Ủy ban tỉnh Lào Cai nhiv kruôr tso tơưv tsưr ziv kriz uô hâur shông 2022 chiê paz huôv tsar chor qơư công nghiệp ntơưv têx jêx jok nhoz chor hâux lưv uô nox zuôr paz muôs tâu zôngx ziv sâuv cêiz đrôngs hâur têz qơưk thiêz muôs tơưv tâu trâu saz đrâuv têz qơưk; hâur co sir jos paz trâu têx hâux lưv li: uô trôngx tos, hiêz tơưz lêr, uô kôngz, jôngr nuv, yuôx đrox njuôz…Lơưr co, cấp tỉnh zuôr paz trâu 8 kror jênhv vưv, đề án: Kruôz kriê “uô thiêz xơưv tsôngk yo têx ntâuz trâur lâus”; kruôz kriê tsưr ziv uô kinh doanh, tsưr tsix cxiv uô tsưr ziv sik côngv lơưr saz tsiv gri trâu chor tiz nênhs, tsưr tsix, hợp tác xã, tôv sik côngv… cấp huyện paz cêv kuôk trâu oz kror qơư công nghiệp thiêz 17 qơư công nghiệp têx jêx jok sâuv thax tsav 6 huyện, thị xar. Tas nro nhiêx txiêx uô têx jênhv vưv, đề án no zos zuôr xar 7 tiv đêiv ntâu./.

(An Kiên-Lik Thox cxêik nhênhv)

Đros hâux lưv muôz pênhr côngz tax muôx nhos 2 cxênhz 500 tỷ đeiv hâur 10 luz hlik hâur shông, tax 65% tas nro pênhr tâu muôz, Sơn La zos iz haur têx tỉnh tâu muôz pênhr siêz hâur tas nro têz qơưk. Zos tiv phaz tox siêz yuôr ntâu phêv liv, trâus moz Covid-19 uô zênhr shar ntâu mak no zos chêx cuk jông.

Lơưr pos Hà Ngọc Châu, Phưv giám đốc Sở tsưr ziv thiêz yưv pênhr tỉnh Sơn La, chiê muôx tâu chêx cuk no, txix ciês hâur shôngk shông, UB tỉnh Sơn La tưz tso tơưv cuiz tênhv, choz jênhv vưv tsênhz mênhx trâu 23 sở, ban, nganhx thiêz 12 huyện, thành phố đros 8 jênhv vưv, tsưr ziv, sir jos uô tiêr siêz tiv zix tsưr ziv yưv pênhr côngz hâur shông; lok têx tsưr ziv tror cxơưz tiês uô, pos Hà Ngọc Châu heik:

“Têx cấp, têx nganhx tsuv chêx chôngk car chêx têx phêv liv lok cơ chế chính sách, ntâuz ntơưr pháp lý hâur côngz xưv pâux nzir; cxơưz tiês hâux lưv xeir tsưr thâux đros têx dự án krêz côngz yiêz; chuôz tsar côngz xưv qênhz yuôx, seiz car uô tsưr ziv yưv pênhr; truôx siêz yưr lir txos qơư têx tsưr tsix, lênhx nênhs uô cxâuv pháp luật li cui tênhv, cxoz txưv tir tar, uô phêv liv lok sik uô kênhz hâux lưv muôz pênhr côngz”./.

(Thu Thùy-Txâur Vax cxeik nhênhv)

Lơưr Sở Y têr tỉnh Điện Biên li hêik pâuz sêi, tar su hnuz 22/11 Điện Biên muôx nzir 20 lênhx nênhs trâus moz yiêz Covid-19, tas nro chor nênhs trâus moz hâur tỉnh 22 hnuz đhâu ndê muôx 343 lênhx nênhs. Hâur co muôx chôngz lênhx nênhs zos chor nênhs nhoz jê, njiz tâu chor nênhs moz trâus cik moz. 20 lênhx nênhs nhiv kruôr pov trâus moz yiêz no zos ntơưv têx huyện Điện Biên, Điện Biên Đông, Mường Chà thiêz thành phố Điện Biên Phủ.

Đros moz Covid-19 txơưr txar phiv liv sâuv thax tsav, hâur co muôx chôngz lênhx nênhs trâus moz zos shux xênhz, cưk kriê ntơưr, Sở Zoz zux tỉnh Điện Biên tưz cuêz tênhv chiê chor shux xênhz sâuv thax tsav 3 huyện Điện Biên, Mường Chà, Mường Nhé thiêz thành phố Điện Biên Phủ so tsik tuôx tsêr cơưv chiê cơưv ntơưr. Lơưr cơ quan muôx vax huôv mak txos nhiv no tỉnh Điện Biên tưz cxax tâu muôx 25 cxênhz ntâu côngz yuôx vắc xin phax moz Covid-19 trâu chor nhuôs txix 15 txos 18 shông. Chor nênhs hâur hnuz nhôngs no tâu cxax iz côngz yuôx tsav muôx 93%./.

(Vũ Lợi-Lik Thox cxêik nhênhv)

Ntơưv xã Chiềng Sơ, huyện Sông Mã, tỉnh Sơn La nhiv kruôr muôx yưv iz txuz txiêz nanv pôngz siêz uô 1 lênhx mê nhuôs shux xênhz trâus tuôs ciês ntơưv qơư.

Xor mông qir thơưx tâu pâuz, thâuv 11 six tar su hnuz 22/11, ntơưv jos Mâm, xã Chiềng Sơ, huyện Sông Mã, tỉnh Sơn La, luz yêz muôx 16 qơư jâuv tos shux xênhz muôx biển số 26B-007.01 thâuv tsênhv tos shux xênhz muk tsêr thâuv cơưv tas ntơưr tas, kror trôngx yêz txơưv trâus hlê uô 4 tul mê nhuos shux xênhz pôngz trâu hâur cêr. Txuz txiêz nanv tưz uô tul mê nhuôs L.T.T.Q shux xênhz tsêr cơưv THCS Chiềng Sơ tuôs ciês ntơưv qơư, 3 lênhx shux xênhz txơưr mak trâus saz. Qir tiv hâux lưv no tsênhv tror tâu têx lưx lươngv muôx txơưx jênhv qênhz yuôx uô tsênhz mênhx./.

(Trấn Long-Txâur Vax cxeik nhênhv)

Thâuv hmo txos trâu têis cik sơưr nzor hnuz 22/11, ntâu thax tsav qơư nhoz tỉnh Yên Bái muôx ntux lok nas lox. Ntơưv thành phố Yên Bái tưz muôx yưv đêx ngaz iz cxiê luz tsêr thiêz iz cxiê ntu cêr. Tiv zix đêx ngaz tas têx cêr ndax ciês thâuv sơưr đơưk muk uô hâux lưv, muk cơưv ntơưr viv li tưz uô trâu chor cêr co muk lok tsik tâu hâur ntâu six hơưv. Chor lưx lươngv muôx vax huôv tưz tuôx paz kriê cêr chiê sơưr đơưk muk lok zôngx ziv đuô, têx qơư muôx đêx ngaz nhiv no đêx tưz grêk tas. Ntơưv Yên Bái nhiv no cux tsênhv muôx ntux lok nas, têx qơư lok nas lox, viv li pox nhuôs sơưr đơưk tsuv uô jông sêiz shuôk chiê phax tar đêx ngaz cuôr uô ruôr hiêv txos luz nênhx./.

(Thừa Xuân-Lik Thox cxêik nhênhv)