Têx cấp cơưv nhoz tỉnh Lai Châu tsênhv ciêr chênhr bax cxuô zav trâu iz shông cơưv yiêz. Taz sik, viv hnuz krêz shông cơưv yiêz tsưr tsix trơưk cheix ntux nas, nhoz ntâu tiv phaz tox siêz tỉnh Lai Châu, hâux lưv vênhv tôngv thiêz chox shux xênhz mul cơưv ntơưr lok six phêv liv. Chiê taz por shux xênhz tuôx cơưv ntơưr cxix cxuô, nganhx zaoz zux Lai Châu chox kriê têx phongx zaoz zux, tsêr cơưv, tsov lơưr qênhx shênhx, hlôngr yiêz six hơưv cơưv cov huv đros taz sik cux taz por tsaz yênhx cơưv. Chênhr viv li, txơưv yuôr ntâu phêv liv tiv ntux nas, taz sik shux xênhz tuôx cơưv ntơưv tsêr cơưv tsênhv qơư tâu taz por, tsaz yênhx cơưv tsi trâus zênhr shar./.

(VOV4- Txâur Vax cxeik nhênhv)

Chiê txo grêk tsơưs kiêk nênhs vuôz tsuôz tênhx qơư thiêz taz por truôx tuk trâu côngv thôngx, tỉnh Điện Biên tsênhv chêx tsôngk cxơưz tiês uô luôs hâux lưv xưv lik têx vuôz tsuôz kiêk nênhs y tế trơưk tsưr ziv têx qơư y tế uô uô cê thiêz uô lơưr tsưr ziv yiêz.

No zos Zênhx hax ntiêx têz dưv anr  fuô uô txix hâur shôngk shông txos nhiv no ntơưv tỉnh Điện Biên thiêz iz cxiê tỉnh tox siêz faz Bắc, Tây Nguyên, tiêx đras niêv đêx Cửu Long đros thiêz hur si têx nhiêx txiêx uô tas muôx 150 tsov USD. Kror jông hâur tsưr ziv uô no zos tsi muôx pa nqo, taz por vêv xênhz, ngaz tuk tênhx qơư côngz côngv. Iz jiês qơư co muôx têx xưv lik tâu 70 cir têx kiêk kênhs vuôz tsuôz y tế li: Têx hưx yuôx cxax, côngz cxax.... Hlôngr viv đrav ntêx, hur tiz si têx kiêk nênhs, vuôz tsuôz heik sâuv tâu por hưv jông chiê, tsês hâur tsêr kho moz têx qơư trâu têx hưx, côngz cxax co, mak nhiv no đhâu thâuv sâu tâu têx li heik co lok, lơưr muôz ndu, jov cov mok chiê iz zav têx kiêk nênhs vuôz tsuôz txơưr đuô./.

(Vũ Lợi-Riê Lâux cxeik, nhênhv)

Ntâu luz hlik no, tul qox đei Khuổi Vèng, xã Vĩnh Yên thiêz Nà Uốt, xã Nghĩa Đô, huyện Bảo Yên, tỉnh Lào Cai txơưv tưz trâus puôk tsuôx hnhar taz sik tsi tâu tâu kho đuô. Niêx hnuz, muôx yênhx puôk ziv chuôz zis tsôngv box nhoz jos Khuổi Vèng, xã Vĩnh Yên thiêz Nà Uốt, Thâm Luông, Nà Đình, bản Hốc ( xã Nghĩa Đô) mul lol đhâu 2 tul qox no. Chinhr quyênx thiêz tsôngv box xã Nghĩa Đô tưz tsưr tsix gôngr côngv txiês ntông chiê tsưr tsix kho đuô qox Nà Uốt, taz sik tiv qox tưz trâus puôk tsuôx hnhar viv li tsuôk zos lav khưx phưx chiê mul lol xưz. Tiv phaz xar njôngr têx tul qox trâus puôk tsuôx no nzor tâu kho đuô chiê taz por tsôngv box thiêz yêz mul lol tâu./.

(KT- Txâur Vax cxeik nhênhv)

Đros thiêz têx sir jos khưx phưx têx trâus uô ruôr hiêv, paz tsôngv box thax tsav trâus đêx nas ngaz, cuôr yôngz zênhx max truôx tuk luz nênhx nox nhoz, txix hnuz 14/8 huyện Mường La tưz fuô uô luôs hâux lưv uô tsêr đhok kuôr hlâu trâu têx chuôz zis tsôngv box muôx vax tsêr trâus vâu thiêz đêx nas cuôr yôngz puôk tsuôx, tsi jông tas nhoz.

Txos zar hnuz kêix hnuz 20/8, pos Lường Thị Vặt, nhoz jok Hốc, xã Nặm Păm chuôz zis muôx lênhx txir thiêz tuk nhuôv trâus tuôl tiv đêx nas cuôr yôngz thiêz vax tsêr trâus vâu puôk tsuôx tsi jông tas tưz tâu choz zok luz tsêr đhok kuôr hlâu xuz thơưx li heik sâuv nhoz. Luz tsêr co đar muôx 250 xưv phaz, hâur ntơư tsêr đhok kuôr hlâu đar 42 xưv phaz, vor vuôk kuôr hlâu, hâur plas tsêr thiêz têx ndêx muôz xi măng puôz, lênhv taz por truôx khor, xav hur tiz si iz luz tsêr tas muôx 70 tsov đeiv txix têz qơưk têx pênhr nhiêx paz. Đhâu ciês uô tâu tiêr thiêz choz zok tsêr nhoz, tỉnh zuôr paz nzir iz luz tsêr iz luz thôngz trâu đêx, 2 luz txax kuôr hlâu pư thiêz têx chuôz zênhx zuôr trâus txos li: pav, vix tsav...taz por chiê tsôngv box yeik txar lok nhoz truôx tuk luz nênhx./.

(KT-Riê Lâux cxeik, nhênhv)