Yuôr tsi ntêr hnuz, Đảng li đại hội jiês tiv 13 zuôr qir cơưv. Txix têx thax tsav ntus đriv, tsôngv box faz Bắc chiê siêz, tok njôngr txos Đại hội đros thiêz tsưr ziv, siêz xar tiêk, zuôr uô tâu yênhx côngz.

Sơn La zos tsênhv qơư hâur thax tsav faz Bắc, muôx 12 heir nênhs uô nênhx nhoz uô cê. Hâur têx shông đhâu, khov fuô uô têx tsaz yênhx, tâu Đảng, têz qơưk paz max, tsôngv box Poz Ziz, Hmôngz, Cho....hâur thax tsav, tưz muôx  luz nênhx hlôngr yiêz truôx tuk jux juk; chor chuôz zis pluôs txo grêk tsơưs ntâu, nhiv no tsuôk yuôr 18% ntâu. Tsôngv px lok six shir phaz thiêz tsênhv chiê siêz, tok njôngr txos Đại hội Đảng tas nro têz qơưk jiês tiv 13 zuôr qir cơưv lok hnuz 25/1 zuôr txos no. Tix lâus Yênhx Xênhv Vix, Chủ tịch Ủy ban xã Co Mạ, huyện Thuận Châu, Sơn La heik: “Ndar txos Đảng Đại hội tas nro têz qơưk jiês tiv 13, tsôngv px vav chiê siêz tiêk, Đại hội jiês no zuôr tso tơưv ntâu tsênhv chei lok huôv tsar kinh tế-XH, côx phax-txiv ngaz, lar heik zos têx tsaz yênhx huôv tsar cxuz cêr yeiz pluôs thiêz têx tsaz yênhx paz px tox siêz txo grêk tâu yeiz pluôs, truôx tuk luz nênhx”./.

(VOVTB-Riê Lâux cxeik, nhênhv)

  Tsiêz viv nênhs pluôs zos iz hâur chor tsaz yênhx lox, tâu tỉnh Lào Cai uô jông txix ntâu shông lok no, chiê moz siêz txos, txoz cxơưx trâu chor nênhs muôx luz nênhx txov nhêv hâur xar hôiv.

Hâur shông 2020, txix tas nro cxiv luôs chính trị thiêz cxuô cxênhx nênhs li têx sir jos, tỉnh Lào Cai li chor tsaz yênhx viv nênhs pluôs tưz paz trâu 1.300 ntâu ziv chuôz zis cxuôv por tsês têx vax tsêr đaz tuôs, cxiv uô tsêr niêv côngv siêz; paz 20.000 ntâu ziv chuôz zis pluôs, zuôr xar pluôs txêik pênhr chiê uô nox, paz trâu yênhx cxênhz lênhx shux xênhz muôx luz nênhx txov nhêv tâu tuôx tsêr cơưv chiê cơưv ntơưr; paz trâu phongz yaox cxiv tsa jêx jok yiêz; txo grêk tsơưs têx cêr txov tiv ntux têz ruôr hiêv, caz moz; paz txo grêk tsơưs chor chuôz zis pluôs nhoz tỉnh txos yuôr 8,2%. Zơưv Zax Seo Vần, Chủ tịch Ủy ban Mặt trận têz qơưk Việt Nam tỉnh Lào  Cai puz pâuz: “Mặt trận têz qơưk Việt Nam lok six moz siêz txos hêik chor nênhs siêz jông, doanh nghiệp tuôx sêiz nus, khơưk muôz huv paz trâu chor chuôz zis pluôs; thôngx cxix, sir jos yax kriê, hêik paz trâu chor chuôz zis pluôs li paz cxiv uô tsêr nhoz; paz zuz nôngz tsoz chos, tsiêx tu zus; paz đas jos, hnuz côngz; paz trâu chor chuôz zis txov nhêv njuôk, kho moz”./.

(An Kiên-Lik Thox cxêik nhênhv)

Cux ntơưv Laox Cai, lưv lươngv tsưx phưv đriv têz 2 têz qơưk VN-Trung Quốc (nhoz trơưk chiêv têz Lào Cai) nhiv kruôr krêz uô luôs hâux lưv sik đros qênhz yuôx hâur shông 2021, cux zos shông Covid-19 tiv 2 đros thiêz ntâu phiv liv.

Cxaz chuôz ntênhs muôx têx lênhx hlôngr njêx muôs Bộ chỉ huy Bôv đôiv Pênhz phax tỉnh Lào Cai (VN) thiêz têx lênhx hlôngr njêx muôs Chi đội seiz car ntus đriv Hồng Hà, Chi đội seiz car ntus đriv Mã Quan, qơư Pênhz phax qênhz shuôs têx lênhx nênhs muk lol đhâu ntus đriv Hà Khẩu, tỉnh Vân Nam (Trung Quốc). Hâur jiês xuz thơưx qir uô têx luôs hâux lưv heik sâuv, 2 tos sik đros yênhx lix 10 paz qênhz yuôx shuôs 2 saz đriv têz txix tus ndêx cxok kuôk cêv đriv têz sôr 87 txos 172, đhâu thax tsav 5 huyện, TP, muôx: Bát Xát, Bảo Thắng, Mường Khương, Si Ma Cai thiêz TP Lào Cai./.

(An Kiên-Riê Lâux cxeik, nhênhv)

UBND tỉnh Yên Bái nhiv kruôr tso tơưv cuêz tênhv xưv bluô zơưv Bùi Đăng H, zus shông 1967, nhoz jok 5, xar Tân Đồng, huyện Trấn Yên chor nhiêx muôx 40 triệu đêiv ntâu viv hâuk chơưr, bia thâuv tsar yêz ô tô muk lok tâus cêr. Zơưv H trâus xưv bluô nhiêx txiêx đros kror cxâuv tsar yêz ô tô muk lok tâus cêr thâuv hâuk ntâu chơưr đros chor nhiêx zos 35 triệu đêiv; 5 triệu đêiv lok kror cxâuv tsik muôx ntơưr tsar yêz ô tô thiêz 800 cxênhz đêiv trâu 2 kror cxâuv: Tsik gra đros ntơưr đăngk cir yêz, ntơưr bảo hiểm yêz./.

(TTTB-Lik Thox cxêik nhênhv)