Chiềng Sơ zos huyện Sông Mã, tỉnh Sơn La luz xar thax tsav 3. Xar muôx 26 jêx jok mak muôx 17 jêx jok nhoz trơưk ntus đêx Sông Mã. Taz sik ntâu shông no, thax tsav qơư no cux tsênhv tsik tâu muôx qox muk lok hla đhâu đêx, pox nhuôs nhoz no tsuv lav uô têx tuk qox muk lok hâur chêix ntux kruôr, chêix ntux nas mak pox nhuôs tsuv muk đêz muôx 15 txos 20 cêik cêr chiê chêix fuôx hla đhâu đêx lok six phiv liv. Pox nhuôs siêz vav njôngr zos muôx tâu iz tuk qox muk lok đhâu đêx. Pos Lò Thị Điện, nhoz jok Nà Sẳng, xar Chiềng Sơ hêik:

“Chor mê nhuôs muk cơưv ntơưr lok txos tsêr hnuz tưs mak shir phaz hnuz co xưz. Hnuz tưs lok lis mak niêv txir muk đrav ntus đêx chiê tok têx mê nhuôs…Vav tiêk Đảng, têz qơưk cxiv uô trâu pêz iz tuk qox muk lok đhâu đêx ntơưv no”./.

(TTTB-Lik Thox cxêik nhênhv)

Hâur ntu đhâu,  ntơưv xã Tà Mung, huyện Than Uyên, tỉnh Lai Châu tưz kriz cơưv hội tưr thi nthuôr uô pêz hêir nênhs Hmôngz têx cêr lov jêv shông 2019 thiêz hnuz hội huôv tsar cêr thôngx siêz đros cxuô hêir nênhs sđ. Ntơư zos muôx 8 đoanx, muôx 102 lênhx tuz nxêik hluôk nhoz cxuô luz jêx jok hâur thax tsav tuôx tưr thi nthuôr uô cêr lov jêv. Hâur jiês kriz nthuôr uô cêr lov jêv no, cux chênhzz zos cxơưz cxiz tsôngv px huôv tsar truôx zuk hêir nênhs Hmôngz têx txux chi, cêr nênhx vênhx huôv jông cov muôx đros đrêiv hâur luz nênhx tsik chiê pôngz plox thiêz huôv tsar truôx cêr côngv siêz đros trâu cxuô hêir nênhs sđ. Txix ntơư, cxơưz cxiz trâu tsôngv px sđ truôx siêz huôv tsar cêr uô nox, txo grêk yêiz pluôs txuôk đros cxiv tsa jêx jos yiêz./.

                                 (Tsu vưx cxêik nhênh-Ly Thao-Báo Lai Châu)

  Shông 2019, tas nro tỉnh Lào Cai muôx 263 lênhx pox niêv zos chuôz zis pluôs mênhx cxưx tsơưs nênhs tâu paz nhiêx txiêx thâuv xênhz zus mê nhuôs zos li cêr chêi dân số. Lơưr co, iz lênhx nênhs tâu paz 2 triệu đêiv. Hâux lưv no tưz paz trâu chor gơưv niêv txir tsik xênhz zus tuk nhuôs tiv pêz, tror uô truôx jông tsênhv chêi lok dân số, paz gra siêz tsơưr lươngv dân số thiêz txo grêk tsơưs chuôz zis pluôs sâuv thax tsav. Tas nro nhiêx txiêx tưz paz zos 526 triệu đêiv. Chor gơưv niêv txir thâuv txêik tâu nhiêx paz puôr lênhx cir jênhv zos tiêk zus nzir mê nhuôs, lơưr tsuv tror thêv têx nhiêx txiêx tưz tâu paz co./.

(Báo LC-Lik Thox cxêik nhênhv)

Hur si tỉnh Yên Bái nhiv no muôx 484.500 lênhx laox tôngv huôv tsar cêr uô nox, hâur ntơư muôx 80% ntâu lênhx huôv tsar cêr uô nox trâu thax tsav tox siêz; 65% lênhx huôv tsar tsêz chos kôngz lôngk. Zơưv Ngô Thanh Giang, Giám đốc sở laox tôngv tỉnh Yên Bái hêik pâuz tiêk:  Hâur 10 shông đhâu lok no, tỉnh Yên Bái tưz kriz ntâu lớp cơưv kriê uô hâux lưv trâu 150 cxênhz lênhx; hâur ntơư muôx 118 cxênhz lênhx cơưv uô hâux lưv trâu thax tsav jêx jos tox siêz. Đhâu ntơư, tưz pov muôxchoongz lênhx ntâu tus pâuz huôv tsar cêr uô nox, muôx luz nênhx truôx tuk, tsâu sor./.

                                                                              (Tsu vưx cxêik nhênh-Thào Ly-Báo Yên Bái)