Hmo 20/8, Hnuz hôiv vênhx huôv, Thể thao, du lịch cxuô mênhx cxưx thax tsav Tây Bắc jiês tiv 14 tưz suôv câuv. Hâur 3 hnuz, ntâu huôx tôngv vênhx huôv, nghệ thuật, du lịch thiêz sik tưr thể thao tưz tâu tsưr tsix lov jêv, muôx chôngz pêx xênhv sêiz shuôk; thôngx cxix, paz gra sêz pêx xênhv li jênhv pâuz hâur sir jos tuôr chiê têx tsiv gri vênhx huôv cxôngx nzor cxuô mênhx cxưx thax tsav Tây Bắc, chuôz cxaz thôngx niêv côngv siêz cxuô mênhx cxưx Việt Nam. Zơưv Đặng Văn Hùng, Giám đốc Sở Vênhx huôv, Thể thao thiêz Du lịch tỉnh Sơn La, Phưv Trưởng Ban tsưr tsix hnuz hôiv puz pâuz: “Ntu zuôr txos, pêz zuôr sir jss yax kriê đêz đar txos tsôngv box cxuô mênhx cxưx thax tsav Tây Bắc lok tsiv gri, tsưr ziv thiêz hnuz hôiv li yênhx côngz; Têx tỉnh thax tsav Tây Bắc tror choz trâu nganhx Vênhx huôv, thể thao, du lịch nganhx di sản uô ntâuz ntơưr tuôr chiê, phuôx huiz, hêik pâuz tsôngv box têx tsiv gri vênhx huôv txos trâu pêx xênhv hâur thax tsav pâuz. Hêik trâu Chính phủ muôx tsênhv chêi paz trâu chor nênhs tuôr chiê, phuôx huiz, hêik pâuz vênhx huôv mênhx cxưx hâur thax tsav). Hnuz hôiv Vênhx huôv, Thể thao thiêz Du lịch têx tỉnh thax tsav Tây Bắc jiês tiv 14 zuôr tâu Tỉnh Phú Thọ sơưr tsưr tsix trâu shông 2022./.

(Trấn Long-Lik Thox cxêik nhênhv)

Hâur ntu uô luôs hâux lưv qênhz yuôx zax zênhz thiêz têx chơưr bia, chor nênhs tsar yêz mul lok tâus cêr ntơưv jok Thiên Bữu, xã Thượng Bằng La, huyện Văn Chấn, Đội cảnh sát zoz thôngz sôr 4, Công an tỉnh Yên Bái qênhz yuôx, lưv lươngv muôx vax huôv tưz qênhz pov 2 lênhx nênhs gra đros 2 pêz poz mê tâu xav zos zax zênhz thiêz 200 njiêr yuôx shơư zênhz đros trâu 12 tsov đeiv nhiêx. 2 lênhx nênhs trâul ntêk tâu co zos Trưv Xênhv Shôngx, xênhz zus shông 1985 thiêz Sênh Xênhv Zax, xênhz zus shông 1986 puôr lênhx nhoz uô cê ntơưv jok Pha Luông, xã Chiềng Sơn, huyện Mộc Châu, tỉnh Sơn La. Phongx cảnh sát qênhz yuôx têx nênhs nhiês zuôr muôs, uô luôv zax zênhz, Công an tỉnh Yên Bái tưz qir uô ntâuz ntơưr, ntêk 2 lênhx nênhs heik co lok sâuv zuôr muôs zax zênhz chiê muôz tik cêr cxâuv trơưk đreiv li chei têz qơưk cui tinhv./.

(KT-Riê Lâux cxeik, nhênhv)

Đoanx qênhz yuôx, Đôiv sêiz car ciêz đrôngs số 5, Cục sêiz car ciêz đrôngs tỉnh Sơn La tưz qênhz yuôx qơư muôs trox yêz Công ty Cổ phần TNHH Minh Vừ, zos zơưv Minh Xênhv Shôngx uô giám đốc, nhoz ntơưv: jok Nậm Giắt, xar Phỏng Lái, huyện Thuận Châu, tỉnh Sơn La. Đhâu qênhz yuôx cơ quan txơưx jênhv pov qơư muôs trox yêz no tưz muôs trox yêz thâuv tsik tâu muôx ntơưr côngz jênhv txâuk tsar tov muôs trox yêz lơưr Chính phủ li Nghị định số 67/2017 li cui tênhv. Đôiv sêiz car số 5 tưz uô ntâuz ntơưr xưv bluô hành chính thiêz uô ntâuz ntơưr hêik Chủ tịch UBND huyện Thuận Châu tso tơưv Cuêz tênhv xưv bluô uô cxâuv hành chính đros chor nhiêx zos 40 triệu đêiv; tso so tsik khênhr kror qơư no muôs trox yêz hâur 1 hli./.

(KT-Lik Thox cxêik nhênhv)