Tỉnh Lai Châu txos nhiv no tsi pov muôx lênhx nênhs tưs trâus moz cô vít 19. Tiv phaz tsênhv uô jông côngz xưv seiz njuôs y tế, seiz car jông lênhx nênhs mul lok sâuv thax tsav têx cêr ntus đriv thiêz têx cêr lox mul lok đhâu. Cxôngx qênhx shênhx moz cô vít 19 muôx ntâu txơưr txar hâur thiêz đrâuv têz qơưk, Ban chox kriê phax tar moz cô vít 19 tỉnh Lai châu tưz yênhx lix 4 qơư jor ntơưv têx niêv cêr lox mul lok hâur thax tsav, muôx lưx lươngv y tế, công an, quân sự, thanh tra zaoz thôngz....LƠưr co, chungz fênhx iz hnuz seiz car yênhx cxênhz lênhx nênhs mul lok thiêz tsuôk yuôx tuô caz moz trâu têx yêz mul lok đhâu. Tas nro tsôngv box cxaz chuôz zaoz thôngz li yêz teiv, yêz kruô, mêr yêz, yêz meir puôr lênhx tâu qênhz yuôx jông hâur 14 hnuz uô ntêx thâuv mul hâur thax tsav./.

(Khắc Kiên- Txâur Vax cxeik nhênhv)

Tsênhv qơư qênhz yuôx moz gênhs tỉnh Lào Cai nhiv kruôr njuôk shuôk, siv nyar trâu 15 lênhx nênhs moz xuz thơưx ciês chiê nriêr pâuz caz moz Sát Cô-vi-2; siv nyar, njuôk shuôk pâuz tâu tsênhz mênhx thiêz tas nro 15 lênhx no tâu njuôk shuôk jông xưk li Viện vêv xênhz dịch têx Trung ương njuôk shuôk. Uô ntêx co, tsênhv qơư qênhz yuôx moz gênhs tỉnh Lào Cai tưz tâu chor nênhs nhoz tsêr kho moz Pasteur thành phố Hồ Chí Minh kruôz kriê cxiv uô qơư njuôk shuôk siv nyar, chuôz zênhx thiêz yax kriê cxuô lênhx cưk yuôx uô têx luôs hâux lưv sêiz njuôk shuôk siv nyar trâu lênhx nênhs moz. Nhiv no, Tsênhv qơư qênhz yuôx moz gênhs tỉnh Lào Cai nhoz hâur 22 qơư njuôk shuôk sâuv thôngz têz qơưk tâu bôv Y têr tso chêi, zuôr uô tâu njuôk shuôk, nriêr pâuz lok moz covid-19./.

(An Kiên-Lik Thox cxêik nhênhv)

Hâur 3 hnuz nhiv kruôr đhâu, ntux tsi so lok lơưs ntơưv ntâu tiv phaz nhoz tỉnh Sơn La thiêz tỉnh Điện Biên, uô tsôngv box li yênhxx puôk luz tsêr trâus zênhr shar. Tsênhz mênhx, lok lơưs pov muôx yưv nhoz têx huyện Mộc Châu, Vân Hồ, Mai Sơn, Quỳnh Nhai thiêz thành phố Sơn La. Lơưr thôngz sâu đhâu, lok lơưs tưz uô tsôngv box li 330 luz tsêr trâus zơưk trur, vâu, hâur co muôx 2 luz tsêr nhoz Quỳnh Nhai trâus puôk tsuôx tas hur si. Yuôr ntơưv Điện Biên, chuô lox thiêz lok lơưs muôx yưv nhoz têx huyện Điện Biên, Điện Biên Đông, Mường Ảng, Tuần Giáo thiêz thị xã Mường Lay uô ruôr hiêv 42 luz tsêr; zuôr xar 76 hecta blêx, kôngz lôngk cxuô zav; ruôr hiêv iz luz tsêr tưr thik ntơưv UB xã Mùn Chung (huyện Tuần Giáo); tsêr cơưv cxênhx 1 xã Thanh Nưa (huyện Điện Biên) trâus vâu 15 yiv nja tsêr....NJuôs xav ruôr hiêv muôx nhos 1 tỷ đeiv. Têx hnuz zuôr txos, ntơưv têx tỉnh Tây Bắc njuôs pov tror muôx ntux lok nas, chuô lox, xoz tuô....Viv li tsôngv box tsuv tsưv ziv thix phax, chuv tôngv muôx tsưr ziv tir tar thâuv muôx ntux nas./.

(TTTB-Txâur Vax cxeik nhênhv)

Xav txix hnuz 1/3 txos nhiv no, lưx lươngv Cảnh sát zoz thôngz Công an tỉnh Sơn La tưz pov thiêz xưv lik 62 lênhx nênhs tsar yêz muk lok tâus cêr hâuk chơưr, bia. Lưx lươngv txơưx jênhv tưz xưv bluô zuôr xar 300 triệu đêiv, sâu tsês 2 đêiv ntơưr tsar yêz ô tô, 60 ntơưr tsar yêz mêir.

Hâux lưv qênhz yuôx hâuk chơưr bia tâu lưx lươngv cảnh sát zoz thôngz Công an tỉnh Sơn La uô zos li cêr chêi, tsưr ziv tâu Bôv Công an thiêz Bôv Y têr kruôz kriê lok phax, tar moz Covid-19. Công an tỉnh Sơn La cux hêik trâu cán bộ, chiến sĩ uô truôx jông côngz xưv phax, tar moz Covid-19 li: nzuôr têk, chox ntâuz bos kror ndâux thâuv uô hâux lưv, njiz thiêz uô hâux lưv đros nênhs tsar yêz, nênhs  uô  cxâuv thiêz pêx xênhv./.

(Tuyết Lan-Lik Thox cxêik nhênhv)