Tỉnh đoàn Sơn La nhiv kruôr tsưr tsix chiv nhênhv 90 shông hnuz yênhx lix Đoanx hluôk nênhs CS HCM. 200 ntâu lênhx hluôk nênhs hlôngr njêx muôs trâu zuôr xar 74 cxênhz đoàn viên hluôk nênhs tas nro tỉnh tuôx dưv. Têx cxênhx hluôk nênhs Sơn La tưz sir jos uô jông têx phongz yaox tưr thik, cxiv tsa têx côngz tsinhx hluôk nênhs, huôv tsar kinh têr, cxuôv yeiz thiv pluôs...yênhx trus chox Sơn La hla đhâu tỉnh txov nhêv tiv zix, fênhx zav thiêz sik côngv siêz têx mênhx cxưx, tuôr truôx txiv ngaz chinhr trị, côx phax....Tix lâuk Lê Ngọc Sơn, Phưv Bí thư huyện đoàn Phù Yên, tỉnh SƠn La iz hâur têx hluôk nênhs jông tâu jênhv trung ương đoàn hluôk nênhs CS HCM li ntơưr kruôk ntu 2016-2020 heik:

“No zos cur li kror jông siêz, cur zuôr tror sir jos cơưv shâuv têx cxênhx nênhs uô ntêx li chênhz zênhv yênhx tưv txux chi cux xưk li têx hâux lưv tsênhv tsênhz. Tiv 2 zos tror pâuz tâu đoàn viên hluôk nênhs li siêz xar njôngr, uô li chas chiê côngz xưv doàn thiêz phongz yaox hluôk nênhs huyện Phù yên chox lok liv zix jông trâu đoàn viên hluôk nênhs”./.                        

(TTTB- Lan dịch đọc)

Đhâu oz jiês cơưv, Ủy ban Mặt trận Têz qơưk cxuô cấp tỉnh Lai Châu tưz sêiz lax thôngx ziv uô ntơưr trâu 8 lênhx zos nênhs ntơưv thax tsav qơư chia ứng cử têiv plor Côx hôiv khóa 15, ntu 2021-2026. Txos nhiv no, Ủy ban bâux xêir cxuô cấp tỉnh Lai Châu txêik jênhv 8 ntâuz ntơưr zos nênhs ntơưv thax tsav qơư hêik pâuz ứng cử têiv plor chiê bâux 4 lênhx têiv plor Côx hôiv. Đuô li, Lai Châu zuôr muôx nzir 2 lênhx têiv plor Trung ương ứng cử ntơưv thax tsav qơư. Tỉnh Lai Châu cux tưz hêik pâuz 4.572 ntâuz ntơưr hêik pâuz ứng cử têiv plor HĐND cxuô cấp; hâur co muôx 84 ntâuz ntơưr ứng cử chiê bâux xêir 50 lênhx têiv plor HĐND tỉnh. Chiê jiês bâux xêir têiv plor Côx hôiv thiêz HĐND cxuô cấp sâuv thax tsav tâu uô huv đros, ngaz tuk, cxênhx txuôs, chor lưx lươngv công an, quân đôiv, pênhz phax tỉnh Lai Châu tưz uô truôx luôs hâux lưv sêiz car ngaz tuk uô ntêx thiêz uô kaz hâur hnuz bâux xêir./.

(Khắc Kiên-Lik Thox cxêik nhênhv)

Tar su hnuz 21/3, ntâu tiv phaz hâur tỉnh Lào Cai pov muôx ntux lok nas, lok lơưs, chuô lox, cux tar su hnuz 21/3, ntơưv thax tsav ciêz Chậu, xã Lùng Vai, huyện Mường Khương muôx ntux lok lơưs. Ntơưv Sa PA muôx ntux lok nas lox tiv zix; njuôs xav muôx đêx cuôr yôngz. Đhâu têx hnuz yar ntux jêx tưv cuz sor cxôngx 25-30 tưv, njuôs pov hâur têx hnuz zuôr txos, jêx tưv zuôr grês yuôr 10-18 tưv, têx lênhx chuyên gia canhv pov tsôngv box tsuv tsưv ziv tuôr cov iz chêr sor si, thix phax qiv hơưv txơưr txar./.

(An Kiên-Txâur Vax cxeik nhênhv)

Zar zuôr tsâuk ntux 21/3, sâuv thax tsav xar Chà Nưa, huyện Nậm Pồ, tỉnh Điện Biên muôx yưv iz jiês lok nas đros lơưs lox uô trâu ntâu luz tsêr trâus puôk tsuôx, jâuz tâuv tsoz chos trâus hiêv ntâu.

Zơưv Thùng Văn Ánh, Chủ tịch UBND xar Chà Nưa puz pâuz: coz nas chuô đros lơưs lox muôx yưv sâuv thax tsav thâuv xar muôx 6 six tsâuk ntux thiêz truz ntêr hâur 20 ntâu phênhz. Chor lơưs lok ntâu, muôx ntâu luz lơưs lox pôngz lok trâus trur tsêr iz cxiê ziv chuôz zis nhoz jok Nà Ín, ntâu thax tsav jâuz tâuv tsoz chos cux trâus hiêv ntâu. Tiv thâuv muôx ntux nas đros lơưs zos zar zuôr tsâuk ntux viv li chính quyền ntơưv qơư cux tsênhv thôngz sâu tsik tâu tâu têx trâus hiêv.

Lơưr Đaix njuôk ntux yar ntux nas tỉnh Điện Biên, thâuv 6 six 30 phênhz zar hnuz kêix 21/3, njuôk pov tâu muôx chor huôz tsâuk zuôr uô muôx ntux nas lox lok trâu ntơưv têx huyện: Điện Biên; ĐiệnBiên Đông; Mường Ảng. Nhiv no chor huôz no tsênhv kriz đar nzir trâu têx thax tsav qơư iz ndis. Viv li ntơưv têx thax tsav qơư li Tuần Giáo, Tủa Chùa, Mường Chà thiêz thành phố Điện Biên Phủ têx jâuv zuôr muôx yưv ntux nas đros xoz tuô thiêz chuô lox…/.

(Vũ Lợi-Lik Thox cxêik nhênhv)

Sâuv thax tsav xã Hưng Khánh, huyện Trấn Yên, tỉnh Yên Bái nhiv kuôr muôx yưv iz txuz shux xênhz zôngv triêv gâus tul fôngx zưs đros cơưv uô cê iz luz tsêr cơưv trâus saz hnhar. Uô ntêx co, thâuv 11 six 45 phênhz hnuz 20/3, 2 lênhx shux xênhz Nguyễn Minh Đức xênhz shông 2006 cơưv lớp 9C thiêz Nguyễn Minh Phúc, xênhz shông 2007 cơưv lớp 8C puôr lênhx cơưv tsêr cơưv cxênhx 1 thiêz cxênhx 2 Hưng Khánh (huyện Trấn Yên). 2 lênhx shux xênhz siz char ntơưv trôngx vas tsêr cơưv, Nguyễn Minh Đức tưz ro triêv hâur hnhaz trik gâus ciês Nguyễn Minh Phúc plaz. Pov muôx yưv têx tsik jông co, lênhx por vêv đros Ban giám hiệu tsêr cơưv tưz chox Phúc muk chơưv kho ntơưv tsêr kho moz đa khoa thax tsav Hưng Khánh (Trấn Yên) đhâu co xa muk kho trâu tsêr kho moz đa khoa tỉnh Yên Bái. Txos tas cik hnuz 21/3 Phúc li đas jos tưz jông đuô./.

(TTTB-Txâur Vax cxeik nhênhv)