Sở Y têr tỉnh Yên Bái nhiv kruôr tso tơưv tsưr ziv kriz uô Tsêr kho moz chiê chơưv kho moz Covid-19. Tsêr kho moz no tâu cxiv uô chiê phax tar chor nênhs moz tsik chiê muôx chôngz lênhx uô siz cik moz đêz đar hâur côngv thôngx; txar jav tâu siz cik nhoz chor nênhs moz hâur tsêr kho moz sâuv thax tsav tỉnh; chơưv kho trâu chor nênhs moz Covid-19 trâus moz zâu ntơưv tỉnh; paz txo grêk tsơưs chor nênhs trâus tuôs tiv moz Covid-19 sâuv thax tsav. Tsêr kho moz zuôr tâu kriz uô lơưr yênhx ntu khov lơưr caz moz muôx yưv sâuv thax tsav: ntu 1 zos uô muôx 50 luz txax pư, ntu 2 zos 100 luz txax pư, ntu 3 zos 200 txos 250 txax pư./.

(Tuấn Xuân-Lik Thox cxêik nhênhv)

Cux ntơưv Yên Bái, công an thành phố Yên Bái nhiv kruôr tso tơưv cuiz tênhv xưv phuôv uô cxâuv hành chinhr đros chor nhiêx txiêx 7,5 tsov đeiv đros Trần Thị Hồng Hạnh, xênhz shông 1984, nhoz tuêv 2, thị trấn Cổ Phúc, huyện Trấn Yên, tỉnh Yên Bái viv heik tơưv xor mông tsi muôx tsênhz tiês lok moz cô vít 19 sâuv mạng xã hội. Iz cxiê lênhx nênhs txơưr, Công an thành phố Yên Bái tưz heik uô ntơưr cam kết thiêz tsuv đơưk têx xor mông muôx lênhx coaz sâuv mạng xã hội muk. Uô ntêx co, pos Nguyễn Thị Tố Vân, nhoz tsêr số 250, cêr Đinh Tiên Hoàng, tuêv 9, phường Đồng Tâm, thành phố Yên Bái, tỉnh Yên Bái muôx ntơưr pov trâu chiz coaz muôx txơưx jênhv lok hâux lưv iz cxiê tài khoản facebook tso xor mông tsi zos lok hâux lưv: Pos li tul nhuôv nxeik thiêz 3 tul nhuôv xênhz nzưr trâis moz cô vít 19, chuôz zis tsi heik kriê chinhr quyênx tiv phaz. Taz sik tsênhz mênhx mak tas nro têx lênhx nênhs hâur pos Vân chuôz zis puôr lênhx muôx jông đas jos, tsi muôx lênhx tưs trâus moz./.

(TTTB- Txâur Vax cxeik nhênhv)

Tỉnh Điện Biên tsênhv cêv kuôk uô cê 100 ntâu lênhx nênhs tror lok txix têz qơưk Lào thiêz iz cxiê luz têz qơưk li Thái Lan, Philippin…Ntơưv no, yênhx lênhx nênhs tâu njuôk shuôk đas jos yênhx hnuz, tâu paz lok nox hâuk thiêz xênhz huôx. Qơư cêv kuôk y têr zos ntơưv tsêr cơưv Quân sự tỉnh Điện Biên nhiv no tsênhv cêv kuôk 95 lênhx nênhs Việt Nam tror lok txix Lào đhâu trôngx đriv ntiêx têz Tây Trang. Iz lênhx nênhs nhoz ntơưv no muôx iz luz txax pư đros cxix cxuô pav, vix tsav, trik yo…Txos nhiv no, ntoưv tỉnh Điện Biên tsik  tâu pov muôx lênhx tưs trâus cick caz moz Sát Cô-vi-2. Chor cơ quan txơưx jênhv tsênhv sir jos tir tar caz moz cik lok hâur thax tsav thiêz uô jông cxuô tsưr ziv paz trâu chor nênhs tsuv tâu cêv kuôk./.

(Vũ Lợi-Lik Thox cxêik nhênhv)

Thâuv 3 six 30 phênhz zar hnuz keix hnuz 22/3, iz jiês lok lơưs thiêz chuô lox muôx yưv nhoz iz cxiê xã ntơưv têx huyện Điện Biên, Tuần Giáo thiêz Mường Ảng (tỉnh Điện Biên). Ntơưv tỉnh Sơn La, zar hnuz keix hnuz đhâu cux pov ntux lok lơưs ntơưv thị trấn Mộc Châu thiêz iz cxiê xã nhoz buôk co. Txơưv lok tsi lox, taz sik cux uô iz cxiê mênhv chêx txir khơưz trâus jênhs tiv lok lơưs. Njuôs pov hâur six hơưv zuôr txos, zuôr tror kaz muôx ntux nas, xoz tuô, tsôngv box tsuv uô jông seiz njôngr qiv hơưv thiêz chuv tôngv thix phax cov jông chiê txi gris têx trâus ruôr hiêv tiv ntux nas./.

(TTTB- Txâur Vax cxeik nhênhv)