Txos nhiv no, sâuv thax tsav tỉnh Sơn La tsik tâu pov lênhx nênhs tưs trâus cik caz moz Covid-19. Chiê tror uô jông luôs hâux lưv phax, tar, thâuv mak sâuv thax tsav cux muôx chôngz nênhs muk txix qơư muôx moz lok li: Trung Quốc, Thanh Hóa, Vĩnh Phúc. Tỉnh tsênhv sir jos uô têx tsưr ziv chiê phax, tar caz moz xưk li: sir jos hêik kriê sâuv têx chuôz zênhx thôngz xor mông; qênhz shuôk y têr truôx jông ntơưv trôngx đriv, iz cxiê cêr zâu ntơưv têx huyện muôx ntus đriv. Pos Nguyễn Thị Kim An, Giám đốc Sở Y têr tỉnh Sơn La puz pâuz:

“Sở Y têr tưz chox kriê chor Sở y têr huyện hêik chor xã sêiz njuôk shuôk caz moz yênhx hnuz hmo thiêz choz zok trâu nhân viên y têr sêiz shuôk jông pêx xêhv li đas jos ntơưv côngv thôngx. Tsik so muôx qênhz yuôx txix thênhv siêz chiê pâuz tâu qênhx shênhx thiêz muôx tsưr ziv xưv lik huv đros, zos chor nhân viên y têr tsik uô jông sêiz jor mak zuôr muôx tsưr ziv xưv lik lơưr cui tênhv”./.

(Tuyết Lan-Lik Thox cxêik nhênhv)

Ntơưv qơư tso hax huv tos chiê thâux mul đhâu trôngx đriv nhoz trôngx đriv ntiêx têz cêr ar số II Kim Thành- TP Lào Cai, tỉnh Lào Cai, lưx lươngv muôx txơưx jênhv tiv phaz nhiv kruôr pov iz luz yêz teiv thâux iz chor hax huv zos đeiv bok kror ndâux y tế. Qênhz yuôx đhâu tso pov, njuôs xav muôx nhos 1 tsov đeiv tâu tso hâur 400 thôngz ntơưr. Thâuv qênhz yuôx, chor hax huv co xav tênhv tsi tâu hâur pâus, qơư tsiv uô, lơưr co, tas nro chor hax huv no tưz tâu uô ntâuz ntơưr sâu tsês lơưr cui tênhv./.

(TTTB- Txâur Vax cxeik nhênhv)

Nhiv no, sâuv thax tsav huyện Tuần Giáo, tỉnh Điện Biên tưz pov muôx yưv moz tơưv ndâux hlê trâu, trâu nhux tưv, đros muôx 35 tuk trâus moz ntơưv 7 xar: Quài Cang, Quài Tở, Quài Nưa, Tỏa Tình, Mùn Chung, Mường Mùn…. Đhâu pov muôx yưv caz moz ơưk kror ndâux hlê trâu, huyện tưz hêik chor xar cêv kuôk chor tsiêx cxu trâus cik caz moz ơưk, tsik zus uô cê; tsik so uô vêv xênhz têx tsêr guôx, qơư tu zus; kriz uô tsuôs yuôx tuô lov caz moz ntơưv têx qơư tsiêx cxu trâus moz, trâus tuôs. Thôngx cxix, zôngv iz cxiê zav yuôx chiê phax, tar caz moz trơưk li cán bộ thú y kruôz kriê./.

(BĐBP-Lik Thox cxêik nhênhv)

Tas cik hnuz đhâu 23/2, ntơưv cei cêr 260, niêv cêr 6, sâuv thax tsav cêr yuôv Cò Nòi, huyện Mai Sơn, tỉnh Sơn La, Phongx cảnh sát hình sự, Phongx cảnh sát zaoz thôngz Công an tỉnh Sơn La sik côngv đros Cục cảnh sát hình sự, Phongx cảnh sát hình sự Công an thành phố Hải Phòng cxov tâu lênhx nênhs tuô tuôs lênhx nênhs muôx yưv nhoz thành phố Hải Phòng thiêz ntês yêz khiêr mul đhâu tỉnh Sơn La. Ntơưv chiz coaz Công an, lênhx nênhs fêv co jênhv tiêk zar hnuz keix hnuz 22/2, tix lâuk Nguyễn Văn Lâm 27 shông nhoz xã Quốc Tuấn, huyện An Dương, thành phố Hải Phòng tuôx nưs tsêr chiê teix nux grê, tưz trâus nưs zôngv triêv tuô tuôs ciês ntơưv qơư, đhâu co muôz triêv tsuôr por trâu hâur thôngz thiêz zôngv trox hlơưr por tsês. Đhâu co ntês yêz kruô khiêr txos xã Cò Nòi, huyện Mai Sơn, tỉnh Sơn La txơưv trâus lưx lươngv muôx txơưx jênhv Công an tỉnh Sơn La ntês cxov. Nhiv no hâux lưv no tsênhv tror tâu qênhz yuôx uô cov tsênhz mênhx./.

(TTTB- Txâur Vax cxeik nhênhv)