Zar hnuz kêix 23/1, Thiếu tướng Phùng Sĩ Tấn, Tư lênh Quân khu 2 thiêz đoanx côngz xưv Quân khu 2 tưz chuôr yuô thiêz uô hâux lưv ntơưv tỉnh Lào Cai. Hâur shông, Quân khu 2 tưz tâu Bộ Côx phax ntâuk gri uô tiêr jông jênhv vưv, iz zav li cxaz chuôz phax tar ntux têz uô hiêv, côngz xưv đối ngoại côx phax, uô jênhv vưv côx phax đros huôv star kinh tế-xã hội tiv phaz…Chêx cur no muôx lưx lươngv vũ trang tỉnh Lào Cai li gôngr côngv. Thiếu tướng Phùng Sĩ Tấn uô tsâus tỉnh ủy, HĐND, UBND tỉnh Lào Cai tưz tsik so tsov cưv, paz trâu lưx lươngv vũ trang tiv phaz uô tiêr têx jênhv vưv tâu choz. Thiêz vav tiêk, tỉnh Lào Cai hâur ntu zuôr txos tror lênhx tov uô tiêr jông jênhv vưv huôv tsar kinh tế-xã hôiv, côx phax, ngaz tuk sâuv thax tsav./.

(KT-Lik Thox cxêik nhênhv)

Shir phaz, jông siêz zos tsôngv box tỉnh Yên Bái li heik cxuô đhâu chor tuz hluôk VN ndơưk poz zênhx têx tuz hluôk Qata. Thâuv tưs tưz hnor suôz kư đror thiêz lov jêv ntưk txix têx qơư muôs đêx cà phê hâuk thiêz cxuô ziv chuôz zis tuôx.

Đhâu jiês tưr thik, ntơưv têx ntus cêr hâur đrôngs Yên Bái, thị xã Nghĩa Lộ thiêz tsênhv qơư têx huyện muôx chôngz nênhs đuô cxiê hnuz. Ntâu lênhx hluôk nênhs tưz gra qix, đruôl chuôs tsi hu thiêz kư tâus cêr.

Cux xưk li tsôngv box sđ hâur hur si têz qơưk, iz jiês no hur si tsôngv box Yên Bái puôr lênhx shir phaz thâuv heik txos chor tuz hluôk VN. Tix lâus Nguyễn Ngọc Long, nhoz huyện tox siêz Mù Cang Chải, tỉnh Yên Bái shir phaz heik:

“Cur lok six shir phaz cơưk. Hmôngr jông shông no chor tuz hluôk VN ho tưr thik tâu zênhx li no. Lok six jông! Hnuz uô ntêx cur tưz kư cxơưk ka tas, hnuz no mak heik lul tsi đror hlo li lơưv. Zos lưv jâuv ndơưk tâu jông li no thiêz, muôx têx cur zuôr heik tsi tâuk lul li”./.

(Tuấn Xuân-Riê Lâux cxeik, nhênhv)

Tỉnh Lai Châu nhiv no muôx 1.900 ntâu cêik cêr hluô tênhv trung áp, 1.500 ntâu cêik cêr hluô 0,4 thiêz trạm, mêir biến áp, phưx vưv trâu zuôr xar 93.000 lênhx nênhs. Chiê taz por ngaz tuk tênhv tênhz hâur jiês tsiêz 2018, tiv zix zos chêix ntux no shông no tâu njuôk xav zuôr muôx đauk bu thiêz chuô txiêk lox. Nganhx tênhv tiv phaz tưz bax têx tsưr ziv chiê phưx vưv muôx tênhv ngaz tuk. Zơưv Cao Ngọc Lạc, Giám đốc công ty tênhv tênhz Lai Châu puz pâuz:

“Pêz tưz muôx tsưr ziv zuôr têx zav chuôz zênhx bax tsês, chiê thâuv tưs muôx yưv phiv liv mak cêir chêx tâu ciês. Nhiv no taz viv tưz muôz têx chuôz zênhx co txos trâu chor taz viv, chiê txo grêk tsơưs six hơưv thâux xa cêir chêx tâu sêiz tiv zix”./.

(Khắc Kiên-Lik Thox cxêik nhênhv)

Luôs hâux lưv por hưv, huôv tsar thiêz phax tar cuz tox cuz jôngr thâuv tưs tưz tâu cxuô cấp, ngênhx, têx thax tsav qơư hâur tỉnh Sơn La moz siêz fuô uô. Đhâu ntâu shông uô, têx lênhx tsưr jôngr tưz muôx tsưr ziv đuô lok sâuv por hưv têx jôngr ntông tâu choz, lar heik zos hâur cheix ntux kruôr gis. Zơưv Lương Ngọc Hoan, Chi cục tsar chi cục yuôx jôngr tỉnh Sơn La heik pâuz:

“Đros thiêz têx lênhx nênhs yuôx jôngr hâur thax tsav mak pêz chox kriê njôngr uô hâux lưv hâur thơưv hnuz thơưv hmo thiêz fuô kriê tsôngv box thâuv luôx têz, uô têz tsuv cêv hluôr tơưk thiêz kriê tsưr ziv chiê tsôngv box hlơưr têz têx tsi uô hluôr tơưk txeik chis cuz trâu têx har jôngr. Zos thâuv tưs tưz muôx hluôr tơưk txeik cuz jôngr mak tsuv zênhx max tuô trơưk tsưr ziv 4 ntơưv qơư, taz por tsi chiê hluôr tơưk txeik chis cuz đêz đar trâu têx xuz jôngr. Sir jos hâur cheix ntux kruôr 2017-2018, txo grêk tsơưs yax têx txuz hluôr tơưk cuz jôngr”./.

(Hoàng Long-Riê Lâux cxeik, nhênhv)