Hâur têx hnuz đhâu tsik ntêr no, tỉnh uỷ Lai Châu tưz kriz cơưv suôx câuv 5 shông uô trơưk Bộ chính trị chỉ thị số 05, uô truôx jông luôs hâux lưv cơưv shâuv uô trơưk zơưv hloz Hôx têx cêr nênhx jông.

       Hâur 5 shông đhâu, Đảnh bộ tỉnh Lai Châu tưz kriz tâu 9.600 jiês cơưv shâuv uô trơưk zơưv hloz Hôx têx cêr nênhx jông trâu zuôr xar 200 cxênhz lênhx cán bộ, đảng viên. Chênhr zos uô tâu truôx jông têx luôs hâux lưv hêik sâu, ntơưv tỉnh lai Châu tưz pov muôx yưv iz cxiê lênhx uô tâu ntâu hâux lưv jông lok cxuô zav. Pir li zơưv Giang Văn Quý nhoz huyện Than Uyên, xar tơưv tsưr ziv yiêz huôv tsar cêr uô nox, iz shông muôx phênhv sâu tâu 700 triệu đêiv thiêz pos Tô Thị Bắc nhoz huyện Than Uyên muôx tsưr ziv hlôngr yiêz cxiv uô qơư tu zus tsiêx cxu, muôx phênhv sâu tâu 500 ntâu triệu hâur iz shông./.

                                              (Tsu cxeik nhênhv-Khắc Kiên - Huyền BT)

Txos iz jiês no, tưz muôx 100 doanh nghiệp jông siêz, thôngx ziv uô lơưr tsaz yênhx cxơưz cxiz ju lix muôx njiêz luk “Lào Cai cxuô tsar zav jông” zos Ủy ban tỉnh no phuôx tôngv. Hur tiz si cxuô taz viv đas cir đros uô puôr lênhx chos luk, tsuôk txo grêk gri, tsi hlôngr têx hâux lưv uô, xiv huv. Trơưk li zơưv Hà Văn Thắng, Giám đốc Sở Vênhx huôv-thêv thao thiêz ju lix tỉnh Lào Cai, tsưr ziv cxơưz cxiz co zos chiê khưx phưx đuô ngênhx kinh tế hâur thax tsav txix moz Covid-19 uô ruôr hiêv txos, taz sik tsưr ziv uô kaz ciês zos chiê cov iz Lào Cai truôx tuk thiêz jông, tsi tiêk jông trâu tsôngv kruô mak jông hur si lok sâuv cxuô zav:

“Tỉnh Lào Cai tsi chiê siêz cov tax tâu 5 tsov lok sik 5 tsov ntâu lênhx kruô. Pêz tso tơưv hâux lưv hâur ntu muôx moz Covid-19 huôv xênhz phiv liv li no, uô li chas cov taz por truôx tuk trâu tsôngv kruô, muôx tâu têx xiv huv jông thiêz tuôr tâu chiê Lào Cai li xiv huv ju lix. Lok six jông siêz, viv Lào Cai tsênhv sơưr tiv 4 hâur 15 qơư jông jav hâur VN, tsôngv kruô sđ nhiêv tuôx ndis seiz uô si đuô hur si iz zav li Hội đôngx ju lix nhiv kruôr heik đhâu”./.

(An Kiên-Riê Lâux cxeik, nhênhv)

Hnuz 22/4, tỉnh Yên Bái chuôz piz cxax yuôx vắc xin tir thêir caz moz Covid-19 trâu 100 ntâu lênhx hâur jiês xuz thơưx.  Trơưk li njuôk xav, hâur jiês cxax yuôx tir thêir caz moz gênhk no tâu uô txos trâu hnuz 27/4 thiêz muôx 700 lênhx nênhs uô hâux lưv tir thêir caz moz Covid-19 tâu cxax yuôx uô ntêx. Bác sỹ Trần thị thuý Nga nhoz tsêr kho moz tỉnh hêik pâuz:

        “Hnuz no tâu cxax yuôx vắc xin, cur lok six shir phaz thiêz cxuô lênhx sđ cux jông siêz”./.

                                                  (Tsu cxeik nhênhv-Tuấn-Xuân-Huyền BT)

Nhiv kruôr đhâu, cux ntơưv Yên Bái, hâur thax tsav xã Nậm Có, huyện Mù Cang Chải, đhâu thâuv siz char ndâux đros lênhx pox niêv, iz tus txir nênhx tưz chiv chir tso têx pa gas trâur uô jâuz mor nox ntơư chiê jêk tơưk hlơưr tsêr.

Tsênhv tsênhz, tsôngv px tưz qênhz pov Lò Văn N (xênhz shông 1998), nhoz ntơưv jok Co Thái, xã Nậm Có, huyện Mù Cang Chải, tỉnh Yên Bái luz tsêr nhoz trâul chis cuz lox. Qir tiv xuz thơưx tâu xav, muôx têx zos uô ntêx ntơư, Lò Văn N siz char ndâux đros N lênhx pox niêv, tsi jông siêz thiêz tsưx phưv tsi tâu tus khênhx, Lò Văn N tưz tso  têx pa gas heik sâuv thiêz jêk tơưk hlơưr chuôz zis luz tsêr tsar lơưx. Nhiv no txuz nuv co tsênhv tror tâu qênhz yuôx, uô tsênhz mênhx./.

(Thừa Xuân-Riê Lâux cxeik, nhênhv)