Đại hội Đảng bộ tỉnh Yên Bái jiês tiv 19, ntu 2020-2025, zuôr kriz cơưv hâur 3 hnuz, txix hnuz 22 txos hnuz 24/9/2020; muôx 325 lênhx đại biểu tuôx đros cơưv thiêz hâur ntu đhâu, cxuô huyện hâur thax tsav tỉnh Yên Bái tưz cơưv tiêr đại hội. Txix ntơư, cxuô luôs hâux lưv bax trâu đại hội Đảng bộ tỉnh jiês 19 tưz bax tâu truôx jông, huv đros./.

                                       Tsu cxêik nhênhv-Thừa Xuân – NghiệpBT

  Txix zar hnuz kêix 22/9 no txos trâu hnuz 24/9, Đảng bộ tỉnh Sơn La zuôr qir Đại hội Đảng bộ jiês tiv 15. Tis seiz njiê đuô  têx hâux lưv hâur ntu đhâu, Sơn La tưz uô tâu ntâu luôs hâux lưv jông hâur ntâu cêr nuv, lar heik zos hâur huôv tsar kôngz nuv, tox siêz, hâur ntơư chos têx ntông nox txir sâuv têx ar têz nxaz zos tsưr ziv uô tâu jông. Sơn La tưz sir jos chiê yênhx tỉnh tiv 2 sâuv tas nro têz qơưk lok huôv tsar chos ntâu têx ntông nox txir đros thiêz 80 cxênhz ntâu ha; muôx 16 xiv huv kôngz nuv muôs trâu ciêz đrôngs 12 luz têz qơưk, hâur co muôx ntâu ciêz đrôngs lơưr qênhz yuôx shuôs lok six ntov jông têx huv ntơư. Zơưv Nguyễn Hữu Đông, Bí thư Tỉnh ủy Sơn La phênhz lok iz hâur têx tsưr ziv uô tâu jông ntơưv qơư li no:

“Zov chênhr đuô zos lênhx nênhs sơưr thơưx thiêz tập thể cấp ủy tsuv sik thôngx siêz, tsuv sik đros xar, cxiv uô têx tsưr ziv chiê tso tơưv tâu têx chei, cui tinhv huv đros trâu luz nênhx. Co zos têx mak cur seiz lok six zov chênhr. Txix Đảng têx suô luk, chỉ thị, Nghị quyết, têx canr bôv tsuv sik đros sir jos thiêz phênhz côngz, phênhz hâux lưv uô tsênhv tsênhz, đhâu ntơư muôx heik kriê uô, muôx qênhz yuôx. Ban Thường vụ Tỉnh ủy zuôr mnôngs trơưk li heik pâuz hâur niêx hli thiêz kriê uô têx luôs hâux lưv tâu choz zok, tâu tso tơưv, thax tsav qơư tưs uô tsi tâu tâu tsuv phê bình, heik sir jos uô cov tiêr, zos suôv qơư tưs uô tâu, cux  cxơưz cxiz lơưr sir jos đuô thiêz, kruôs zênhx max txos”./.

(Thanh Thủy-Riê Lâux cxeik, nhênhv)

  Xav kror đruôz đraz hâur iz shông, huyện ntus đriv Sìn Hồ, tỉnh lai Châu muôx zuôr xar iz cxênhz lênhx laox tôngv tâu cơưv tsưr ziv uô cxuô zav hâux lưv. Zơưv Đồng Văn Liệt, chủ tịch uỷ ban huyện Sìn Hồ cux hêik pâuz tiêk: Txix têx muôx ntơưv cxuô tsênhv  qơư, huyện tưz muôx phênhv nhiêx paz zuôr nôngz, zuz tsoz chos trâu tsôngv px huôv tsar chos. Xav txos trâu nhiv no, muôx ntâu tsênhv qơư tưz yênhx thax tsav qơư muôx ntâu zav xiv huv muôs trâu tuz luôv ciêz đrôngl. Txix têx luôs hâux lưv uô muôx liv hêik ntơư. Chor chuôz zis pluôs hâur thax tsav huyện tưz txo grêk tsơưs yuôr 24%.

“Thax tsav qơư kik, xav txos trâu nhiv no, pêz tưz kriz cxiv uô tâu 200 kror qơư tu zus shuôz njêk; đuô li thax tsav tox siêz, pêz cux chêx chôngk chos tsoz chos yuôx zêx, ati sô. Ntơư cux zos tsoz chos paz tâu trâu phênhv trâu px muôx sâu tâu nhiêx txiêx chox lok cxiv kho chuôz zis muôx luz nênhx tsâu sor”./.

                                  Tsu cxêik nhênhv-VOV1 -Chẻo Thu BT

Cơ quan Cảnh sát qênhz yuôx, Công an tỉnh Sơn La nhiv kruôr tso tơưv Quyết tinhv tik cêr cxâuv trâu Lò Văn Ương, xênhz zus shông 1976, nhoz jok Lọng Mén, xã Chiềng Pấc, huyện Thuận Châu, tỉnh Sơn La lok sâuv tuô nênhs trơưk li ntu iz, Grê 123 Bộ Luật hình sự 2015. Lò Văn Ương zos lênhx tiz nênhs tưz zôngv triêv gâuk tuô tix lâus Quàng Văn Xôm, công an jok Lĩnh Luông, xã Chiềng Pấc, huyện Thuận Châu (Sơn La) tâu tas siv nênhx hnuz 15/9 nhiv kruôr đhâu, thâuv châuv ntêk Lò Văn Ương tiv sir zôngv zax zênhz tsi trơưk chei. Lò Văn Ương zos lênhx nênhs muôx zênhk zax zênhz, tưz trâul nhoz tux iz jiês cêr cxâuv lok sâuv zuôr muôs zax zênhz tsi trơưk chei, nhiv kruôr tơưv tsêr tux lok thâuv hli 5/2019./.

(Trấn Long-Riê Lâux cxeik, nhênhv)