Thường trực Tỉnh ủy Yên Bái cuêz tênhv tso tsês têx huôx tôngv uô si lov jêv, vênhx huôv vênhx nghệ sâuv thax tsav tỉnh.

Thâuv 10 six 5 phênhz hnuz 21/9, zơưv Trần Đại Quang-Ủy viên Bôv Chính trị, Chủ tịch têz qơưk xar hôiv chủ nghĩa Việt Nam tưz tuôs. Viv li, Thường trực tỉnh Ủy Yên Bái tưz cuêz tênhv tso tsês têx huôx tôngv uô si, lov jêv, vênhx huôv, vênhx nghệ sauv thax tsav tas nro tỉnh. Txêik tâu mông Chủ tịch têz qơưk Trần Đại Quang tuôs, pos Hoàng Thị Liên nhoz thị xar Nghĩa Lộ, tỉnh Yên Bái hêik:

“Tâu pâuz chủ tịch têz qơưk Trần Đại Quang tuôs, pêx sơưr đơưk lênhx tưs cux pôngz siêz. Pêz pôngz siêz ntâu thiêz xar txos iz lênhx Chủ tịch têz qơưk tsik so paz trâu pêz, chox kriê sơưr đơưk uô trơưk luz nênhx jông, sir jos hâur luz nênhx li no”./.

(Tuấn Xuân-Lik Thox cxêik nhênhv)

Cục sở hữu trí tuệ Việt Nam nhiv kruôr côngz fur Cuiz tênhv cungz ntơưr por hưv bê côngz jênhv txir tuz ziz Sơn La ntơưv huyện Bắc Yên, tỉnh Sơn La.

Đros chêx cuk kinh têr thiêz zos iz tsoz chos coaz tsôngv huôv tsar kôngz nuv hâur tỉnh, cux xưk li jênhv pâuz thiêz cxiv tsa bê trâu xiv huv, côngz jênhv xiv huv tuôv zênhv tâu têx ploz tsênhr, uô trâu nênhs sir zôngv njênhs njôngr txos, Cục sở hữu trí tuệ Việt Nam tưz côngz fur Cuiz tênhv cungz ntơưr por hưv côngz jênhv txir tuz ziz Sơn La ntơưv huyện Bắc Yên, tỉnh Sơn La, no zos iz hâur têx huyện muôx mênhv chêx chos txir tuz ziz lox tiv zix thiêz muôx chêx cuk kinh têr siêz nhoz Sơn La. Zơưv Lê Văn Kỳ, Chủ tịch UB huyện bắc Yên, tỉnh Sơn La puz pâuz:

“ Cxôngx hâux lưv côngz jênhv txir tuz ziz Sơn La heik cxuô thiêz txir tuz ziz Bắc Yên heik taz, cur pov no zos kror muôx liv lox chiê xiv huv tuz ziz Sơn La tâu ntâu niêv ciêz pâuz txos cux xưk li tâu muôv muôs trâu saz đrâuv têz qơưk. Đrâuv hâux lưv huôv tsar mênhv chêx pêz cux chêx chôngk nriêr niêv ciêz sâu zuôr xiv huv chiê paz tsôngv box, txos nhiv no pêz tưz cxơưz cxiz tâu iz cxiê doanh nghiệp nhoz Hưng Yên, Lạng Sơn thiêz nriêr iz cxiê đối tác txơưr chiê muôs tơưv xiv huv trâu saz đrâuv têz qơưk”./.

(Hoàng Long- Txâur Vax cxeik nhênhv)

Ndaz ndơưv Trung 2018, pov chir Nông thôn nhiv no/Pov chir Điện tử Dân Việt sik côngv đros Nha khoa Sài Gòn-H.N tsưr tsix jiês khơưk muôz huv thiêz njuôk shuôk moz hniêr tsik zuôr nhiêx txiêx trâu 300 ntâu lênhx shux xênhz ntơưv tsêr cơưv ntơưr niêv txir zus mor cxênhx iz Nậm Pỳ, huyện Nậm Nhùn, tỉnh Lai Châu. Tsaz yênhx siêz jông tsiêz Trung Thu shông no tsưr tsix ntơưv Nậm Pỳ zos tsaz yênhx siêz jông tiv 5 hâur shông 2018 mak Nha khoa Sài Gòn H.N sik côngv đros pov chir Nông thôn Nhiv no/Pov chir Điện tử Đân Việt kriz uô. Đrâuv têx hax huv muôx tsiv gri xưk li tsôngk yo sor, pav sor chêix ntux no…mak iz phênhv cux tsuv muôx zos njuôk, shuôk moz lok hniêr trâu chor shux xênhz./.

(KT-Lik Thox cxêik nhênhv)

Thâuv 9 six 40 phênhz tas cik hnuz 23/9, ntơưv cei cêr 84+ 900 niêv cêr 279 ntu đhâu tuêv 6, xã Thanh Xương, huyện Điện Biên, tỉnh Điện Biên muôx yưv txuz txiêz nanv zaoz thôngz zov chênhr thâuv luz yêz meir thâux 4 lênhx nênhs đrâu trâu iz luz yêz ô tô. Six hơưv muôx yưv txiêz nanv co luz yêz meir gra biển 27B1- 23.213 zos pos Lò Thị Cu xênhz shông 1967 tsar thâux 3 lênhx zos Lò Thị Chi xênhz shông 2005, Quàng Thị Hiền xênhz shông 2011 thiêz Quàng Thị Hiền Vân xênhz shông 2014 puôr lênhx nhoz tuêv 18, xã Noong Hẹt, huyện Điện Biên, tỉnh Điện Biên mul lơưr saz cxôngx đrôngs Điện Biên Phủ mul xã Noong Hẹt, huyện Điện Biên txơưv đrâu luz yêz ô tô gra biển 27C- 03065 zos Phạm Công Cảnh xênhz shông 1989 nhoz tuêv 11, xã Thanh An, huyện Điện Biên tsar. Txuz txiêz nanv uô pos Lò Thị Cu tuôs ciês ntơưv qơư, 3 lênhx txơưr trâus saz hnhar. Ciês thâuv jênhv tâu xor mông, têx lưx lươngv muôx txơưx jênhv tưz tuôx chiê qênhz yuôx uô tsênhz mênhx txuz txiêz nanv./.

( Vũ Lợi- Txâur Vax cxeik nhênhv)