Ban tsưr tsix tỉnh ủy Sơn La nhiv kruôr côngz fur Ban thường vụ tỉnh ủy li Cuiz tênhv lok hâux lưv hlôngr zơưv Vũ Đức Thuận, Phưv giám đốc Sở tsưr ziv thiêz yưv pênhr cxaz chuôz Ban chấp hành, Ban thường vụ huyện ủy Mường La uô Bí thư huyện ủy Mường La six cxiv 2020-2025. Uô ntêx co, zơưv Nguyễn Đức Thành, kuz Bí thư huyện ủy Mường La tâu tso lok uô Giám đốc Sở tài chính tỉnh Sơn La./.

(Thanh Thủy-Txâur Vax cxeik nhênhv)

Tưz iz ciêz đhâu jêx tưv ntơưv tỉnh Yên Bái tsik so grêk kik, tiv zix zos têx qơư tox siêz thâuv hmo ntux thiêz têis cik sơưr nzor ntux no chênhr, no njiv. Chiê paz trâu chor shux xênhz tuôx cơưv ntơưr cxix cxuô, cê paz trâu shux xênhz muôx đas jos jông, chor tsêr cơưv ntơưr sâuv thax tsav tỉnh Yên Bái tưz kriz uô ntâu tsưr ziv. Tsêr cơưv Phôv thôngx mênhx cxưx niêv txir zus mor cxênhx iz thiêz cxênhx oz xar Kim Nọi, huyện Mù Cang Chải, tỉnh Yên Bái muôx zuôr xar 490 lênhx shux xênhz; hâur co muôx 357 lênhx shux xênhz nhoz ntơưv tsêr cơưv ntơưr. Phênhv ntâu chor shux xênhz no zos nênhs hâur chuôz zis pluôs, njiz ntâu cêr phiv liv, tiv zix zos muôx tsik txâuk têx trik yo, pav vor, khâu trâu hâur chêix ntux no. Cưk kriê ntơưr Chu Ngọc Lâm, Hiệu trưởng tsêr cơưv phôv thôngz mênhx cxưx niêv txir zus mor cxênhx iz thiêz cxênhx oz xar Kim Nọi, huyện Mù Cang Chải puz pâuz:

“Tsêr cơưv tưz muôz cxaz nzir pav trâu chor nhuôs, tas nro muôx 10 qar mak tưz cxaz nzir 120 đêiv pav yiêz trâu chor nhuôs vor cov sor. Lok nhiêx txiêx mak tsik muôx viv li tsêr cơưv ntơưr tưz hêik chuôz zis thiêz xar hôiv pak chiê muôx nzir pav trâu chor nhuôs vor”./.

(Thừa Xuân-Lik Thox cxêik nhênhv)

Hnuz đhâu, chuô txiêk uô zênhr shar txos Lào Cai zov chênhr, jêx tưv nhoz têx thax tsav puôr lênhx grês kis. Thâuv 7 six tas cik hâur hnuz đhâu, têx thax tsav kis hâur tỉnh no zos 9-10 tưv; thị trấn Bắc Hà yuôr 4 tưv; thị xã Sa Pa yuôr 2 tưv, kis tiv zix pir đros têx tỉnh tox siêz faz Bắc. No cux zos jiês jêx tưv grês kis tiv zix tâu sâu jênhv nhoz Lào Cai cxôngx hâur cheix ntux no shông 2020 txos nhiv no. Lơưr Đeix njuôs pov qiv hơưv tỉnh Lào Cai, chuô txiêk cux txu grês jux jus, qiv hơưv sor tuôx hâur têx hnuz zuôr txos; taz sik ntux tsênhv no. Pox nhuôs tsuv tror chuv tôngv phax tar no trâu lênhx nênhs, tsoz chos thiêz tsiêx tu zus./.

(An Kiên- Txâur Vax cxeik nhênhv)

Đros pov chir hêik pâuz lok qênhx shênhx “Thax tsav jôngr Mường Phăng tsênhv trâus ruôr hiêv ntâu”, chor cơ quan muôx vax huôv tỉnh Điện Biên tưz yênhx lix đoanx qênhx yuôx muk trâu thax tsav oz xar Pá Khoang, Mường Phăng chiê xav jênhv, qênhz yuôx. Thâuv qênhz yuôx mak pov muôx 170 ntâu tsoz ntông trâus ntor vâu hâur thax tsav jôngr Mường Phăng, tas nro xav muôx 19 yiv thôngx ntâu ntông. Chor ntông trâus ntor vâu nhoz cxiê qơư hâur thax tsav jôngr ntơưv oz xar Pá Khoang thiêz Mường Phăng (thành phố Điện Biên Phủ, tỉnh Điện Biên), zos ntâu tsoz ntông lox zâu thiêz six hơưv ntor vâu cux sik txơưr. Nhiv no, hâux lưv xav jênhv tsưr jôngr thiêz chor tos cik txos côngz xưv sêiz car, por vêv li têx vax huôv chiê muôx yưv qênhx shênhx ntor hiêv jôngr no, đros nriêr pâuz chor nênhs ntor hiêv jôngr ntông tsênhv tâu cơ quan muôx vax huôv tỉnh Điện Biên sir jos kriz uô sêi./.

(Vũ Lợi-Lik Thox cxêik nhênhv)