Txơưv tiêk caz moz tưz tâu tir tar, taz sik ntơưv cxuô thax tsav qơư hâur tỉnh Điện Biên, Tsiêz Trung thu shông no zuôr tsik tsưr tsix têx hâux lưv uô si lov jêv. Hlôngr trâu co, tỉnh zuôr huiz tôngv pênhr jos hâur xar hôiv, chiê muôz paz hax huv trâu cxuô thax tsav qơư, taz viv, tsêr cơưv ntơưr tsưr tsix trung thu trâu chor nhuôs. Tix lâus Đặng Thành Huy, Bí thư Tỉnh đoàn Điện Biên puz pâuz: “Têx hâux lưv trâu chor nhuôs zâu shông no ntơưv cxuô thax tsav qơư zuôr muôx têx hâux lưv siêz jông chiê khơưk muôz hax huv, tsưr tsix uô si, lov jêv paz trâu têx nhuôs. Taz sik, txơưr đuô cxiê shông tsuôk zos zuôr xa chor hax huv co muk trâu têx tsêr cơưv thiêz cxuô thax tsav qơư chiê muôz trâu chor nhuôs xưz. Thiêz kriz uô têx tsaz yênhx vênhx huôv vênhx nghệ thôngz đhâu mạng xar hôiv sêiz car trực tuyến”./.

(TTTB-Lik Thox cxêik nhênhv)

Yuôr ntơưv huyện Phù Yên- qơư muôx moz huôv xênhz phêv liv nhoz tỉnh Sơn La tsênhv yuôr 6 jos nhoz 3 xã trâus cêv kuôk lơưr Chinhr phuv li chỉ thị 16. Đros chuôz tsar qênhz yuôx, sir jos krêz uô têx tsưr ziv chiê nzor tir tar tâu moz, têx cấp, têx nganhx, đoanx thêv sâuv thax tsav nhiv no tsênhv chêx chôngk vênhv tôngv cxuô pênhr jos chiê tsưr tsix trâu mê nhuôs nhoz no muôx iz luz tsiêz trung thu sor si, lov jêv. Zơưv Cầm Văn Diễn, Chủ tịch UB xã Huy Thượng, huyện Phù Yên puz pâuz, xã sir jos cov tas nro mê nhuôs zâu nhoz hâur xã tâu chinhr quyênx thiêz đoanx thêv tiv phaz khơưk muôz huv cxôngx tsưr ziv đei trâu ntơưv kror trôngx chiê zuôr zis chiv chir muôz thiêz tsưr tsix tsiêz trung thu trâu mê nhuôs: “Tsưr tsix tsiêz trung thu trâu mê nhuôs hâur ntu cêv kuôk xã hội no, xã tưz choz trâu đoanx hluôk nênhs côngv đros chi đoàn têx jêx jos, gra huv muk tôngv vênhx têx mê nhuôs, cov mê nhuôs sir jos sik côngv đas jos đros Đangv, chinhr quyênx xã tir tar moz”./.

(TTTB-Txâur Vax cxeik nhênhv)

Tỉnh Lào Cai li iz đoanx cán bộ Y têr tưz sơưr cêr muk paz tỉnh Bình Dương phax tar caz moz Covid-19. No zos tỉnh Lào Cai li đoanx cán bộ y têr tiv 4 tâu chiê muk paz trâu cxuô thax tsav qơư muôx caz moz. Đoanx muôx 16 lênhx bác sĩ thiêz 34 điều dưỡng viên nhoz têx taz viv y têr hâur tas nro tỉnh, zos Thạc sĩ Phạm Ngọc Sâm, Trưởng khoa Ngoại nhuôs zâu, Tsêr kho moz nhuôs zâu tỉnh Lào Cai uô trưởng đoàn. Chor cán bộ Y têr no zuôr tâu chiê muk hlôngr trâu 50 lênhx bác sĩ, nhân viên y têr đoanx sôr 2 uô ntêx co tưz tâu chiê muk paz trâu Bình Dương txix hnuz 23/7 txos nhiv no./.

(An Kiên-Lik Thox cxêik nhênhv)

Tas cik hnuz 20/9, 2 tul mê nhuôs zos Nguyễn Hà My cơưv lớp 5 thiêz Nguyễn Thị Vân Anh cơưv lớp 3 ntơưv tsêr cơưv cxênhx 1 Yên Thái, nhoz jos Quẽ Ngoài, xã Yên Thái, huyện Văn Yên, tỉnh Yên Bái thâuv tsênhv muk cơưv ntơưr muk đhâu tsas tar đêx tưz trâus đêx nas cuôr yôngz lơưv. Tul mê nhuôs Nguyễn Hà My môngr jông tâu chơưv tâu, yuôr tul mê nhuôs Nguyễn Thị Vân Anh mak trâus đêx cuôr yôngz muk. Ciês thâuv jênhv tâu xor mông, Ban chỉ huiz phax tar ntux nas thiêz nriêr chơưv nanv xã Yên Thái tưz chox kriê têx lưx lươngv sik côngv đros tsôngv box thiêz chuôz zis ciêr chênhr muk nriêr, txos 7 six tas cik đros hnuz tưz nriêr tâu tul mê nhuôs Vân Anh. Tỉnh Yên Bái tưz chox kriê têx tiv phaz ciêr chênhr qênhz yuôx đuô têx tsas tar đêx, muôx tsưr ziv taz por trâu tsôngv box thiêz têx yêz muk lok đhâu. Thôngx cxix heik lênhx nênhs canhv pov, paz txưv shux xênhz muk đhâu tsas tar đêx cov taz por. Nhiv no tsênhv zos cheix ntux nas, pox nhuôs tsuv yax six heik kriê, choz chêv mê nhuôs tsưv ziv thâuv muk cơưv ntơưr./.

(Thừa Xuân-Txâur Vax cxeik nhênhv)