luôs hâux lưv yax kriê trâu hur si têx lênhx tsưr yêz cov lơưr pâuz tâu têx uô zuôv, uô cxâuv mak zul zuôr trâus xưv bluô thâuv cheix yêz mul lok tâus cêr”./.

(Khắc Kiên-Lik Thox cxeik, nhênhv)

Hnuz 20/12, Sở thôngz mông thiêz yax mông tỉnh Lào Cai sik côngv đros huyện Si Ma Cai tsưr tsix lớp kruôz kriê lok tsưr ziv sêiz car, kriz uô sir zôngv cxiv luôs loa yax mông tiv phaz shông 2018 trâu 40 lênhx nênhs zos tsưr têx jêx jok sâuv thax tsav huyện Si Ma Cai. Hâur jiês no, nênhs cxaz chuôz cơưv tâu chor kỹ thuật viên kruôz kriê tsưr ziv tso, sir zôngv cxiv luôs loa muôx chêx cur, iz cxiê tsưr ziv xưv lik têx phiv liv tsik so njiz trâus hâur qênhx shênhx sir zôngv cxiv luôs chuôz zênhx kỹ thuật trạm nta suôz xar, chor loa ntơưr têx jêx jok. Lớp kruôz kriê zos jiês chiê gra siêz tsưr ziv cxiv uô têx xor mông, cán bọ sêiz car tso cxiv luôs loa co li hêik pauz ntơưv têx jêx jok; paz trâu chor nênhs no muôx tâu txux chi chiê khưx phưx têx phiv liv njiz trâus tsik so hâur qênhx shênhx tso sir zôngv cxiv luôs loa ntơưv têx jêx jok./.

(KT-Lik Thox cxêik nhênhv)