Tỉnh ntus đriv Lai Châu tsênhv uô cxuô nro têx tsưr ziv, cê chiê paz por vêv đas jos trâu pêx xênhv tiv moz Covid-19, cê huôv tsar tâu kinh têr-xar hôiv lơưr Chính phủ li Nghị quyết 128. Lơưr tix lâus Lường Văn Phúc, công nhân Nông trường Cao su Nậm Na, nhoz Công ty Cổ phần Cao su Lai Châu II, đhâu thâuv tror lok txix qơư muôx caz moz Bình Dương, hâur jiês piêr pâuz lok hâux lưv uô zos chính quyền ntơưv qơư tsưr tsix, tix lâus oz niêv txir tưz muôx tâu hâux lưv uô truôx nhoz je tsêr. Zơưv Hoàng Đại Thắng, Phưv Giám đốc Sở Tsưr ziv thiêz Yưv pênhr tỉnh Lai Châu puz pâuz:

“Tỉnh Lai Châu tưz tso tơưv lok six ntâu tsưr ziv chiê tror uô tâu truôx jông oz tsưr ziv cê huôv tsar tâu kinh têr-xar hôiv, cê phax, tar tâu jông caz moz, tiv zix zos kriz uô Chính phủ têx Nghị quyết lok paz trâu pêx xênhv, doanh nghiệp njiz trâus phiv liv tiv moz Covid-19, li Nghị quyết 63, 68, 105, 126 thiêz tiv zix zos Nghị quyết 128 lok uô nênhx ngaz tuk đros caz moz. Tsưr ziv thiêz zos tỉnh tror chox kriê tsưr tsix kriz uô ciês têx nghị quyết, đề án thiêz tsaz yênhx zov chênhr lơưr Nghị quyết Đại hôiv Đảng bộ tỉnh jiês tiv 14 tưz tso tơưv”./.

(Khắc Kiên-Lik Thox cxêik nhênhv)

Ntơưv tiểu khu Pa Khen, thị trấn Nông trường Mộc Châu, huyện Mộc Châu, tỉnh Sơn La muôx iz lớp cơưv tâu krêz lok thâuv hmo ntux, đros muôx 40 ntâu lênhx nênhs cơưv 100% zos tsôngv box mênhx cxưx Hmôngz nhoz ntâu hov hnuz nhôngs txơưr.

Lơưr zơưv Vương Văn Học, Phưv tsar phongx zaoz zux huyện Mộc Châu, nhiv no qênhx shênhx chor nênhs tsik pâuz ntơưr nhoz hâur thax tsav huyện tưz txu grês lok six ntâu. Nganhx zaoz zux huyện tsênhv sik côngv đros têx tsưr tsix chinhr trị xã hội chuôz tsar qênhz yuôx, nriêr pâuz tsôngv box li zoz qơưx chiê krêz lớp cơưv kriê hâur pâuk ntơưr trâu tsôngv box, sir jos txos shông 2025 chuôz ndê lênhx nênhs muôx txix 15 txos 60 shông hnuz nhôngs pâuz hâur pâuk ntơưr, tax 97% ntâu, tiv zix zos têx xã txov nhêv, sir jos cov chor nênhs txix 15-35 shông pâuz ntơưr tax 95% ntâu./.

(Trấn Long-Txâur Vax cxeik nhênhv)

Tỉnh Điện Biên tưz hêik pâuz muôx caz moz phiv liv ntơưv ntâu xar, thị trấn thâuv caz moz siz cik ntơưv ntâu thax tsav qơư thiêz chor nênhs trâus moz chuôz ndê chôngz lênhx.

Ciês txix hmo 19 txos tas hnuz 20/11, tỉnh Điện Biên tưz pov muôx 26 lênhx nênhs trâus moz Covid-19, tas nro chor nênhs trâus moz hâur tỉnh 21 hnuz đhâu ndê muôx 302 lênhx nênhs. Chôngz tiv zix zos  huyện Điện Biên muôx 215 lênhx nênhs moz; hok huyện Điện Biên Đông nhiv kruôr muôx nzir 7 lênhx nênhs trâus moz thiêz no zos chor nênhs trâus moz xuz thơưx ciês hâur huyện xav txix thâuv muôx yưv jiês huôv xênhz siz cik caz moz no.

Đros caz moz Covid-19 txơưr txar phiv liv sâuv thax tsav thiêz uô lơưr sưv đros ngaz tuk, qênhz yuôx phax tar jông caz moz Covid-19 lơưr Chính phủ li Nghị quyết 128, ntâu thax tsav qơư hâur tỉnh Điện Biên tsênhv kriz uô têx tsưr ziv chiê phax, tar caz moz cov sưv đros trâu qênhx shênhx yiêz./.

(Vũ Lợi-Lik Thox cxêik nhênhv)

Cux nhoz Điện Biên, zênhx pênhz phax Mường Pồn, Bộ đội pênhz phax tỉnh Điện Biên nhiv kruôr pov thiêz ntês tâu 5 lênhx nênhs nhiês muk đhâu ntus đriv muk têz qơưk Lào. 5 lênhx nênhs no puôr lênhx nhoz jos Nà Pen 2, xã Nà Nhạn, TP Điện Biên Phuv, tỉnh Điện Biên. Đhâu qênhz yuôx, têx lênhx nênhs no jênhv, viv tsi muôx hâux lưv uô tưz sik zâuv muk đhâu ntus đriv muk têz qơưk Lào chiê txiêr car thênhx thiêz chuôz nôngs, thâuv tror lok txơưv trâus bộ đội pênhz phax pov thiêz ntês. Đhâu njuôs siv sei, 5 lênhx nênhs no puôr lênhx tsi muôx caz moz SARS Cov-2.

Zênhx pênhz phax Mường Pồn, Bộ đội pênhz phax tỉnh Điện Biên tưz uô ntâuz ntơưr, xưv bluô uô cxâuv hành chính iz lênhx 3 tsov đeiv viv uô cxâuv chei muk lok đhâu ntus đriv. Thôngx cxix, choz têx lênhx nênhs no trâu lưx lươngv muôx txơưx jênhv TP Điện Biên Phuv chiê chox muk cêv kuôk lơưr cui tênhv./.

(Vũ Lợi-Txâur Vax cxeik nhênhv)