Thành ủy Điện Biên Phuv, Công ty cổ phần cungz đêx Điện Biên sik côngv đros Đảng ủy, UB 2 xã Mường Phăng, Pá Khoang nhiv kruôr tsưr tsix khơưk muôz tsêr trâu ziv chuôz zis pluôs zos tsôngv box mênhx cxưx tsơưs nênhs sâuv thax tsav 2 xã. Đros tas nro nhiêx phir zos 100 tsov đeiv zos chi hội cungz đêx faz Bắc, Công ty cổ phần cungz đêx Điện Biên thiêz iz cxiê lênhx nênhs siêz jông paz txưv, tsuôk đhâu zuôr xar 2 luz hlik tưz uô tiêr 2 luz tsêr chiê choz trâu 2 ziv chuôz zis pluôs. Iz luz tsêr muôx mênhv chêx sir zôngv zos 40 yiv; uô tsêr cấp 4, cxiv nja, trur tsêr vor vuôs tir tar yar ntux cuz sor thiêz plas tsêr luôv xi mông. Thâuv uô tsêr, pox nhuôs 2 jos tưz paz thâux chuôz zênhx chiê taz viv uô tiêr hâur six hơưv nzor tiv zix./.

(ND-Txâur Vax cxeik nhênhv)

UBND huyện Bắc Hà, tỉnh Lào Cai nhiv kruôr tsưr tsix kriz uô ntênhk hôiv tsêr mnov Bắc Hà shông 2021. Ntênhk hôiv Tsêr mnov Bắc Hà shông 2021 tâu tsưr tsix nhoz cấp huyện đros muôx oz phênhv ntênhk thiêz hôiv. Phênhv ntênhk tâu tsưr tsix jông muk iz ndis thị trấn Bắc Hà; chor têiv plor thiêz tsôngv kruô hlơưr shaz chiê ndo txos chor zênhx shông mênhx cxưx. Phênhv hôiv tâu tsưr tsix uô vênhx nghệ jông, sik tưr thể thao. Ntênhk hôiv tsêr mnov Bắc Hà tâu tsưr tsix yênhx shông cux zos jiês chiê Bắc Hà phuôx huiz têx tsiv gri di tích lịch sử cấp têz qơưk; yax kriê, zoz zux mênhx cxưx li chax chês sik côngv siêz cxiv tsa, tuôr chiê têz qơưk trâu cxênhx hluôk./.

(Báo LC-Lik Thox cxêik nhênhv)

Txơưv trâus zênhr shar hnhar tiv moz Covid-19, taz sik shông 2020, tỉnh Yên Bái cux muôx zuôr xar 400 doanh nghiệp, HTX tâu yênhx lix yiêz, chuôz ndê tas nro doanh nghiệp, HTX huôx tôngv nhoz tỉnh zos 2 cxênhz 900, tas nro pênhr đăng cir zos 29 cxênhz tỷ đeiv ntâu. Têx doanh nghiệp, HTX huôx tôngv tưz gôngr phênhv car chêx hâux lưv uô trâu muôx nhos 40 cxênhz nênhs lox tôngv ntơưv qơư; khiêz yênhx tỷ đeiv trâu tiv phaz iz shông....Pos Trương Thị Lan, Phưv giám đốc Sở kế hoạch thiêz yưv pênhr tỉnh Yên Bái puz pâuz:

“Hâur ntu zuôr txos, têx taz viv tsưr yưv pênhr tsuv ciêr chênhr uô tiêr têx ntâuz ntơưr yưv pênhr chiê krêz côngz cxiv tsa têx côngz tsinhx, cxơưz tiês uô, tsưr tsix sâu thiêz muôz nhiêx txiêx. Đros têx côngz xưv car chêx qơư nhoz, têx tiv phaz zuôr sik côngv jông đros têx tsưr yưv pênhr chiê yưr lir têx phêv liv, tsi uô zênhr shar txos hâux lưv uô têx côngz tsinhx”./.

(VOV1- Txâur Vax cxeik nhênhv)

Thường trực Tỉnh ủy Sơn La nhiv kruôr hêik pâuz lok sêiz shuôk tso tsês tsik uô qơư kuô nza thành phố Sơn La, tỉnh Sơn La viv muôx ntâu luk hêik tsik tâu siz huv, hêik tiêk qơư uô kuô nza nhoz jê qơư pêx xênhv nhoz hênhr. Tiv zix zos cán bộ, đảng viên tsêr cơưv Đại học Tây Bắc tsik thôngx ziv đros cxiv uô qơư kuôk nza, viv nhoz jê tsêr cơưv ntơưr, phiv liv ntâu txos shux xênhz, cán bộ, đảng viên hâur tsêr cơưv ntơưr li đas jos. Thường trực tỉnh ủy tưz choz trâu Ban cán sự Đảng UBND tỉnh Sơn La chox kriê UBND tỉnh sêiz shuôk, tso tsês tsik uô dự án qơư kuô nza thành phố Sơn La ntơưv thax tsav Phiêng Khá, jok Buổn, phường Chiềng Cơi, thành phố Sơn La; tror nhênhz chơưv nriêr pâuz têx qơư txơưr chiê yưv pênhr uô qơư kuô nza cov lox đar, huv đros trâu tỉnh li tsưr ziv cêv kuôk./.

(Thu Thùy-Lik Thox cxêik nhênhv)