Tas cik hnuz 23/12, TP Sơn La tưz tsưr tsix ntênhs côngz fur xã Hua La uô tâu luôs hâux lưv cxiv tsa jêx jok yiêz shông 2018. No zos xã tiv 4 hâur TP Sơn La thiêz zos xã tiv 20 hâur tỉnh Sơn La uô tâu tiêr luôs hâux lưv no. Đhâu 6 shông fuô uô têz qơưk tsaz yênhx qơư tsov txos lok cxiv tsa jêx jok yiêz, têx côngz trênhx xã tâu yưv pênhr cxiv uô jông, tsơưr lươngv, xã tưz huiz tôngv tâu 40 ntâu tỷ đeiv nhiêx txiêx yưv pênhr cxiv tsa, hâur co tsôngv box siz chos gôngr tâu 14 tỷ đeiv ntâu thiêz muôz 6.300 ntâu xưv phaz ar têz uô cêr mul lok; cxiv uô 30 ntâu cêik cêr mul lok hâur xã, jêx jok; xav kror đruôz đraz iz lênhx nênhs sâu tâu 29 tsov đeiv iz shông. Zơưv Lò Văn Tươi, Chủ tịch Ủy ban xã Hua La, TP Sơn La heik pâuz:

“Iz jiês no mak tưz tâu Ủy ban tỉnh côngk nhav zos xã uô tâu luôs hâux lưv cxiv tsa jêx jok yiêz, tsôngv box sđ lok six shir phaz thiêz jông siêz. Hâur six hơưv zuôr txos, Ủy ban xã tror chox kriê tsôngv box gra siêz tsơưr lươngv têx hâux lưv tưz uô tâu thiêz sir jos chox kriê tsôngv box hlôngr yiêz tsoz chos, tsiêx tu zus chiê chuôz cxaz phênhv sâu tâu trâu tsôngv box thiêz tuôr truôx, uô jông têx hâux lưv lok tênhx qơư chiê taz por qơư nox nhoz hur si, đu lus”./.

(Trấn Long-Riê Lâux cxeik nhênhv)

Đros tsưr ziv paz muôx ntâu zav chiê chor kruô tuôx ndis shuôk, uô si zuôr muk tâu sêiz shuôk thâuv tuôx trâu Điện Biên, Sở vênhx huôv, thể thao thiêz du lịch tỉnh Điện Biên nhiv kruôr suôv câuv jiês sik tưr uô têx zav hax huv du lịch shông 2018. Đros muôx 50 taz viv cxaz chuôz dự thik li 56 hax huv, ban tsưr tsix tưz xêir tsov tâu iz giả oz, oz giải pêz thiêz 3 giải khuyến khích. Têx hax huv cxaz chuôz dự thik zss têx zav li: đuôz lok tsêr lơưx, fuôx tưz lur; tượng đaix ntâuk zênhx Điện Biên phủ, pax lâus, tsêr lơưx, ntâu trâur lâus mênhx cxưx Thái…zơưv Đoàm Văn Chì, Phưv giám đốc Sử vênhx huôv, thể thao thiêz du lịch tỉnh Điện Biên puz pâuz:

“Têx hax huv tau giải mak pêz zuôr sir jos yax kriê, hêik trâu tsôngv kruô pâuz, paz trâu chor nênhs uô tâu thiêz paz lơưr yax kriê, hêik pâuz. Zos tiêk têx co zuôr tsưr tsix uô tâu ntâu, pêz zuôr paz piêr pâzu txos trâu têx qơư muôs hax huv tơưv qơư du lịch chiê muôs trâ tsôngv kruô thâuv tuôx trâu Điện Biên”./.

(Vũ Lợi-Lik Thox cêik nhênhv)

Ủy ban tỉnh Lào Cai đros Bộ cxiv tsa tsưr tsix cơưv côngz fur tsưr ziv njuôk hov cxuô lok cxiv tsa thax tsav kinh tế trôngx đriv Lào Cai txos shông 2040, uô ndar txos shông 2050. Tsưr ziv lol sâuv njuôk hov co zos cxiv tsa Thax tsav kinh tế trôngx đriv Lào Cai yênhx iz thax tsav kinh tế chênhr hâur tỉnh Lào Cai; huôv tsar công nghiệp, ciêz đrôngs, muôv muôs thiêz muôx jông qơư uz no.....

Lào Cai muôx 182,086 cêik cêr đriv têz, muôx 2 trôngx đriv ntiêx têz (Cêr ar, cêr hlâu) thiêz têx trôngx đriv mê, cêr lus mul lok đhâu đriv têz trâu saz Trung Quốc zuôr muôs xiv huv. Njuôk hov cxuô thax tsav kinh tế trôngx đriv Lào Cai tâu Thủ tướng thôngz đhâu zos chei zov chênhr trâu seiz car yưv pênhr cxiv tsa, krêz uô têx muôx jông, hu zâuv pênhr jos trâu cxiv uô, huôv tsar kinh tế-XH hâur tỉnh Lào Cai; paz taz por Côx phax, txiv ngaz hâur tỉnh Lào Cai heik taz, thax tsav trung du thiêz tox siêz Bắc Bộ heik cxuô./.

(An Kiên-Riê Lâux cxeik, nhênhv)