Hnuz 23/5, Bộ Tư lệnh Quân khu 2 đros tỉnh Sơn La qir tsưr tsix jiês cơưv shâuv lok têx luôs hâux lưv phax tir thêir têx nênhs fêv đros njiêz luk “bax jông txux chi tsưr ziv trâu têx lưv lươngv vũ trang phax tir thêir têx lênhx tiz nênhs fêv; tso têx thax tsav, suôv qơư đros lês uô hâux lưv tsưx phưv têz qơưk.....”. Thôngz đhâu jiês cơưv shâuv paz gra siêz txux chi tsưr ziv jênhv pâuz lok têx nênhs fêv li tsưr ziv, hâux lưv uô tsi trơưk chei; gra siêz txơưx jênhv, txux chi lês car uô cxuô luôs hâux lưv cux li cấp ủy, hâu nov, têx cơ quan, ban, ngênhx, đoanx thêv, têx lưv lươngv vũ trang thiêz tsôngv px ntơưv qơư cêr siz paz, sik thôngx siêz hâur cxiv tsa thiêz phax tir thêir têx nênhs fêv; zênhx max cxiv kho truôx jông têx tsưr ziv, hâux lưv txiv ngaz côx phax; tror cxiv tsa tỉnh Sơn La yênhx thax tsav truôx njês, muôx txâuk txux chi, tsưr ziv, đas jos phax tir thêir têx nênhs fêv, por hưv thax tsav qơư  cux li paz tsưx phưv truôx têz qơưk VN./.

(Trấn Long-Riê Lâux cxeik, nhênhv)

Đảng viên pox niêv zos mênhx cxưx tsơưs nênhs nhoz tox siêz yên Bái zos chor nênhs uô ntêx hlo hâur pz thơưz chor pox niêv muôx txux chi đuô nhoz thax tsav tsênhv yuôr ntâu kror phiv liv thiêz pôngz kaz no. Đảng bộ huyện Trạm Tấu nhiv no muôx 2.028 lênhx đảng viên, cxaz chuôz xênhz huôx ntơưv 30 chi, đảng bôv tiv phz. Chor đảng viên pox niêv hâur tas nro Đảng bôv zos 605 lênhx nênhs, tsav 29% ntâu, taz sik Đảng viên pox niêv zos hêir nênhs Hmôngz tsuôk muôx 79 lênhx nênhs, tsav 3% ntâu, tsik tâu hêik txos chor no zos cán bộ xar, cán bộ hôiv…Chiê cêir chêx kết nạp đảng viên pox niêv, ntu đhâu Đảng bộ huyện Trạm Tấu tưz chuôz cxaz hlôngr yiêz chor tsưr tsix chính trị xã hội li tsưr ziv huôx tôngv, sir jos cxaz nzir chor đoanx viên, hôiv viên; tsik so phuôx tôngv chor phongz yaox sik tưr, paz tsar tov trâu sơưr đơưk cơưv shâuv, sir jos, đhâu co, paz tsar tov chiê huôv tsar đảng viên./.

(Đinh Tuấn-Lik Thox cxêik nhênhv)

Tỉnh Điện Biên tsênhv sir jos chuôz tsar tiês ntâu faz tsưr ziv phax tar cuz tox cuz jôngr thâuv cheix ntux kruôr tsi tâu đhâu. Thôngz sâu txix hâur shôngk shông txos nhiv no, hâur thax tsav tỉnh tưz muôx 19 txuz hluôr tơưk cuz jôngr, tsar ndê 6 txuz pir li shông uô ntêx, uô ruôr hiêv tas xar muôx 6 ha har jôngr. Têx jôngr ntông trâus cuz hnhiêz phênhv ntâu zos têx shôngz ntông nưk tuôx nưk. Qir tiv uô hluôr tơưk txeik cuz jôngr phênhv ntâu cux zos tsôngv box sđ tsi tiz jông seiz shuôs, thâuv hlơưr têz, uô hluôr tơưk txeik chis cuz trâu têx jôngr ntông. Zơưv Phạm Văn Khiên, Phưv Chi cục tsar Chi cục yuôx jôngr tỉnh Điện Biên heik pâuz:

“Nhiv no Chi cục yuôx jôngr tỉnh Điện Biên tror chox kriê têx Hạt yuôx jôngr cxuô huyện, thị xã, TP sir jos uô cxuô faz tsưr ziv lok phax tar cuz tox cuz jôngr. Bax têx chuôz zênhx zuôr trâus txos, lênhx nênhs chiê đros tuô têx txuz hluôr tơưk cuz jôngr zos tiês muôx yưv, txo grêk tsơưs têx shôngz ntông trâus hluôr tơưk cuz, uô ruôr hiêv. Tror qênhz shuôs têx qơư, thax tsav zôngx ziv muôx hluôr tơưk txeik cuz chiê cxok fiêx txưr hluôr tơưk, txưr ntor luôx jôngr...chiê txo grêk tsơưs  têx txuz uô cxâuv lok sâuv seiz car thiêz por hưv jôngr”./.

(Vũ Lợi-Riê Lâux cxeik, nhênhv)

Lơưr Sở vênhx huôv, Thể thao thiêz du lịch tỉnh Lai Châu, 4 hlia đhâu, Lai Châu tưz tok xar muôx 10.000 lênhx kruô du lịch, hâur co muôx zuôr xar 1.000 lênhx kruô ntiêx têz, chuôz ndê zuôr xar 25% pir li six chênhz shông uô ntêx. Kruô du lịch tuôx trâu Lai Châu phênhv ntâu zos ndis shuôk têx jêx jok tox siêz thiêz cxaz chuôz chor toa du lịch ndis shuôk uô si. Zơưv Hoàng Quốc Trung, Phưv giám đốc Sở vênhx huôv, Thể thao thiêz du lịch Lai Châu puz pâuz: Phênhv sâu txix du lịch trâu tiv phaz 4 luz hli đhâu tax tâu muôx 150 tiv đêiv ntâu, hâur co phênhv sâu txix kruô ntiêx têz xar muôx 25 tiv đêiv. Kror kruô du lịch tuôx trâu Lai Châu ziv hnuz ziv chông zos tiv phaz tưz uô jông côngz xưv paz thơưz, hêik pâuz du lịch thiêz ziv hnuz ziv muôx ntâu doanh nghiệp chox tsôngv kruô lok ndis shuôk tiv phaz. Zơưv Hoàng Quốc Trung hêik:

“Hâur ntu zuôr txos, tỉnh zuôr tsêx trung huôv tsar kror liv lok du lịch tiv phaz nhiv no, co zos du lịch vênhx huôv côngv thôngx đros trâu du lịch sinh thái. Viv li, tỉnh sir jos uô txix nghị quyết tsênhv tsênhz, pêz zuôr cxiv tsa đề án huôv tsar du lịch txos shông 2020 thiêz njiê đêz đar txos shông 2030”./.

(Khắc Kiên-Lik Thox cxêik nhênhv)