Txos iz jiês no, luôs hâux lưv bax trâu bâux xeir đại biểu Côx hôiv khóa 15 thiêz đại biểu HĐND cxuô cấp, six cxiv 2021-2026 tưz tâu tỉnh Điện Biên fuô uô tâu jông trơưk Hội đôngx bâux xeir têz qơưk, Ủy ban MTTQ VN thiêz cxuô bộ, ngênhx T.Ư li tsưr ziv, six hơưv cui tinhv. Heik ntơưv jiês uô hâux lưv, pos Trương Thị Ngọc Ánh, Phưv Chủ tịch Ủy ban T.Ư MTTQ VN heik Ủy ban bâux xeir tỉnh Điện Biên tror muôx tsưr ziv taz por jông, tsơưr lươngv hâur têx luôs hâux lưv uô bax trâu jiês bâux xeir; moz siêz cxơưz tiês yax kriê txix luk heir nênhs tsơưs chiê tsôngv box cxuô heir nênhs pâuz tsênhz lok zuk li vax huôv, hâux lưv thâuv cxaz chuôz bâux xeir, txix ntơư xeir tsov tâu têx lênhx txơưx njê, muôx txâuk pênhr xưv, txux chi chiê uô đại biểu Côx hôiv thiêz đại biểu HĐND cxuô cấp./.

(Vũ Lợi-Riê Lâux cxeik, nhênhv)

Tỉnh Đoàn Yên Bái nhiv kruôr tsưr tsix Ntênhk chiv nhênhv 90 shông hnuz yênhx lix Đoanx hluôk nênhs Hồ Chí Minh (26/3/1931-26/3/2021). Hêik ntơưv ntênhk chiv nhênhv, Bí thư Tỉnh ủy Đỗ Đức Duy hênhr kruôk thiêz phôngv jông cxuô cấp bộ Đoàn cux xưk li chor cán bộ, hluôk nênhs, nhuôs zâu tỉnh li têx sir jos, hâux lưv tưz uô tâu hâur ntu 90 shông cxiv tsa thiêz huôv tsar. Thôngx cxix, hêik tsưr tsix Đoàn cxuô cấp thiêz hluôk nênhs tas nro tỉnh Yên Bái tror phuôx huiz chax chês zênhz shôngx cách mạng, cxênhx hluôk nênhs li sir jos uô ntêx hlo sâuv cxuô kror hâux lưv./.

(TTTB-Lik Thox cxêik nhênhv)

Xav txos trâu nhiv no, công an tỉnh Lai Châu tưz uô ntơưr căn cước công dân trâu 18 kror qơư; hâur co, Phongx Cảnh sát seiz car txiv ngaz XH (Công an tỉnh) uô 2 kror qơư, công an cấp huyện iz taz viv 2 kror qơư. Đại tá Phan Thành Bá, Phưv Giám đốc Công an tỉnh Lai Châu heik pâuz: Chiê uô tiêr 300 cxênhz ntâu đeiv ntơưr căn cước muôx chíp điện tử trâu px hâur thax tsav trơưk li luôs hâux lưv tso tơưv, iz chas lưv lươngv công an têx sir jos uô, cxuô sở, ngênhx, hâur thax tsav thiêz tsưr tsix đoanx thêv cxuô cấp tsuv sik đros paz yax kriê chiê px pâuz tsênhz lok luôs hâux lưv uô ntơưr căn cước công dân./.

(Khắc Kiên-Riê Lâux cxeik, nhênhv)

Ntơưv tỉnh Sơn La, tiv phiv liv txix chuô txiêk, muôx ntux no, thax tsav tox siêz no njiv. Iz cxiê qơư muôx ntux lok nas; jêx tưv kik tiv zix txix 14-16 tưv, thax tsav tox trôngz siêz txix 8-10 tưv. Ntơưv têx huyện tox siêz li Vân Hồ, Mộc Châu, Thuận Châu…muôz huôz tsâuk. Ciês sâuv txox cêr lox 6, ntu đhâu thax tsav tỉnh Sơn La, hnuz 21/3 tưz muôx yưv pêz txuz txiêz nanv zoz thôngz, qir tiv zos cêr bluô, ntux lok nas đros huôz tsâuk uô nênhs tsar yêz njiê pov tsik đêz. Nganhx muôx vax huôv hêik chor nênhs cxaz chuôz zoz thôngz thâuv muk lok sâuv ntu cêr no tsuv uô jông sêiz shuôk, muk kênhz, tsuv siz kuôk đêz nhoz têx yêz, tiv zix zos têx ntu cêr ndê tox, nhkâuk lêv ntâu thiêz muôx huôz tsâuk chiê paz txo grêk tsơưs chor txuz txiêz nanv zoz thôngz muôx yưv./.

(Trấn Long-Lik Thox cxêik nhênhv)

Thôngz sâu tso pov, coz nas chuô tar su hnuz 21/3 ntơưv Lào Cai tưz uô ruôr hiêv tas nhos 700 tsov đeiv.

Tsênhv tsênhz, muôx px 3 luz tsêr trâul uô hiêv, hâur co iz luz tsêr nhoz xã Mường Hoa, thị xã Sa Pa trâul puôk tsuôx tas hur si tiv ntông vâu lok ntâuk.

Lok nas, đêx ngaz cux uô hiêv tas tsôngv px nhoz chor huyện Bát Xát, Văn Bàn, Mường Khương 40 ha blêx, jâuz tâuv. Iz chas ntơư, iz cxiê txox cêr muk lol ntơưv huyện Bắc Hà cux trâul xưz poz đhâu ntux nas lox.

Lar heik, ntơưv TP Lào Cai ntux lok nas lox tar sur hnuz 21/3 cux uô puôk tsuôx tas têx car đêx tok đêx hur lok hâur tsêr meir đêx Cốc San, uô hiêv txos ntâu chuôz zis px nhoz iz ndis chor cêr Điện Biên, Trần Đại Nghĩa, Nguyễn Khuyến, Nhạc Sơn, TP Lào Cai.

Cơ quan muôx vax huôv heik, nhiv no tsênhv zos cheix ntux txơưr txar ntâu, zôngx ziv muôx nas chuô, lok lơưs, xoz tuô..., têx thax tsav qơư thiêz tsôngv px tsuv bax tsưr ziv phax tir thêir, tsi chiê muôx yưv têx tsi jông./.

(An Kiên-Riê Lâux cxeik, nhênhv)