Đros trâu têx thax tsav qơư hâur Tây Bắc, tỉnh Sơn La cux tsênhv hla đhâu têx hnuz ntux no njiv, no hênhr. Trơưk li qơư yuô pov ntux yar ntux nas thax tsav Tây Bắc njuôk xav, tiv nhoz hâur thax tsav muôx chuô txiêk thiêz kruôr, jêx tưv tsôngz fênhx hâur đruôz hnuz ntơưv tỉnh Sơn La zos kis đuô 15 tưv; hmo thiêz tas cik sơưr nzor, jêx tưv muôx 6-8 tưv. Txix têx li heik co, lênhx nênhs tu zus tưz bax tsưr ziv phax tar ntux no njiv trâu têx tsiêx tu zus txix bax têx jâuz nox li: Kuôr blêx, tsơưz thiêz muôz têx ntâuz tax xor thêir iz ndis qơư cơư tsiêx chiê chuô txiêk tsi yâu. Zơưv Lừ Văn Trường, Chi cục Phưv Chi cục tu zus thiêz kho moz tsiêx cxu tỉnh Sơn La heik trâu sđ pâuz lok têx tsưr ziv phax tar no trâu tsiêx cxu li đrav kaz:

“Lok sâuv tu zus, phax tar no trâu tsiêx mak hâur têx hnuz ntux no njiv tsuv tsơưs tso têx nhux tưv muk nox jâuz pêv têx har jâuz. Đros thiêz hâux lưv phax tar moz mak cxax têx yuôx vắc xin cxix cxuô trơưk cui tinhv li: Moz tơưv ndâux hlê trâu trâu tsiêx. Tsi so qênhz shuôs têx tsiêx cxu chiê pov tâu têx tsi jông, thâuv muôx tsiêx cxu trâus moz, trâus tuôs mak tsuv heik ciês trâu hâu nov ntơưv qơư thiêz cơ quan kho moz tsiêx cxu pâuz chiê muôx tsưr ziv xưv lik zênhx max”./.

(Hồng Việt-Riê Lâux cxeik, nhênhv)

Tiv phiv liv txix qiv hơưv txiêk hâur têx hnuz đhâu, ntơưv tỉnh Điện Biên tưz muôx yưv ntux no chênhr, no njiv sâuv thax tsav đar. Ciês 2 xã Sín Chải thiêz Tả Sìn Thàng huyện Tủa Chùa, têik cik hnuz 21/22 tưz muôx yưv đâuk. Chor tsêr cơưv nhuôs zâu sâuv thax tsav cux tưz chiê shux xênhz so ntơưr.

Zơưv Đào Đức Thụy, Giám đốc Đaix njuôk xav qiv hơưv tỉnh Điện Biên puz pâuz: qiv hơưv txiêk cux tsênhv muôx nzir, viv li qênhx shênhx ntux no njiv sâuv thax stav tỉnh Điện Biên tsênhv zuôr truz ntêr txix 2 txos 3 hnuz. Jêx tiv kiz tiv zix thâuv hmo ntux thiêz têik cik sơưr nzor txix 4-6 tưv, tox siêz txix 2-4 tưv; muôx đâuk, no chênhr, lok tê zuôr tror muôx nhoz tox siêz đros phiv liv tiv ntux têz uô hiêv tror nhoz thênhv iz./.

(Vũ Lợi-Lik Thox cxêik nhênhv)

Ntơưv têx thax tsav tox siêz hâur tỉnh Lào Cai, jêx tưv grêk kis đuô 10 tưv. Chiê taz por luôs hâux lưv kriê thiêz cơưv ntơưr tâu li têx hnuz tsi yuô no, chor tsêr cơưv hâur thax tsav tưz sir jos fuô uô ntâu faz tsưr ziv chiê cov sor trâu têx shux xênhz hâur cheix ntux no. Chiê taz por đas jos, ngaz tuk trâu shux xênhz, têx tsêr cơưv tưz uô hâux lưv phax tar no trơưk tsưr ziv (3 tsuv uô), ntơư zos: Tsuv ntov tsi muôx chuô txiêk yâu, tsuv nox têx jâuz mor sor thiêz hâuk đêx  sor, tsuv muôx pav sor trâu shux xênhz pư. Iz cahss ntơư, sir jos hu zâuv têx pênhr hâur XH chiê bax nzir têx tsôngk trik yo sor, câuk mov sor, fuôv câur chax đaz.....paz trâu têx nhuôs shux xênhz thax tsav tox siêz đêz đrôngs, thax tsav tsôngv box heir nênhs tsơưs tsênhv txov nhêv./.

(KT-Riê Lâux cxeik, nhênhv)

Đros tsưr ziv huôv tsar tsoz yuôx zêx, chor shông tror lok no tỉnh Yên Bái tso tơưv Ban thường vụ tỉnh ủy li Nghị quyết 02 lok gra siêz tsơưr lươngv uô, kinh doanh yuôx zêx, uô đăngk cir đros yuôx zêx Suối Giàng-Yên Bái. Chính quyền thiêz pêx xênhv li sir jos, đhâu 3 shông kriz uô “Yuôx zêx Suối Giàng-Yên Bái” tưz tâu Cục sở hữu trí tuệ cungz ntơưr cungz jênhv. Uô yuôx zêx hur, ngaz tuk zos kror uô huv đros trâu huôv tsar nhiv no. Co tsi zos paz gra siêz tsiv gri, phênhv sâu trâu nênhs chos mak tsênhv zos kror paz trâu hax huv yuôx zêx Yên Bái tâu muôs trâu chor ciêz đrôngs hâur thiêz đrâuv ntiêx têz./.

(KT-Lik Thox cxêik nhênhv)