Lơưr tsênhv qơư qênhz yuôx caz moz gênhk tỉnh Lào Cai, txix hâur hlik hli 3 txos nhiv no, moz kos kaz poz njês thiêz moz kruô tâuv tưz huôv xênhz ntơưv iz cxiê luz tsêr cơưv ntơưr sâuv thax tsav huyện Bảo Thắng. Ciês đhâu txêik tâu xor mông muôx moz huôv xênhz, Tsênhv qơư Y têr huyện Bảo Thắng tưz sir jos kriz uô côngz xưv cêv kuôk, sêiz shuôk chor nênhs moz; tsêx trung phax tar moz; yax kriê txux chi phax tar moz trâu têx tsêr cơưv ntơưr…txos tas hnuz 20/3, caz moz tưz phênhv tưs tâu tir tar, tsuôk yuôr iz lênhx shux xênhz trâus moz kruô tâuv tsênhv tâu cêv kuôk chơưv kho moz trâu ntơưv chuôz zis tsêr./.

(An Kiên-Lik Thox cxêik nhênhv)

Tỉnh Lai Châu nhiv kruôr tso tơưv côngz tênhv zênhx max phax tir thêir moz ơưk buô châu Phi. Côngz tênhv heik cxuô sở, ngênhx thiêz hâu nov cxuô thax tsav qơư hâur tỉnh fuô uô zênhx max têx faz tsưr ziv phax tir thêir moz ơưk buô châu Phi, hâur co chêx tsôngk uô luôs hâux lưv tsuôs yuôx tuô lov caz moz, yênhx lix têx qơư seiz jor, qênhz shuôs moz ơưk tax ntơưv têx cêr mul lok hâur huyện, hâur TP. Sở Kôngz nuv thiêz huôv tsar tox siêz chêx tsôngk chox kriê cxuô cơ quan lês car uô đreiv luôs hâux lưv no đros Ủy ban huyện Tam Đường xưv lik moz ơưk ntơưv xã Thèn Sin, tsi chiê caz moz siz cik đêz đar trâu cxiê qơư. Hux jos đros têx cơ quan yax mông, chiê pâuz tsênhz, pâuz cxuô lok têx moz hâur thax tsav, yax kriê, vênhv tôngv tsôngv box cov sđ tsi cxoz cxơưx thiêz nyei zav caz moz ơưk buô châu phi hêik sâu/.

(Khắc Kiên-Riê Lâux cxeik, nhênhv)

Zar hnuz kêix 21/3, ntơưv xar Khao Mang, huyện Mù Cang Chải, tỉnh Yên Bái tưz muôx yưv iz txuz hluôr tơưl cuz tsêr, tas nro tsêr thiêz cxuô zav tưz cuz hnhiêz tas hur si. Lơưr pêx xênhv thiêz chính quyền tiv phaz, thâuv 1 six 20 phênhz zar hnuz kêix, zơưv Sáu Xênhv Zax nhoz thax tsav Háng Dê Sau lu tsêr trâus cuz hnhiêz lox. Ciês đhâu trâus cuz nhiêz tas, chính quyền xar Khao Mang thiêz huyện Mù Cang Chải tưz tso nênhs muk paz chuôz zis khưx phưx, nriêr qơư lav nhoz uô ntêx thiêz paz iz cxê zav nox, sir zôngv chiê truôx tuk luz nênhx uô ntêx. Qir tiv tâu xav jênhv zos tênhv siz txêik uô muôx yưv hluôr tơưl cuz./.

(Đinh Tuấn-Lik Thox cxêik nhênhv)

Cơ quan Cảnh sát qênhz yuôx, Công an tỉnh Điện Biên nhiv kruôr yơưz phơưz, ntêk nzir 3 lênhx nênhs cik txos txuz tuô lênhx nxeik shux xênhz Cao Mỹ Duyên, thâuv thâux keiz muk muôs trâu lênhx tiz nênhs zuôr keiz hnuz 30 tsiêz shông 2019. Hnuz 21/3, cơ quan cảnh sát qênhz yuôx, Công an tỉnh Điện Biên tưz qir yơưz phơưz, ntêk 2 lênhx nênhs zos: Phạm Văn Dũng, xênhz shông 1972, nhoz jok 19, xã Thanh Nưa, huyện Điện Biên thiêz Cầm Văn Chương, xênhz shông 1974 nhoz jok 7, xã Hua Thanh, huyện Điện Biên lok sâuv zuôv lênhx nxeik shux xênhz heik co uô đaz uô tuôs. Uô ntêx ntơư, hnuz 20/3, Cơ quan Cảnh sát qênhz yuôx, Công an tỉnh Điện Biên tưz yơưz phơưz, ntêk tâu nzir Bùi Kim Thu, xênhz shông 1975, nhoz jok 11, xã Thanh Nưa, huyện Điện Biên./.

(Vũ Lợi-Riê Lâux cxeik, nhênhv)