Trơưk li hâu nov Bôv đôiv Pênhz phax tỉnh Lai Châu, chiê paz tsôngv px têx xã thax tsav ntus đriv huôv tsar uô nox, cxuz cêr yeiz pluôs cux li cxơưz cxiz kinh tế-XH ntơưv qơư huôv tsar, canr bôv Pênhz phax tso muk paz tsôngv px tsưr ziv huôv tsar uô nox tưz nhênhz chơưv trâu ntơưv qơư đros têx cơ quan, ban, ngênhx cik txos hâur huyện, tỉnh tsưr tsix krêz 23 lớp kriê cxaz txux chi, tsưr ziv cxơưz cxiz uô kôngz-jôngr nuv trâu yênhx cxênhz lênhx canr bôv, tsôngv px thax tsav ntus đriv. Têx lớp no chiê cxuz cêr yeiz pluôs, tuôr truôx thiêz por hưv heir nênhs tsơưs têx txux chi vênhx huôv jông, tso tsês jux juk têx cêr nênhx pôngz kaz, cxiv tsa jêx jok vênhx huôv, chuôz zis vênhx huôv./.

 (KT-Riê Lâux cxeik, nhênhv)

Sâuv thax tsav huyện Điện Biên Đông, tỉnh Điện Biên nhiv kruôr muôx iz jiês ntux kênhs 3,8 tưv rích te. Muôx yưv ntơưv đriv têz oz xar Sa Dung thiêz Na Son, kuôk tsênhv qơư thành phố Điện Biên Phủ xar muôx 30 cêik cêr. Tiv phiv liv txix jiês ntux kênhs, ntơưv thành phố Điện Biên Phủ cux hnor kênhs tas têx vax tsêr, côngz trinhx thiêz cxuô zav hâur tsêr cux cho tas hur si. No zos jiês ntux kênhs tiv 4 muôx yưv sâuv thax tsav tỉnh Điện Biên hâur shông 2019./.

(Vũ Lợi-Lik Thox cxêik nhênhv)

Công  an huyện Mộc Châu, tỉnh Sơn La nhiv kruôr ruôr por tsês tâu txuz plâuz sôr 003H , txuz nziêk đas, zuôr muôs lênhx nênhs txix huyện Mộc Châu muk Trung Quốc, iz chas ntơư tưz chox tâu lênhx nênhs trâul nziêk đas muôs txix Trung Quốc tror lok tsêr. Lênhx nênhs trâul têx nênhs fêv nziêk đas muôs co zos Lường Thị Duyên, xênhz zus shông 1992, nhoz ntơưv xã Đông Sang, huyện Mộc Châu. Tuk nênhs fêv co zos Hoàng Thị Mai Hương, xênhz zus shông 1984, nhoz ntơưv jok Bến Trai, xã Quy Hướng, huyện Mộc Châu. Shông 2017, Hoàng Thị Mai Hương muk TP Nam Ninh, Trung Quốc uô jos trâu nênhs cxênhz jê hâur tsêr. Nhoz no Mai Hương tuôr hâur đros nênhs Trung Quốc, tror lok têz qơưk nziêk đas pox niêv muk Trung Quốc muôs trâu têx lênhx nênhs muôx zoz qơưx zuôr pox niêv, lok sik trâu têx qơư muôs pax muôs chêr chiê zuôr nhiêx siz pheiz. Công an huyện Mộc Châu tsênhv uô cov tiêr têx ntâuz ntơưr, chiê muôz lênhx nênhs fêv heik sâuv tik cêr cxâuv trơưk đreiv li chei têz qơưk cui tinhv./.

(Trấn Long-Riê Lâux cxeik, nhênhv)

Tổ côngz xưv Phongx Cảnh sát qênhz yuôx nênhs phamv cxâuv lok zax zênhz-Công an tỉnh Lào Cai nhiv kruôr pov, cxov tsês iz lênhx nênhs thâux gra tsik zos chêix zax zênhz, sâu tsês 6 thôngx zênhz đơưz, hnhar 2,1 cir. Lênhx nênhs co hu uô Dìn Xênhv Zax, zus shông 1983, nhoz ntơưv jok Phố Mới, xar Si Ma Cai, huyện Si Ma Cai. Nhiv no, txuz hâux lưv tsênhv tâu cơ quan txơưx jênhv qênhz yuôx uô cov tsênhz mênhx./.

(An Kiên-Lik Thox cxêik nhênhv)