Nhiv kruôr đhâu, Phưv thủ tướng Vương Đình Huệ nhiv kruôr cir cuêz tênhv muôz 72 tấn cxur txix tsês chiê têz qơưk trâu tỉnh Sơn La chiê paz trâu pêx xênhv trâus njiz phiv liv tiv ntux nas đêx ngaz cuôr ruôr hiêv shông 2017. Phưv thủ tướng choz trâu UBND tỉnh Sơn La tsêik jênhv thiêz muôz chor cxur co paz cov huv six hơưv, huv lênhx nênhs lơưr cuiz tênhv. Lơưr co thâuv hli 8 thiêz hâur hlik hli 10 nhiv kruôr đhâu, ntux nas lox nhoz faz Bắc thiêz faz Trung tưz uô phiv liv ntâu txos pêx xênhv nhoz têx tiv phaz luz nênhx hâur co muôx tỉnh Sơn La. Ntâu luz huyện nhoz tỉnh Sơ La trâus cêv kuôk tiv đêx ngaz cuôr, yênhx châuv lênhx nênhs tuôs thiêz tsik pov, yênhx cxênhz hec ta tsoz chos cxuô zav thiêz ntâu vax tsêr trâus ruôr hiêv./.

(TTT-Lik Thox cxêik nhênhv)

        Thâuv chiz coaz cảnh sát qênhz yuôx , công an tỉnh Điện Biên côngz fur têx cuiz tênhv tso tsês vuv anr hình sự, tso tsês tsi qênhz yuôx lênhx nênhs phamv cxâuv hnuz 17/10 nhiv kruôr đhâu đros pos Đặng Thị Nga chuôz zis nhoz khối 8, thị trấn Tuần Giáo, huyện Tuần Giáo, tỉnh Điện Biên viv trâus tu txux plâuz zuôv cêr, tỉnh li têx chiz coaz muôx txơưx jênhv muôx lênhx coaz tưz tsưr ziv taz por jông, huv đros cêr chei trâu hnuz thor viv tu txux plâuz zuôv cêr. Zơưv Phạm Văn Nam, Chánh án Tòa án tỉnh Điện Biên puz pâuz, taz viv zuôr lov lik jiês thor viv tu txuz plâuz zuôv cêr ntơưv UB thị trấn Tuần Giáo, huyện Tuần Giáo tas cik hnuz 24/10. Zơưv Phạm Văn Nam, Chánh án tòa án tỉnh Điện Biên heik:

         “ Lơưr Pháp luật li cui tênhv mak tòa án tsuv tsưr tsix thor viv tu cxâuv txuz plâuz. Pêz tưz thix ziv Công an tỉnh Điện Biên por vêv jông trâu hnuz co thiêz zuôr uô cxuô hâux lưv chiê uô tsênhz mênhx txuz plâuz no chiê heik trâu têz qơưk pâuz chuôz zis pos Đặng Thị Nga tsi uô cxâuv chei”./.

(Vũ Lợi-Txâur Vax cxeik nhênhv)

        Chiê paz trâu chor cưk kriê ntơưr thiêz shux xênhz njiz phiv liv tiv ntux nas đêx ngaz cuôr nzor truôx tuk kriê thiêz cơưv ntơưr. Nhiv kruôr đhâu, đoanx côngz xưv Hội cxơưz cxiz cơưv ntơưr tỉnh Yên Bái zos pos Ngô Thị Chinh-zos kuz phưv chủ tịch UBND tỉnh, chủ tịch Hôi cxơưz cxiz cơưv ntơưr tỉnh uô trưởng đoàn tưz muk sêiz nus, paz trâu 13 lênhx cưk kriê ntơưr thiêz 59 lênhx shux xênhz njiz trâus phiv liv tiv ntux nas đêx ngaz cuôr ruôr hiêv ntơưv thị xã Nghĩa Lộ thiêz huyện Văn Chấn đros tas nro chor nhiêx muôx 45 triệu đêiv ntâu. Đros siêz jông phêiz kênh têx cêr txov nhêv, phiv liv, pôngz siêz, pos Ngô Thị Chinh tưz hêik chor cưk kriê ntơưr thiêz shux xênhz sir jos, nzor truôx tuk luz nênhx chiê tror kriê thiêz cơưv ntơưr; thôngx cxix vav tiêk cấp ủy, chính quyền cxuô cấp, chor tsưr tsix, chor nênhs siêz jông hâur thiêz đrâuv tỉnh tror sik côngv têk paz trâu chor shux xênhz hêik taz thiêz tsôngv box trâus hiêv tiv ntux nas đêx ngaz cuôr hêik cxuô nzor truôx tuk luz nênhx./.

(KT-Lik Thox cxêik nhênhv)

         Nhiv kruôr đhâu, ntơưv TP Lào Cai, tỉnh Lào Cai, Tổng cục ju lix đros UB tỉnh Lào Cai tsưr tsix tsaz yênhx Lênhx phaz têx zav nox Tây Bắc 2017. No zos hâux lưv vênhx huôv-ju lix tâu tsưr tsix chiê ndar txos shông ju lix têz qơưk 2017 Lào Cai- Tây Bắc thiêz kruôk txos tsiv grê zav nox, heik kriê Lào Cai thiêz têx tỉnh Tây Bắc li têx zav nox nto bê txos tas nro têz qơưk. Đhâu 3 hnuz tsưr tsix, côngz xưv vêv xênhz taz por zav nox tâu taz por jong, têx xiv huv, zav nox phênhv ntâu muôx tsơưr lươngv jông, taz por trâu tsôngv kruô tuôx nox siv, nriêr pâuz. Đrâuv co, côngz xưv taz por txiv ngaz cux tâu uô jông./.

(KT- Txâur Vax cxeik, nhênhv)