Sơn La tưz qênhz pov muôx 8 zav qir têz qơưk tsi jông. Đhâu qênhz yuôx thiêz njuôk shuôs, zôngv siv 15 zav qir têz qơưk nhoz 8 công ty ntơưv 8 qơư zuôr muôs têx qir heik sâuv hâur thax tsav, cơ quan muôx vax huôv nhoz Sơn La tưz xav tâu 8 zav qir tsi jông, uô tsi trơưk li cui tinhv lok sâuv seiz car têx qir. Nhiv no hâur tas nro thax tsav tỉnh Sơn La muôx 635 tsưr tsix, lênhx nênhs đas cir zuôr muôs têx qir, 20 doanh nghiệp nhoz luôs 2 chas tỉnh côngz, yưv pênhr uô têx qir, yuôx tsuôs tuô đrox muôs hâur ciêz đrôngs. Chiê tror seiz car tâu truôx jông luôs hâux lưv zuôr muôs têx qir, yuôx tsuôs tuô đrox, tuô caz hmoz taz por tsơưr lươngv, zơưv Nguyễn Thành Công, Giám đốc Sở Kôngz nuv thiêz huôv tsar tox siêz tỉnh heik pâuz:

“Hâur six hơưv zuôr txos, pêz têx đoanx qênhz yuôx zuôr hux jos jông đros têx lênhx nênhs uô hâux lưv seiz car ciêz đrôngs, Công an tỉnh chiê qênhz yuôx tsi so hâux lưv muôz têx qir muôs hâur thax tsav Sơn La. Thiêz pêz đros têx tập đoanx lox, taz viv uô ntâu têx qir, ntâuk grê jông, txix ntơư li tso muôs hâur tỉnh chiê uô li chas cov zuôr tsi tâu têx qir tsi jông lok muôs hâur thax tsav tỉnh. Tiv 2, pêz heik lok six tsênhz mênhx trâu sđ pâuz, têx chuôz zis nhiv no tsênhv zôngv thiêz têx qơư tsênhv muôs cxuô zav qir mak pêz lo ntơưr chiv tsênhz mênhx têx qir tsi jông chiê tsi zuôr, tsi muôs têx qir ntơư”./.

                             (Tuyết Lan-Riê Lâux cxeik, nhênhv)

Lơưr Điện Biên Đông hêik pâuz, shông 2017, tas nro huyện muôx txos 90 lênhx nhuôs zâu tsik tâu muôx 5 shông trâus tuôs, hâur co chôngz tiv zix zos chor xar: Phì Nhừ (17 lênhx nhuôs), Pú Nhi (10 lênhx). Txos shông 2018 tas nro huyện tsuôk txo grêk tsơưs tâu oz lênhx pir li shông 2017. Shông no, tsuôk xav ciês hâur hli sha, tas nro huyện Điện Biên Đông cux tưz muôx 48 lênhx nhuôs tsik tâu muôx 5 shông trâus tuôs. Zơưv Vàng Quốc Minh, chủ tịch UBND xar Keo Lôm, huyện Điện Biên Đông puz pâuz, xav luz đraz mak iz shông nhoz xar puôr lênhx muôx 5 txos 7 lênhx mê nhuôs tsik tâu muôx 5 shông trâus tuôs. Qir  tiv cux zos pox nhuôs tsik tâu tsoz phưz jông zuk têx mê nhuôs.

“Tsênhz tiês mak zos tiv chor nênhs tsoz phưz zuk têx mê nhuôs tsênhv tsik tâu uô jông. Lơưr tsuôk sir jos khưr uô liêx têz, sơưr nzor tưz muk thiêz tsâuk ntux mav lok, ntâu jiês mê nhuôs tưz muôx moz lơưv lok lơưr cux tsik tâu moz siêz txos, chiê hnuz tov kaz mav chox muk tsêr kho moz. Li co tsês ntêr mak moz lox tuôx, thâuv txos tsêr kho moz chêk tưs lis lơưv”./.

(Vũ Lợi-Lik Thox cxêik nhênhv)

Txix hâur shôngk shông txos nhiv no, Công an tỉnh Yên Bái tưz heik thiêz sâu tsês tâu yênhx puô traz fov chir chir uô, ntâu zav muôk txưr, suôz fov thiêz têx chuôz zênhx txơưr đuô. Cux hâur 9 luz hlik ntâu, Công an tỉnh tưz sơưr tơưv txênhz, uô tsênhz 14 txuz, 20 lênhx nênhs nhiês zuôr muôs, sir zôngv, fax thâux têx fov ntơưr, sâu tsês tâu xar muôx 130 cir fov ntơưr cxuô zav; hâur co xơưz xưv 2 txuz thiêz tik cêr cxâuv, bluô nhiêx 12 txuz. Txơưv tiêk tưz tâu yax kriê, heik ntâu jiês, taz sik iz cxiê lênhx tsôngv box nhoz thax tsav tox siêz Yên Bái cux tsênhv tror nhiês zuôr muôs, sir zôngv têx triêv fov-chuôz zênhx zôngx ziv tơưs cuz tsi trơưk chei, zôngx ziv uô muôx têx riêz nênhs, tsi jông. Hâur six hơưv zuôr txos, Công an tỉnh Yên Bái tror sir jos seiz car, heik cov tsôngv px sđ sâu thiêz gra têx triêv fov, chuôz zênhx zôngx ziv tơưs cuz tuôx trâu Công an khơưk tsês, chiê taz por truôx tuk hâur thax tsav./.

(Tuấn Xuân-Riê Lâux cxeik, nhênhv)

Sâuv mạng xã hôiv tsênhv muôx yưv iz xor xưv lok six chôngz nênhs muôx pox niêv, txir nênhx hur si hnar tsôngk yo mênhx cxưx tsơưs nênhs siz char siz chês đros Cảnh sát zoz thôngz-trật tự tâu xav tiêk zos muôx yưv ntơưv huyện Sa Pa (tỉnh Lào Cai) hnuz 21/10.

Thav pêv đros nênhs sâu xor xưv VOV Tây Bắc, Thượng tá Nguyễn Xuân Hà, trưởng Công an huyện Sa Pa puz pâuz: hnuz 21/10, lưx lươngv Cảnh sát zoz thôngz-trật tự huyện tsênhv uô jênhv vưv qênhz yuôx, taz por ngaz tuk zoz thôngz sâuv txox cêr 152 lơưr tsưr ziv tưz tâu phêiz côngz, thâuv hêik iz lênhx nênhs tsar yêz cxâuv chêi muôz ntâuz ntơưr chiê qênhz yuôx mak tsik muôz, đhâu co lok six chôngz tsôngv box nhoz iz ndis, phênhv ntâu zos tsôngv box Hmôngz tưz tuôx char hêik. Thượng tá Hà puz pâuz: Xor xưv muôx yưv co tsuôk zos têx kror muôx yưv xuz thơưx, đhâu yax kriê, hêik sơưr đơưk tưz pâuz thôngz thiêz nhiêk muk nhiêk tsêr tas, sik côngv jông đros lưx lươngv txơưx jênhv. Tiv pox nhuôs jênhv pâuz tsênhv kik viv li oz tos cux tso tsês tsik hêik nzir”./.

(An Kiên-Lik Thox cxêik nhênhv)