Huyện Mai Sơn, tỉnh Sơn La nhiv no muôx 2 cxênhz 600 hecta ntâu txir mo môngk, hâur co muôx 2 cxênhz hecta tâu chos lơưr ploz tsênhr VietGap, iz shôngk sâu tâu 14 cxênhz tênhr. Têx hnuz hâur hlik hli 6, Mai Sơn tưz muôs tơưv 30 tênhr txir trâu niêv ciêz Trung Quốc. NJuôs xav, ntu no tas nro huyện Mai Sơn zuôr muôx 40 tênhr txir mo môngk tâu muôs trâu têz qơưk Mỹ. Txir mo môngk tâu xeir muôs tơưv zos nôngz txir mo môngk tượng tơưr njuôz, iz luz hnhar cxôngx 1-1,2 cir, txir jông gâux. Yuôr niêv ciêz hâur têz qơưk mak sâu zuôr chungz fênhx 100 tênhr iz hnuz. No zos têx lênhx nênhs chos txir mo môngk li iz cêr jông siêz thâuv tsênhv yuôr ntâu phêv liv tiv moz Covid-19 huôv xênhz thiêz khav tênhv txir mo môngk Mai Sơn li tsiv grê. Tix lâuk Phạm Văn Hùng, iz chuôz zis chos txir mo môngk nhoz tiểu khu 32, xã Cò Nòi, huyện Mai Sơn heik:

“Viv cur chos lơưr ploz tsênhr VietGap, tsơưr lươngv siêz, viv li lok six tso siêz. Thâuv moz Covid-19 huôv xênhz cur tsênhv muôs tơưv tâu trâu têz qơưk Mỹ mak jông hênhr lơưv, pox nhuôs lok six jông siêz”./.

(Trấn Long- Txâur Vax cxeik nhênhv)

Nhiv kruôr đhâu ntơưv xar Nậm Lúc, huyện Bắc Hà, tỉnh Lào Cai. Muôx xoz tuô uô oz lênhx nênhs trâus saz.

Co zos oz niêv txir, thâuv tsênhv nhoz hâur tsêr, xoz tuô đhâu trur tsêr uô oz lênhx niêv txir no lôngx ciês, saz đrâuv tơưr grêix trâus cuz hnhiêz. Đhâu ciês co oz niêv txir no tưz tâu pox nhuôs chơưv paz thiêz chox muk chơưv paz ntơưv tsêr kho moz đa khoa huyện Bắc Hà, txos nhiv no tư tror muôx jos.

Nhiv no, tsênhv hla trâu ntu muôx ntux nas chuô thiêz xoz tuô, sơưr đơưk tsuv phax tar trâus xoz tuô. Jông tiv zix thâuv muôx ntux nas lox zos tsik nhoz gâuv hâur têz hâur pâuk ntông lox, txar đêz têx hluô tênhv, tsik nhoz sâuv têx qơư siêz, tsik nhoz uô cê chôngz nênhs…/.

(An Kiên-Lik Thox cxêik nhênhv)

Tas cik hnuz 21/6, Viện kiểm sát tỉnh Điện Biên tưz thôngz đhâu lênhv krêz tik cêr cxâuv txuz án hình sự tuô tuôs lênhx nênhs hnuz 20/6 ntơưv khối Trường Xuân, thị trấn Tuần Giáo, huyện Tuần Giáo, tỉnh Điện Biên. Li VOV tưz tso mông, tas cik hnuz 20/6 zơưv Chung thiêz pos Thu 2 niêv txir muk zơưv Đàm Văn Lực (puôr lênhx nhoz thị trấn Tuần Giáo, huyện Tuần Giáo, Điện Biên) teix nux grê thiêz lơưr siz chêv. Zơưv Lực tưz zôngv triêv gâus zơưv Chung thiêz pos Thu, đhâu co chiv chir zôngv triêv tuô zuk tuôs. Lơưr chiz coaz công an li qênhz yuôx qir thơưx, zơưv Chung thiêz pos Thu 2 niêv txir puz zơưv Lực xênhz shông 1963 txeik chor nhiêx txiêx lox. Ntâu jiês zơưv Chung 2 niêv txir tuôx teix taz sik zơưv Lực puôr lênhx thor thiêz heik tsi tâu muôx chiê thêv, txos tas cik hnuz 20/6 txơưv muôx yưv hâux lưv pôngz siêz li heik sâuv./.

(Vũ Lợi- Txâur Vax cxeik nhênhv)

Công an huyện Văn Yên, tỉnh Yên Bái nhiv kruôr cxov tâu Tuôv Xênhv Thox, zos shông 1987, nhoz jok Làng Sang, xar Nậm Khắt, huyện Mù Cang Chải lok kror cxâuv “jêik chiê tsik zos chêi zax zênhz” ntơưv tsêr kruô nhoz so Thiên Hương, tôv dân phố 5, thị trấn Mậu A, huyện Văn Yên. Lưx lươngv txơưx jênhv tưz sâu tâu ntơưv Tuôv 1 đêiv zênhz đơưz thiêz iz cxiê zav chuôz zênhx cik txos. Ntơưv cơ quan Công an, Tuôv tưz jênhv tas nro zuk kror cxâuv. Tuôv zos nênhs muôx zênhk zax zênhz, tâu chox muk chiv zênhk zax zênhz ntơưv tsênhv qơư chiv zênhk zax zênhz tỉnh Yên Bái shông 2012. Nhiv no, txuz hâux lưv tsênhv tror tâu côngz an huyện Văn yên qênhz yuôx uô tsênhz mênhx./.

(Tuấn Xuân-Lik Thox cxêik nhênhv)