Qơư tso ntơưr bâux xêir hâur thax tsav chiv zênhk zax zênhz số 1, nhoz thax tsav xã Xuân Quang, huyện Bảo Thắng, tỉnh Laox Cai, lơưr zos chor nênhs muôx zênhk zax zênhz tsênhv taz tov chiv zênhk zax zênhz thiêz tâu hâu nov ntơưv qơư moz siêz fuô yax kriê lok luôs hâux lưv bâux xêir. Zơưv Trần Đức Khải, phưv chủ tịch uỷ ban xã Xuân Quang hêik pâuz: Uỷ ban xã tưz đros tsênhv qơư sâu  cử tri li bê trâu hauar ntâuz ntơưr, tok txos hnuz muk tso ntơưr bâux xêir cov zos đrêiv quy tênhv, chêi tso tơưv”./.

Tsu Vưx nhênhv-An Kiên-Chia BT

Tỉnh tox siêz Yên Bái tsênhv sir jos uô tiêr têx hâux lưv lơưr kaz ciês bax trâu Hnuz ntênhs bo xeir tsưr tsix lok kaz ciêz no. Phênhv ntâu têx huyện li Yên Bình, Văn Yên, Trấn Yên, Văn chấn, Nghĩa Lộ, Mù Cang Chải thiêz TP yên Bái puôr lênhx tưz uô tiêr hâux lưv muôz ntơưr trâu cử tri.

Ntơưv Yên Bái nhiv no muôx iz cxiê qơư cêv kuôk phax tar moz Covid-19, tiv moz huôv xênhz, têx cử tri tsênhv cêv kuôk nriêr pâuz tsi tâu lok têx ứng cử viên ntơưv têx qơư lo ntơưr heik lok ứng cử viên, Ban điều hành têx qơư cêv kuôk tưz zôngv loa nta suôz cê yax mông phax tar moz Covid-19, cê muôz ntơưr heik kriê cxix cxuô lok têx ứng cử viên, bê têx ứng cử viên đros têx cui tênhv lok chei bo xeir txos cử tri tsênhv cêv kuôk. Thượng tá Trần Văn Toàn, Phưv chỉ huy tsar Ban chỉ huy QUân sự huyện Trấn Yến, Tsar ban điều hành qơư cêv kuôk chêx chôngk số 4 tỉnh Yên Bái puz pâuz: “Nhoz no thâuv muôx chox kriê mak pêz tưz lo bê têx teiv plor ứng cử sâuv bảng chiê têx lưx lươngv uô jênhv vưv hâur thax tsav qơư cêv kuôk nhênhz chơưv, nriêr pâuz. Đros pox nhuôs tsênhv cêv kuôk ntơưv no mak pêz sik côngv đros Tsênhv qơư thôngz xor mông-vênhx huôv huyện heik kriê, yax mông lok têx teiv plor ứng cử viên sâuv loa nta suôz chiê pox nhuôs pâuz, đhâu co tsưr tsix bo xeir lơưr cui tênhv”./.

(VOVTB-Txâur Vax cxeik nhênhv)

Txos têis cik hnuz 21/5, tỉnh Điện Biên muôx nzir 6 lênhx trâus cik caz moz SARCOV-2, tsar ndê chor nênhs trâus cik caz moz SARCOV-2 zos 44 lênhx. Muôx yưv caz moz SARCOV-2 ntơưv Điện Biên tsar ndê thiêz pov muôx iz cxiê lênhx nhoz tỉnh Điện Biên tuôx muk sêiz shuôk têx nênhs cxênhz jê trâu tỉnh Lai Châu, zos khiêr đrêiv caz moz.

Trơưk li thôngz sâu txix hâur hli 5 xiêz txos trâu nhiv no, tưz muôx iz cxênhz ntâu lênhx px nhoz tỉnh điện Biên muk đhâu qơư qênhz yuôx caz moz Covid-19 lok trâu tỉnh Lai Châu thiêz txos trâu nhiv no, chor nênhs co cux tsik tâu tror kaz lok tỉnh Điện Biên./.

Tsu Vưx nhênhv-Khác Kiên-Chia BT

Tsâus ntux hnuz 20/5, sâuv mạng xã hội pov muôx iz clip lok 2 lênhx nênhs (iz lênhx hluôk nênhs thiêz iz lênhx pox niêv) hâur iz chuôz zis nhoz jos 6, xã Chiềng Mung, huyện Mai Sơn, tỉnh Sơn La tsi uô trơưk cui tênhv phax tar moz, tsi njuôs siv chiê qênhz yuôx moz Covid-19. Tâu pâuz, thâuv co lênhx hluôk nênhs muk cxôngx tỉnh Bắc Giang lok Sơn La, viv li Tuêv côngz xưv huyện tưz muk njuôs siv, taz sik 2 lênhx nênhs no tsi thôngx ziv uô. Ciês thâuv co, tuêv côngz xưv tưz chuôz tsar lưx lươngv uô têx tsưr ziv nghiệp vụ, tôngv vênhx, heik kriê...khov co, têx lênhx tsôngv box no tưz pâuz thiêz thôngx ziv njuôs siv moz, cux xưk li cêv kuôk ntơưv tsêr lơưr cui tênhv. No zos iz hâux lưv uô tsi trơưk cêr chei, pox nhuôs tsuv tsưv ziv muôz siêz txơưx jênhv uô têx tsưr ziv phax tar moz Covid-19./.

(VOVTB-Txâur Vax cxeik nhênhv)