Ntơưv tỉnh Lào Cai, nhiv no, gri njiêr poz cưk kruôr grêk kik txos yuôr 3.500-3.800 đêiv iz cir, uô hiêv ntâu trâu nênhs uô xênhz yar. Tâu pâuz, iz shông tỉnh Lào Cai chos xar muôx 37.000 ha poz cưk, tsơưr lươngv tâu muôx 4,7 tấn iz ha, tsơưr lươngv tâu muôx 175 cxênhz ntâu tấn./.

(Báo LC-Lik Thox cxêik nhênhv)

Zơưv Mang Xênhv Shôngx, nhoz jok Cáo A, xã Làng Chếu, huyện Bắc Yên, tỉnh Sơn La chos txir tuôz ziz thiêz kok blôngx njê tưz hla đhâu cêr pluôs, yênhx iz chuôz zis bluô nux, cxiv uô tâu vax tsêr jông, sâu tâu nhiêx tỷ iz shông, paz ntâu lênhx lox tôngv hâur thax tsav muôx phênhv sâu txix 6-9 tsov đeiv iz hlik. Zơưv tưz huôv tsar uô kinh tế li chas? Shông 2002, zơưv muôz iz phênhv têx liêx têz iz txưv chos poz cưk, uô blêx ntơư hlôngr chos txir tuôz ziz. Txix 5 shông 2004 txos 2007, zơưv Mang tưz chos tâu 4 ha têz txir tuôz ziz, viv zơưv seiz pov hâur ciêz đrôngs zav txir no muôx ntâu lênhx nênhs nhiêv zuôr txos. Đhâu ntơư, zơưv ho chos nzir têx kok blôngx njê trâu hâur xuz têx txir tuôz ziz. Kok blôngx njê hloz lox thiêz ntus jông, ho tsi uô hiêv li chas txos têx txir tuôz ziz. Chênhr viv li, iz chas sâu tâu 200 tsov đeiv txix sâu đê txir tuôz ziz đhâu yưx tas têx nhiêx txiêx uz no, đros thiêz 3 ha têz kok blôngx njê chos hâur xuz txir tuôz ziz, zơưv sâu tâu nzir 200-300 tsov đeiv iz shông txix têx kok bôngx njê thiêz. Li ntơư, tsôngv box sđ uô nênhx nhoz trâu têx thax tsav, suôv qơư muôx đêx ar mê njik jông xưk iz zav li co, muôx têx cơưv shâuv zơưv Mang tsưr ziv huôv tsar uô nox co chiê uô lơưr hâur luz nênhx./.

(KT-Riê Lâux cxeik, nhênhv)

Tsôngv box mênhx cxưx Mảng nhoz iz cxiê qơư tơưv Lai Châu xar tiêk, thâuv tuk nxêik muk zuôr txir, zus tâu têx mê nhuôs mak muôx xênhv txơưr trơưk tos txir lơưv, viv li mak fâux thiêz đaz lâus chor mê nhuôs lok zos niêv têik lâul, niêv têik hluôk chor mê nhuôs cux zuôr siz zuôr uô niêv txir tâu. Đros siêz xar li no thiêz mênhx cxưx Mảng cor cav uô nênhx nhoz hâur têx har jôngr lâul cêv kuôk chor nênhs nhoz têx qơư txơưr viv li siz zuôr cxênhz jê muôx yưv tsik so, uô muôx yưv ntâu kror pônz siêz phiv liv. Tưz muôx lok six chôngz gơưv niêv txir zus tâu mê nhuôs hloz lox tsik jông, trâus sêv khiz luz chêr, lok sik oz niêv txir tsik muôx mê nhuôs tuv siz zuôr cxênhz jê…thav pêv đros nênhs sâu xor xưv, zơưv Phùng Mé Chờ-Bí thư Đảng ủy xar Hua Bum, huyện Nậm Nhùn, tỉnh Lai Châu puz pâuz: Khov uô jôngz côngz xưv yax kriê, hêik kriê txix têx kror muôx yưv tsênhv tsênhz viv li mênhx cxưx Mảng cux pâuz jux juk txos têx kror phiv liv co. Viv li, qênhx shênhx uô nênhz, sêiz zêis, tuôx tsiêx cxu lox txi côngv, têx phongx cxưx pôngz kaz tưz tâu txo grêk tsơưs ntâu. Iz shông ntâu lok no, sâuv thax tsav xar, tsik pov muôx gơưv niêv txir tưs siz zuôr cxênhz jê lơưv…/.

(KT-Lik Thox cxêik nhênhv)