Hâur oz hnuz 21-22/6, Đảng bộ Bôv đôiv Pênhz phax tỉnh Lai Châu tsưr tsix Đại hôiv têiv plor jiês tiv 18, six cxiv 2020-2025. No zos đại hội tâu xêir tsov tsưr tsix siv khối Đảng bộ têx cơ quan, taz viv nhoz hâur Đảng bộ tỉnh Lai Châu. Zơưv Vũ Văn Hoàn, Phưv Bí thư Thường trực Tỉnh ủy, Chủ tịch HĐND tỉnh Lai Châu hêik, ntu zuôr txos, Đảng bộ Bôv đôiv pênhz phax tỉnh tsuv tror hêik pâuz, kriz uô Đảng, têz qơưk têx cêr chêi lok jênhv vưv quân sự, côx phax thiêz jênhv vưv pênhz phax.

Đại hội tưz bâux Ban chấp hành Đảng bộ khóa 18 zos 16 lênhx nênhs. Hội nghị ban chấp hành cơưv jiês tiv iz bâux ban thường vụ, bí thư, phưv bí thư. Đại tá Phan Hồng Minh, Chính ủy Bôv Chỉ huy Pênhz phax tỉnh tror tâu uô bí thư Đảng bộ Bôv chỉ huy pênhz phax Lai Châu jiês tiv 18, six cxiv 2020-2025./.

(Khắc Kiên-Lik Thox cxêik nhênhv)

Nhiv kruôr đhâu ntơưv xar Nậm Lúc, huyện Bắc Hà, tỉnh Lào Cai. Muôx xoz tuô uô oz lênhx nênhs trâus saz.

Co zos oz niêv txir, thâuv tsênhv nhoz hâur tsêr, xoz tuô đhâu trur tsêr uô oz lênhx niêv txir no lôngx ciês, saz đrâuv tơưr grêix trâus cuz hnhiêz. Đhâu ciês co oz niêv txir no tưz tâu pox nhuôs chơưv paz thiêz chox muk chơưv paz ntơưv tsêr kho moz đa khoa huyện Bắc Hà, txos nhiv no tư tror muôx jos.

Nhiv no, tsênhv hla trâu ntu muôx ntux nas chuô thiêz xoz tuô, sơưr đơưk tsuv phax tar trâus xoz tuô. Jông tiv zix thâuv muôx ntux nas lox zos tsik nhoz gâuv hâur têz hâur pâuk ntông lox, txar đêz têx hluô tênhv, tsik nhoz sâuv têx qơư siêz, tsik nhoz uô cê chôngz nênhs…/.

(An Kiên-Lik Thox cxêik nhênhv)

Yên Bái zos tỉnh tox siêz muôx thax tsav cêv kuôk ntâu, tox trôngz siêz, nxaz tox, têx cưx đêx cưx ha ntâu viv li qênhx shênhx ntux têz uô hiêv txơưr txar lok six phiv liv; txos chêix ntux nas tsik so muôx yưv ar poz, đêx ngaz cuôr uô hiêv ntâu txos lênhx nênhs thiêz cxuô zav. Đros ntux yar ntux nas li txơưr txar phiv liv hâur iz đraz hâur shôngk shông 2020, tỉnh Yên Bái tror sir jos kriz uô têx tsưr ziv phax, tar ntux têz uô hiêv hâur chêix ntux nas chuô zuôr txos. Đhâu qênhz shuôk, têx qơư zôngx ziv muôx yưv đêx ngaz cuôr, ar poz, tỉnh muôx zuôr xar 7 cxênhz ziv chuôz zis tsuv txar qơư nhoz. Uô ntêx, tỉnh Yên Bái tưz txar qơư nhoz trâu têx qơư trâus ntux têz uô hiêv, kho đuô cov truôx tuk luz nênhx trâu 2.200 ntâu lênhx nênhs njiz trâus phiv liv, lok nhoz trâu têx qơư ngaz tuk đuô./.

(DTMN-Lik Thox cxêik nhênhv)

Công an huyện Văn Yên, tỉnh Yên Bái nhiv kruôr cxov tâu Tuôv Xênhv Thox, zos shông 1987, nhoz jok Làng Sang, xar Nậm Khắt, huyện Mù Cang Chải lok kror cxâuv “jêik chiê tsik zos chêi zax zênhz” ntơưv tsêr kruô nhoz so Thiên Hương, tôv dân phố 5, thị trấn Mậu A, huyện Văn Yên. Lưx lươngv txơưx jênhv tưz sâu tâu ntơưv Tuôv 1 đêiv zênhz đơưz thiêz iz cxiê zav chuôz zênhx cik txos. Ntơưv cơ quan Công an, Tuôv tưz jênhv tas nro zuk kror cxâuv. Tuôv zos nênhs muôx zênhk zax zênhz, tâu chox muk chiv zênhk zax zênhz ntơưv tsênhv qơư chiv zênhk zax zênhz tỉnh Yên Bái shông 2012. Nhiv no, txuz hâux lưv tsênhv tror tâu côngz an huyện Văn yên qênhz yuôx uô tsênhz mênhx./.

(Tuấn Xuân-Lik Thox cxêik nhênhv)