Hnuz 22/8, ntơưv tỉnh Yên Bái tưz tsưr tsix cơưv sik njiz sik thav lok sâuv cxiv tsa "têx chei, cui tinhv yưv pênhr uô têx côngz trênhx, hâux lưv kinh tế-xã hội reik đros côx phax, txiv ngaz thax tsav Tây Bắc", muôx ntâu lênhx đại biểu têx Bộ, ngênhx T.Ư; têx lênhx hlôngr njêx muôs chor tỉnh Lào Cai, Hà Giang, Lai Châu đros trâu têx sở, ban, ngênhx hâur tỉnh Yên Bái li cxaz chuôz dưv. Ntơưv jiês cơưv, chor đại biểu tưz chêx tsôngk phênhz tsênhz mênhx lok têx luôs hâux lưv zov chênhr, fiv đros ntơưv qơư; lar heik zos têx hâux lưv uô tsi tâu tsi tiêr hâur yưv pênhr uô têx côngz trênhx; pênhr jos; chuôz zênhx phưx vưv uô nuv; cxiv tsa chei, cui tinhv...... Têx ziv chênhv, luk heik zuôr tâu chor nênhs lês uô têx hâux lưv ntơư sâu jênhv, tror heik trâu têx Bộ, ngênhx T.Ư đros trâu ziv chênhv txix jiês cơưv ntơưv têx thax tsav Tây Nam Bộ, Tây Nguyên chiê cxiv uô cov tiêr "têx chei, cui tinhv yưv pênhr uô têx côngz trênhx, hâux lưv kinh tế-Xã hội reik đros Côx phax, txiv ngaz thax tsav Tây Bắc, Tây Nguyên, Tây Nam Bộ", thôngz đhâu trâu Chính phủ./.

(VOV4-Riê Lâux cxeik, nhênhv)

Shông cơưv 2017-2018, tỉnh laox cai sir jos huôv tsar uô cov tax tâu 99% lênhx tuz nxêik shuv xênhz nhoz cxuô luz tsêr cơưv, zuôr ntơưr kho njuôk moz. Shông 2016-2017, hur si tỉnh tưz muôx 681 luz tsêr cơưv nhoz saz tsêr cơưv kriê nhuôv zâu, tsêr cơưv cxênhx 1, cxênhx 2, cxênhx 3, tsêr cơưv  cao đẳng, phân viện đại học, zuôr ntơưr kho njuôk moz tax tâu 97%.

Hur si tỉnh nhiv no,  tsênhv yuôr 5.340 lênhx nhuôv, tuz nxêik shuv xênhz . Chênhr zos li hêik ntơư, hâur shông  cơưv 2017-2018, cov muôx 99% lênhx tuz nxêik shuv xênhz zuôr tâu ntơưr kho njuôk moz./.

  (Tsu cxeik, nhênhv-KT)

Đhâu iz ntu qênhz yuôx, sox seiz, tas cik hnuz 22/8, Phòng Cảnh sát qênhz yuôx têx nênhs fêv, nênhs nhiês zuôr  muôs uô luôv zax zênhz Công an tỉnh Điện Biên tưz ruôr por tsês tâu txuz plâuz 817L, ntêk tâu 2 lênhx pox niêv nhiês zuôr muôs, uô luôv zax zênhz tsi trơưk chei. Têx chuôz zênhx sâu tâu zos 30 poz mê krưr hnaz tax, hâur co muôx 10 cxênhz njiêr yuôx shơư zênhz. 2 lênhx nênhs trâul ntêk tâu zos Lường Thị Hiên, xênhz shông 1987, nhoz ntơưv jok Sái Lương, xã Hẹ Muông, huyện Điện Biên thiêz Lò Thị Lả, xênhz shông 1980, nhoz ntơưv jok 14, xã Thanh Hưng, huyện Điện Biên.

Đhâu qênhz yuôx nus,  2 lênhx nênhs heik sâuv krêz lênhk tiêk, tưz zuôr chor yuôx shơư zênhz sâuv ntơưv Lào thiêz thâux gra lok hâur thax tsav tỉnh Điện Biên chiê muôs. Txos thâuv 10 six 30 phênhz tas cik hnuz 22/8 mak txơưv trâus lưv lươngv Cảnh sát qênhz yuôx têx nênhs fêv, nênhs nhiês zuôr muôs uô luôv zax zênhz Công an tỉnh Điện Biên qênhz pov, ntêk tâu ntơưv thax tsav jok 3A, xã Thanh Luông, huyện Điện Biên./.

(Vũ Lợi-Riê Lâux cxeik, nhênhv)

Hnuz 21/8, ntơưv jos Phiềng Pồng, xã Nà Nghịu-Sông Ma, Sơn La, tưz pov muôx 13 lênhx nênhs trâus kâus tsơưr tưx thiêz tâu chox tuôx chơưv kho trâu tsêr kho moz huyện. Trơưk li zơưv Lò Văn Xuân, chủ tịch uỷ ban xã Nà Nghịu hêik pâuz: 13 lênhx nhoz 3 chuôz zis, hâur ntơư muôx 3 lênhx zos nhuôv zâu, trâus zau, trâus moz toz hâu, nthuôr, tsâuk muôs, viv đhâu hâuk tas chor đêx tsik râuz.

Đhâu qênhz yuôx, zos 3 chuôz zis khơưz iz luz pak đêx pêv hâur jos chiê tok chor đêx ntơư lok sir zôngv; ciês ntơưv thax tsav qơư co, tsôngv px cux tsêz chos blêx thiêz sir zôngv yuôx tuô caz tsuôs đrox blêx; ntux lok nas thiêx cuôr têx yuôx tuô đrox ntơư lok trâu luz pak đêx trâus vuôz tsuôk kiêk nênhs.

Chênhr zos li hêik ntơư, tsôngv px sâuv thax tsav tỉnh Sơn La, sir zôngv yuôx tsuôs đros tsik chiê uô vuôz tsuôz kiêk nênhs trâu têx hâur đêx./.

                                                                               (Tsu Cxeik, nhênhv-Hồng Việt)