Kror bôv zoz zux thiêz thox cxov cuêz tênhv txo grêk 50% điểm tsov cưv txos lơưr thax tsav hâur jiês thik cơưv tiêr ntơưr cxênhx pêz têz qơưk shông no tưz uô trau chor shux xênhz ntơưv Điện Biên cxơưx hlo. Đros ntâu shux xênhz mênhx cxưx tsênhv cơưv ntơưv chor tsêr cơưv phôv thôngz thax tsav txov nhêv mak hêik tiêk, Bộ li hlôngr yiêz lok điểm tsov cưv txos tsik tâu huv đros, uô trâu chor shux xênhz cxơưx hlo, muôx tsơưs tsar tov thiêz six hơưv cơưv ntơưr. Shux xênhz Cà Tuấn Anh, mênhx cxưx Thái, cơưv ntơưr ntơưv tsêr cơưv phôv thôngz huyện Điện Biên, tỉnh Điện Biên hêik:

“Cur xar mak tsik thav hlôngr yiêz txo grêk 50% điểm tsov cưv txos trâu thax tsav viv điểm tsov cưv lơưr thax tsav zos kror cxơưz cxiz, tôngv vênhx chor shux xênhz tox siêz li pêz. Zos txo grêk 50% mak kror phiv liv hax zav ntâu đuô viv zuôr lok six lax chiê pâux tâu chor điểm. Nhoz tox siêz chor fôngx zưs shux xênhz mênhx cxưx tsơưs nênhs li pêz phênhv ntâu zos têx tuz nhuôs hâur chuôz zis uô kôngz nuv viv li tsik muôx ntâu six hơưv chiê cơưv ntơưr”./.

(Vũ Lợi-Lik Thox cxêik nhênhv)

Yên Bái zos thax tsav qơư niêx shông khênhr njiz trâus ntux nas chuô uô ruôr hiêv ntâu. Chênhr viv li, chiê gra siêz luôs hâux lưv phax tar ntux uô hiêv, txo grêk tsơưs têx tsi jông, iz chas cxơưz tiês cxiv uô têx faz tsưr ziv phax tir thêir ntux uô hiêv trơưk tsưr ziv 4 ntơưv qơư; yêik txar tsôngv box muk nhoz têx qơư taz por ....., tỉnh Yên Bái cux tsênhv sir jos yax kriê, gra siêz côngv thôngx sđ txux chi tsưr ziv jênhv pâuz thiêz seiz car têx trâus ntux uô ruôr hiêv khov lok côngv thôngx, chiê txix ntơư uô jông hâux lưv chênhr phax lok sâuv phax tir thêir ntux uô hiêv. Zơưv Nguyễn Ngọc Xuân, Phưv Giám đốc Sở kôngz nuv thiêz huôv tsar tox siêz tỉnh Yên Bái heik pâuz:

“Pêz tưz heik têx taz viv cxuô thax tsav qơư cxiv tsa tsưr ziv tsênhz mênhx chiê thâuv tưs muôx ntux nas chuô lox, đêx nas ngaz, cuôr yôngz lok sik tox poz ar lơưk mak muôx tsưr ziv phax tir thêir zênhx max. Tiv 2 zos hâux lưv heik trâu tsôngv box sđ pâuz tsuv tâu uô zênhx max, nhiv no pêz yax kriê txos tsôngv box sđ đhâu lok six ntâu faz tsưr ziv chiê tsôngv box chênhr phax, txar jav tâu têx tsi jông”./.

(Đinh Tuấn-Riê Lâux cxeik, nhênhv)

Nhiv kruôr đhâu, Đoanx côngz xưv Sở kôngz nuv thiêz huôv tsar jêx jok tsưr tsix qênhz yuôx, ntâuk gri tsơưr lươngv blêx chiv ntux yiêz ntơưv huyện Bảo Thắng, tỉnh Lào Cai. Chiv ntux yiêz shông no, huyện Bảo Thắng chor muôx 2.000 ntâu ha, phênhv ntâu zos chor zav nôngz tsơưr lươngv siêz, li BC15, Thiên ưu 8, Nhị ưu 838, Bắc thơm số 7…Txơưv tiêk ntu đhâu, blêx muôx yưv iz cxiê zav caz hmoz ruôr hiêv, xưk li đọa ôn blôngx, tur đax, tur đơưz, taz sik khov bax yuôx tsuôs ndar six hơưv  viv li blêx cux hloz lox huôv tsar jông. Đoanx côngz xưv Sở kôngz nuv thiêz huôv tsar jêx jok hêik huyện Bảo Thắng, chor phongx, taz viv cik txos tsuv tror chox kriê jông têx đrak liêx, ndar six hơưv nriêr pov tâu caz hmoz, tiv zix zos đọa ôn têx hnaz blêx; thôngx cxix muôx ntâuk gri lok côngz xưv chox kriê uô xênhz yar, cux xưk li xênhz yar tsênhv tsênhz hâur chiv ntux yiêz./.

(KT-Lik Thox cxêik nhênhv)

Zar tsâuk ntux hnuz 21/5, hâur thax tsav huyện Yên Châu, tỉnh Sơn La muôx ntux lok nas lox thiêz khâur jênhs chuô uô iz lênhx nênhs trâul tuôs, iz lênhx trâus saz tiv xoz tuô. Lênhx nênhs trâul tuôs tiv xoz tuô co zos zơưv Lò Văn Viêng, xênhz shông 1963; lênhx nênhs trâul saz zos zơưv Lường Văn Việt, xênhz shông 1974; hur si 2 lênhx zơưv co puôr lênhx nhoz ntơưv jok Ngùa, xã Chiềng Pằn thiêz puôr lênhx zos trâus xoz tuô thâuv tsênhv taz tov muk uô têz.

Ntux nas lox thiêz khâur jênhs chuô cux uô tsôngv box  14 luz tsêr nhoz trâus zơưk trur, zuôr xar 2 ha têx jâuz tâuv, kôngz lôngk thiêz 3,5 cêik cưx đês liêx trâus ar cxuz tas. Njuôk xav têx trâus uô hiêv lok kinh tế tas muôx 500 tsov đeiv./.

(Thu Thùy-Riê Lâux cxeik, nhênhv)