Zar hnuz keix hnuz 20/3, ntơưv huyện Mai Sơn, tỉnh Sơn La, Sở y tế tỉnh Sơn La tsưr tsix phêv thảo uô hnuz ntiêx têz phax tar moz kruô njưk đros njiêz luv: Tưz txos six hơưv sik đros huôx tôngv chiê tso tsês moz kruô njưk nhoz Việt Nam lok shông 2030. No zos huôx tôngv coaz tsôngv, ndar txos cam kết chinhr trị têx cấp thiêz paz txưv nênhs moz tir tar yênhx côngz moz kruô njưk, thôngx cxix yax mông muôz siêz yênhx tưv lok moz kruô njưk thiêz côngz xưv phax tar kruô njưk. Bác sĩ Bùi Văn Tráng, Phưv giám đốc Tsêr kho moz njưk tỉnh Sơn la puz pâuz:

“Lok tsưr ziv phax tar moz kruô njưk tỉnh Sơn La hâur ntu 2020 txos shông 2030 zos chuôz tsar côngz xưv yax mông, muôz siêz yênhx tưv lok moz kruô njưk sâuv têx phaz pênhv thôngz xor mông, heik tsôngv box mul seiz njuôs, phax tar moz kruô njưk, tiv zix zos tsôngv box tox siêz chiê pâuz lok moz kruô njưk, chiê lơưr chuv tôngv mul kho moz ziv nzor ziv jông”./.

(Trấn Long- Txâur Vax cxeik nhênhv)

Zar hnuz kêix 20/3, Hôiv chữ thập đỏ tỉnh Điện Biên tưz tsưr tsix jiês cir jênhv tsaz yênhx sik côngv hâur côngz xưv siêz jông đros Ban mênhx cxưx tỉnh, Đaix nta suôz-đuôz shav tỉnh  thiêz Pov chir Điện Biên Phủ. Têx taz viv tưz sêiz lax, thôngx ziv cir jênhv tsaz yênhx sik côngv hâur côngz xưv siêz jông nhoz hôiv chữ thập đỏ tỉnh đros Ban mênhx cxưx tỉnh ntu 2019-2021, hâur co, tsêx trung trâu iz cxiê tsênhv njiêz: Sik côngv thôngz xor mông yax kriê lok mênhx cxưx li têx qơư, nênhs siêz jông; hêik chor tsưr tsix, tiz nênhs paz thiêz cxaz chuôz uô têx hâux lưv siêz jông…/.

(KT-Ly Thox cxêik nhênhv)

Xor mông cxôngx UB xã Dương Quỳ, huyện Văn Bàn, tỉnh Lào Cai puz pâuz, thâuv 8 six tsâus ntux hnuz 19/3, muôx ntux lok nas đros chuô, uô xoz tuô tuôs 4 ziv chuôz zis nhoz 3 luz jos Nà Hạch, Nà có thiêz Nà Hin li 6 tul tưv thâuv tsênhv tso nox jâuz sâuv tiêx trôngz nhoz HTX kuz, ruôr hiêv njuôs xav muôx nhos 160 tsov đeiv. Thâuv xav tênhv xor mông, hlôngr njêx muôs UB xã tưz heik cán bộ mul tôngv vênhx, paz txưv tsôngv box khưx phưx têx trâus ruôr hiêv; thôngz sâu têx trâus ruôr hiêv chiê thix ziv paz txưv. Qiv hơưv muôx ntâu txơưr txar, njuôs xav tsi tâu, viv li thâuv ntux lok nas, xoz tuô, pox nhuôs tsuv lơưr tsiêx tu zus nriêr qơư gâuv, tsik tso muk trâu pêv têx trôngz siêz, tsi đrês jê têx hâur pâus ntông lox chiê jav têx ruôr hiêv tsi jông trâu lênhx nênhs thiêz tsiêx tu zus ./.

(An Kiên- Txâur Vax cxeik nhênhv)

Khov siêz njênhs, Lê Trung Nghĩa kir fôngx zưs, nênhs cxênhz jê têx yêz chox muk xav gri kir txêik nhiêx sir zôngv. Txêik tâu ntơưr hêik pâuz, Cơ quan cảnh sát qênhz yuôx, Công an huyện Lục Yên tưz sei đrơưv xav jênhv, qênhz yuôx, uô tsênhz mênhx Lê Trung Nghĩa têx hêik co. Hnuz 18/3, Công an huyện Lục Yên tưz cxov tâu Lê Trung Nghĩa, xênhz shông 1995, nhoz jok 10, xar Động Quan, huyện Lục Yên, tỉnh Yên Bái. Ntơưv cơ quan Cảnh sát qênhz yuôx, Nghĩa tưz lênhk tas nro têx uô cxâuv. Nhiv no Công an huyện Lục Yên, tỉnh Yên Bái tsênhv tror qênhz yuôx cov tsênhz  mênhx chiê muôz Lê Trung Nghĩa tik cêr cxâuv cov zos đrêiv chêi têz qơưs tso tơưv./.

(Tuấn Xuân-Lik Thox cxêik nhênhv)