Cử tri muk bo xeir chôngz tso pov tsôngv box Tây Bắc li siêz ndar txos Đảng

Tsôngv cưr tix....! Đros thiêz cử tri tas nro têz qơưk, hnuz đhâu 2 tsov ntâu lênhx cử tri têx mênhx cxưx tox siêz Tây Bắc tưz sik đros muk tso ntơưr bo xeir. Lơưr UB bo xeir 5 tỉnh li ntâuk grê, jiês bo xeir tâu tsưr tsix yênhx côngz. Txos 7 six tsâus ntux hnuz 23/5, cử tri tỉnh Sơn La muk tso ntơưr tex 99% ntâu, Điện Biên tax zuôr xar 100%, Lào Cai tax zuôr xar 100%, Yên Bái thiêz Lai Châu puôr lênhx tax 100%. Cử tri cxaz chuôz bo xeir tax siêz, uô jông cui tênhv lok phax tar moz, tso pov tsôngv box li siêz ndar txos chính quyênx, njênhs njôngr lok Đảng li lênhs tov.

Ntơưv xã Si Pa Phìn, huyện Nậm Pồ- qơư muôx moz Covid-19 huôv xênhz tiv zix nhoz ntơưv tỉnh Điện Biên nhiv no muôx 9 qơư tso ntơưr bo xeir, đros zuôr xar 3 cxênhz 300 lênhx cử tri, hâur co muôx yênhx puôk cử tri zos F1 tưz tsưr tsix tso ntơưr bo xeir ntơưv qơư cêv kuôk chêx chôngk. Đhâu thâuv tas nro cử tri tso ntơưr tas, thôngz ntơưr zuôr tâu tsuôk yuôx tuô caz moz uô ntêx thâuv xa lok qơư cui tênhv.

Hâur hnuz bo xeir, ntơưv tas nro qơư cêv kuôk chêx chôngk hâur tỉnh jiês bo xeir tâu tsưr tsix taz por, tsênhz tsênhz zos hnuz ntênhs tas nro tsôngv box.

Lơưr zơưv Cầm Xuân Ế, 75 shông, cử tri nhoz phường QUyết Thắng, TP SƠn La, jiês bo xeir no tâu tsưr tsix thâuv moz tsênhv huôv xênhz zov chênhr, côngz xưv bax trâu jiês bo xeir tâu uô jông. Đhâu côngz xưv yax mông cxôngx têx chuôz zênhx thôngz xor mông nhoz thax tsav qơư nhoz thiêz cán bộ tiv phaz tuôx ciês ntơưv qơư yax mông, zơưv thiêz tsôngv box ziv pâuz tsênhz đuô hâux lưv tso ntơưr bo xeir li kror coaz tsôngv, tsuv uô trơưk cui tênhv lok phax tar moz thâuv muk bo xeir, njênhs njôngr lok Đảng li lênhs tov chiê jiês bo xeir tâu yênhx côngz jông:“Iz jiês jiês muk tso ntơưr bo xeir pêz puôr lênhx pov tsênhz zuk li txơưx jênhv. Tov kaz no pov jông siêz đuô thâuv têz qơưk ziv hnuz ziv huôv tsar đuô. Zênhx liv yiêz, khôngz qiv yiêz, ntu cơưx mênhv yiêz, iz lênhx tsôngv box tsuv muôz siêz txơưx jênhv, tsiv nhos zos tsôngv box nênhs Việt Nam”.

Tuôr đeiv ntơưr cử tri thâuv tâu xav tênhv tưz tso ntơưr bo xeir, zơưv Hoàng Đình Lệnh, 73 shông nhoz tuêv 14, phường Đồng Tâm, TP Yên Bái lok six jông siêz puz pâuz, jiês bo xeir no tsưr tsix đhâu Đại hội Đảng tas nro têz qơưk jiês tiv 13 tâu tsưr tsix yênhx côngz, zơưv Lệnh pov lok six jông siêz thiêz njênhs njôngr cử tri tas nro têz qơưk thiêz hâur tỉnh zuôr xeir tâu têx lênhx nênhs jông, lênhx nênhs mak tsôngv box njênhs njôngr lok hâur chiz coaz hlôngr njêx muôk trâu tsôngv box. Tas nro têz qơưk tsênhv tuiv flu đros moz Covid-19 li huôv xênhz, viv li chêx cuk jiês bo xeir zos đas jos paz cxơưz tiês hlôngr yiêz tsôngv box luz nênhx, cxiv tsa têz qơưk ziv hnuz ziv bluô nux trơưk Hloz Hôx li siêz xar njôngr: “Hâur jiês bo xeir teiv plor Côx hôiv khóa 15 thiêz HĐ têx cấp tâu tso ntơưr ciês hâur pêz qơư nhoz, cur pov lok six jông siêz. Cur njênhs njôngr têx teiv plor mak zuk tso ntơưr zuôr tsov cưv đuô txos tsôngv box luz nênhx thiêz cxiv tsa têz qơưk ziv hnuz ziv muôx têx zênhx liv lox”.

Ntơưv tỉnh Lào Cai, zos thax tsav tox siêz, zaoz thôngz lax muk lok, ntâu jêx jos muk lok tsuv pôngz ntâu six hơưv, taz sik têx qơư bo xeir tưz nzor uô tiêr hâux lưv tso ntơưr bo xeir. Muôx têx qơư tsuv zôngv fuôx gox muk đhâu đêx li jos Cuông, huyện Bảo Yên, tas nro 262 lênhx cử tri tưz muk đhâu đêx chiê uô zuk li txơưx jênhv zos tso ntơưr bo xeir. Zơưv Dương Đức Huy, Tsar ban tuyên giáo Tỉnh ủy Lào Cai heik: “Hâux lưv cử tri tsov cưv uô jông lơưr li vax huôv, chiê xeir tâu têx lênhx nênhs muôx txâuk pênhr xưv txux chi hlôngr njêx muôk trâu zuk, xa tsôngv box li siêz xar, luk heik txos chiz coaz muôx txơưx jênhv, cxôngx co paz kinh têr-vênhx huôv-xã hội têx thax tsav huôv tsar đuô, thôngz đhâu Côx hôiv li têx tsaz yênhx, chính sách tso tơưv”./.

(Vũ Lợi-Txâur Vax cxeik nhênhv)

Hok thâuv co, ntơưv Tiểu khu 66, thị trấn Nông trường Mộc Châu, huyện Mộc Châu, tỉnh Sơn La, tôv côngz xưv Công an huyện Mộc Châu sik côngv đros Công an huyện Vân Hồ (Sơn La) thâuv tsênhv uô hâux lưv por vêv bâux xêir têiv plor Côx hôiv khóa 15 thiêz têiv plor Hôiv đôngx cxuô cấp ntu 2021-2026 tưz pov thiêz cxov tâu iz lênhx nênhs uô tuz saz. Lênhx nênhs trâus cxov zos Thox Xênhv Zax, zus shông 1983, nhoz ntơưv jok Pa Phách 2, xar Vân Hồ, huyện Vân Hồ (Sơn La). Têx sâu tsês tâu zos iz tuk nhux đas, tsiv gri  muôx 15 triệu đêiv. Ntơưv cơ quan Công an, Thox jênhv tiêk tưz nhiês tuk nhux đas co ntơưv jok Thung Cuông, xar Vân Hồ, huyện Vân Hồ.

Txuz hâux lưv no tsênhv tâu Công an huyện Mộc Châu choz trâu Công an huyện Vân Hồ qênhz yuôx, xưk li trơưk cêr chêi têz qơưk cui tênhv./.

(VOVTB-Lik Thox cxêik nhênhv)