Hnuz 23/4, ủy ban huyện Tủa Chùa, tỉnh Điện Biên tưz tsưr tsix tok txêik ntơưr côngv nhav kror tsuô pê Răng Ky nhoz xã Huổi Só zos qơư di tích têz qơưs.  Pê Răng Ky, zos iz luz kror tsuô jông jav, muôx yưv đhâu yênhx triệu shông đhâu lok. Luz kror tsuô ntơư, ntêr 8 puô ntiêr, muôx 3 qar, iz qar siêz 10-17 thiêr thiêz muôx ntâu luz poz jêz jông jav li têx tsiêx…vvv

Tâu têz qơưs côngk nhav zos iz luz kror tsuô jông jav hâur têz qơưs, cux chênhr zos cxơưz cxiz  huyện Tủa Chùa, tỉnh Điện Biên, huôv tsar truôx du lix, cov muôx chôngz lênhx kruô tuôx sêiz shuôk thiêz xav txos trâu nhiv no, tỉnh Điện Biên tưz muôx 18 di tích tsênhv taz tov huôv tsar du lix đros ./.

(Tsu cxêik nhênhv-BTS)

Têx shôngk đhâu, sâuv thax tsav tỉnh Sơn La tưz muôx têx thax tsav chos jâuz, ntông nox txir đros mênhv chêx lox thiêz tsơưr lươngv xiv huv yênhx trus tuôv zênhv tâu niêv ciêz hâur têz qơưk thiêz sâuv ntiêx têz li zoz qơưx. Hâur shông 2017, tỉnh li tsiv grê muôs tơưv kôngz nuv đrâuv luôk oz chas têz qơưk tax zuôr xar 66 tsov USD, tsav 99% tas nro tsiv grê muôs tơưv hâur tas nro tỉnh. Shông no, SƠn La xav tênhv tror cxơưz tiês côngz xưv muôs tơưv kôngz nuv, sir jos cov tsiv grê hax huv kôngz nuv muôs tơưv tax 80 tsov ntâu USD. Têx hax huv thiêz niêv ciêz muôs tơưv zos: txir xoài muôs trâu Úc, Trung Quốc; txir lưk hmaz muôs trâu Trung Quốc thiêz EU; txir nhãn, txir tsơưz muôs trâu Trung Quốc, Hàn Quốc, Úc, Mỹ.... Chiê paz txưv têx doanh nghiệp, HTX sâuv thax tsav krêz đar sik đros tsiv uô, tỉnh Sơn La tưz tsưr tsix ntâu đoanx mul seiz car niêv ciêz, cxaz chuôz têx Phêv ziv cxơưz tiês muôv muôs, muôs tơưv xiv huv kôngz nuv hâur thiêz đrâuv luôk oz chas têz qơưk... Hâur shông 2017, tỉnh cux tưz krêz côngz uô 6 tsêr meir tsiv uô xiv huv kôngz nuv, chiê tsiv uô têx hax huv tsênhv..../.

(BTS- Txâur Vax cxeik nhênhv)

Hnuz 23/4, Sở y tế tưz đros tsêr cơưv y tế Laox cai tsưr tsix kriz lớp cơưv “Tsưx phưv đas jos trâu tsôngv px thiêz chuôz zis”. Đhâu iz ntu bax cưk kriê, chuôz zênhx y tế thiêz cxuô luôs hâux lưv chiê tsưr tsix, ủy ban tỉnh  tưz tso tơưv quyết tênhv ký ntơưr chiê uô luôs hâux lưv “Yax kriê cxuô lênhx y tế, hlôngr yiêz luôs hâux lưv uô hâur y tế”, muôx 22 lớp kriê cơưv trâu 800 lênhx, zos y sỹ, nữ hộ sinh uô hâux lưv trâu cxuô y tế hâur thax tsav tỉnh./.

(Tsu cxêik nhênhv-BTS)

Đras liêx jos Nà Khương, xã Bản Bo, huyện Tam Đường ( Lai Châu) nhoz siêz đuô tul đêx Nậm Mu viv li tsôngv box Thái nhoz no tưz uô 35 luz yuôz heik đêx chiê phưx vưv zưs đêx trâu liêx. Đros têx luz yuôz heik đêx thiêz têz qơưk jông jav co tưz yênhx iz qơư ju lix jông nhoz tox siêz Tây Bắc, zaz zâuv chôngz tsôngv kruô tuôx ndis shuôk. Lơưr zơưv Nguyễn Xuân Hoàn,, bí thư Đảng ủy xã Bản Bo, hâur shông 2017 kruô tuôx ndis shuôk tax 40 cxênhz jiês. Xav hâur 3 luz hlik hâur shôngk shông 2018 kruô tuôx ndis shuôk ntơưv no tưz tax 12 cxênhz jiês lênhx nênhs. Heik txos tsưr ziv zaz zâuv chôngz kruô tuôx ndis shuôk hâur six hơưv zuôr txos, Bí thư Đảng ủy xã Bản Bo puz pâuz, nhiv no xã tsênhv muôx tsưr ziv zuôr cxaz têx qơư đar chiê pox nhuôs uô qơư muôv muôs, hu grus doanh nghiệp yưv pênhr cxiv tsa; chos ntông, chos pax...chiê yênhx qơư ndis shuôk, uô si. Xã yưv pênhr cxiv njưs tar đêx, chos pax lơưr nênhs Thái li cêr uô nênhx...Đrâuv co xã yênhx lix ciêz muôs tiv phaz li têx xiv huv phưx vưv kruô ndis shuôk; krêz lớp thox cxov pênhr xưv, yax mông pox nhuôs tsưr ziv tos tiêv kruô..../.

(Khắc Kiên-Txâur Vax cxeik nhênhv)