Uô Chinhr phuv li đề án lok cxiv tsa qơư tso dữ liệu têz qơưk lok tsôngv box hâur quý II thiêz quý III shông no, tỉnh Điện Biên muôx tsưr ziv kriê cxaz trâu muôx nhos 900 ntâu lênhx học viên zos lênhs tov công an têx huyện, thị xã, thành phố, tiv zix tsov cưv txos cán bộ tư pháp, công an xã lok têx tsưr ziv sâu zuôr xor mông lok tsôngv box; thôngx cxix, yênhx lix têx tuêv côngz xưv chuôz tsar lok têx thax tsav sik côngv đros chinhr quyênx tiv phaz yax mông trâu tsôngv box lok hâux lưv zuôr trâus cungz xor mông, phưx vưv trâu hâux lưv uô tsênhz mênhx têx xor mông lok tsôngv box. Đại tá Lò Văn Khụt, phưv giám đốc Công an tỉnh Điện Biên- Ban chox kriê đề án 896 tỉnh Điện Biên li chiz coaz thường trú heik:

“Cxôngx nhiv no txos shông 2020, công an tỉnh Điện Biên zuôr chox kriê công an têx huyện đros têx ban nganhx, đoanx thêv chiê krêz uô đề án no txos qơư thiêz uô li chas chiê uô tiêr Bộ công an li tsưr ziv chox kriê”./.

(Vũ Lợi- Txâur Vax cxeik nhênhv)

Chiê tsôngv px sir zôngv txuôs tâu tênhv tênhz hâur thax tsav đrôngl Sơn La, công ty tênhv tênhz thành phố Sơn la tưz đros sở công Thương tỉnh Sơn la tsưr tsix uô luôs hâux lưv muôx njiêz luk “Cxuô chuôz zis sik tưr sir zôngv txuôs tênhv tênhz hâur shông 2018”. Hâur jiês kriz uô luôs hâux lưv no, muôx 300 ntâu lênhx đại biểu hlôngr njêx muôs trâu cxuô chuôz zis hâur thax tsav thành phố Sơn la tuôx đros cươv cov pâuz tsênhz mênhx lok luôs hâux lưv txuôs tênhv tênhz cov muôx liv trâu px thiêz têz qơưs./.

(Tsu cxêik nhênhv-BTS)

Cxôngx hâur shôngk shông txos nhiv no, tsiv grê hax huv kôngz nuv muôs tơưv đhâu trôngx đriv ntiêx têz tỉnh Lào Cai tax siêz, đros kim ngạch ndê txos 169 tsov USD. Têx hax huv muôs tơưv trâu Trung Quốc phênhv ntâu zos điz cuô, txir mok mix, hưx txoz thiêz txir thanh long, hâur co muôs tơưv ntâu tiv zix zos txir thanh long. Lơưr thôngz sâu hâur zuôr xar 4 luz hlik, tas nro muôx 167 cxênhz tênhr txir thanh long tâu muôs đhâu trôngx đriv, tsiv grê kim ngạch muôx nhos 109 tsov USD. Chungz fênhx iz hnuz muôx 150 yêz thâux zuôr xar 3 cxênhz tênhr thanh long đhâu trôngx đriv./.

(An Kiên-Txâur Vax cxeik nhênhv)

Zar hnuz kêix hnuz 21/4, tưz muôx yưv iz txuz cuz tơưs ntơưv luz tsêr số 896, ntu cêr Điện Biên, thành phố Yên Bái, tỉnh Yên Bái, uô iz lênhx nênhs trâus moz. Qir tiv zos pa hy đờ rô, tsav trâu luz bóng, uô bóng tơưs cuz thiêz uô puôk tsuôx iz cxiê zis chuôz zis nhoz thax tsav ntơư têx chuôz zênhx trâus puôk tsuôx. Đhâu uô luz thôngz ntiv trox pa hy đờ rô, cuz tơưs, lực lươngx công an tưz tuôx muôx njêx muôs chiê qênhz yuôx thiêz bluô lênhx nênhs uô trox pa hy đờ rô trâus tơưs./.

(Tsu cxêik nhênhv-Thừa Xuân)