Hnuz 23/8, Đoanx côngz xưv chính phủ zos zơưv Trương Hòa Bình, Ủy viên Bôv Chính trị, Phưv Thủ tướng Thường trực Chính phủ uô trưởng đoanx tưz uô hâux lưv đros huyện Mường Nhé (tỉnh Điện Biên).

Phưv Thủ tướng thường trực Chính Phủ Trương Hòa Bình chox kriê: Huyện Mường Nhé tsuv tror tsêx trung truôx tuk luz nênhx trâu pêx xênhv hêik cxuô thiêz têx qơư nhoz yiêz lơưr đề án hêik taz, paz pêx xênhv nzor truôx tuk luz nênhx. Đhâu co chiê paz đros chor lưx lươngv txơưx jênhv taz por côx phax-ngaz tuk sâuv thax tsav. Tiv zix, tsuv tsov cưv paz tsar tov lok ar nhoz thiêz uô xênhz yar trâu pex xênhv, chiê txo grêk tsơưs qênhx shênhx ntor luôx jôngr uô liêx têz; hêik pox nhuôs por vêv jôngr đros huôv tsar jôngr. Njuôk xav đuô tsênhz mênhx thax tsav nhoz têx qơư pêx xênhv nhoz, têx xar chiê txar jav tâu sik txênhz, sik pênhr; njuôk hov truôx jông thiêz por vêv truôx thax tsav jôngr nhiv no. Cxơưz cxiz hluôk nênhs uô nox, huôv tsar kinh tế qơư uô nox lox đar, chos têx zav tsoz chos muôx tsiv gri kinh tế siêz…/.

(Vũ Lợi-Lik Thox cxêik nhênhv)

Tas cik hnuz 23/8, ntơưv Tsênhv qơư phêv ziv tỉnh Lào Cai, Chi nhánh Viettel Lào Cai hux jos đros Sở Zoz zux thiêz thox cxov tỉnh Lào Cai tsưr tsix tsaz yênhx muôz học bổng “Viv têx nhuôs shux xênhz gruôs cơưv ntơưr” tsês trâu têx shux xênhz pluôs sir jos cơưv ntơưr hênhr hâur thax tsav tỉnh.

Shông cơưv 2018-2019 zos shông tiv 5 siz lơưr liês tsaz yênhx “Viv têx nhuôs shux xênhz gruôs cơưv ntơưr” tâu Viettel Lào Cai uô đros thiêz thôngz yax “Thâuv tsov lênhx nhuôs zâu zuôr trâus txos têx cêr paz”. Hâur shông cơưv no, Viettel Lào cai tsês 1.040 poz học bổng muôz trâu 1.040 lênhx shux xênhz pluôs sir jos cơưv ntơưr hênhr, iz poz tsiv grê nhos iz tsov đeiv, chor nhiêx no zuôr tâu buôk ti muôz trâu têx nhuôs shux xênhz thâuv krêz shông cơưv yiêz./.

(KT-Riê Lâux cxeik, nhênhv)

Hnuz 23/8, Thành phố Sơn La, tỉnh Sơn La tưz tsưr tsix jiês cơưv ntâuk gri shông cơưv 2017-2018 thiêz kriz uô jênhv vưv shông cơưv 2018-2019.

Shông cơưv 2017-2018, Nganhx zoz zux thành phố Sơn La muôx têx hlôngr yiêz jông, côngz xưv sêiz car hâur têx tsêr cơưv ntơưr tâu chuôz cxaz; tsơưr lơưngv zoz zux nhoz thành phố tâu tuôr truôx thiêz gra siêz.

Shông cơưv 2018-2019, thành phố tror kho đuô cxiv luôs tsêr cơưv ntơưr, qar cơưv; gra siêz tsơưr lươngv trâu chor cán bộ, cưk kriê ntơưr thiêz chuôz cxaz têx tsar tov cơ sở cxuô zav, chuôz zênhx phưx vưv kriê thiêz cơưv ntơưr; hêik cov côngz jênhv nzir 3 luz tsêr cơưv tax ploz tsênhr têz qơưk, uô trâu chor tsês cơưv tax ploz tsênhr têz qơưk ndê muôx 40 luz…/.

(KT-Lik Thox cxêik nhênhv)

Xưk li tưz xa mông, hâur hli 8, sâuv txox cêr lox sôr 279D ntơưv thax tsav tsêr meir tênhv tênhz Huội Quảng, nhoz jok Nà Lếch, xã Chiềng Lao, huyện Mường La, tỉnh Sơn La trâus xưz poz lox, uô cxuz cêr tas, têx yêz mul lok tsi tâu trâu tỉnh Lai Châu hâur ntâu hnuz. Hâur six hơưv cxiv kho, têx ar poz jêz tror xưz poz lok viv li txos hnuz 23/8 cux tsênhv kho tsi tâu tâu thôngz xưk li tsưr ziv tso tơưv. Chiê taz por truôx tuk trâu cxiv kho ntu cêr no thiêz lênhx nênhs mul lok đhâu, Công ty seiz car thiêz cxiv tsa zoz thôngz I Sơn La, taz viv car seiz txox cêr no cux tsênhv sir jos tso têx meir, yêz, lênhx nênhs đros cxiv kho thiêz tơư kriê cêr trâu yêz nhoz 2 ndâux cêr mul lok thiêz sir jos thoz huk cov tas têx ar, poz jêz tsênhv yuôr. Tix lâus Nguyễn Văn Sơn, canr bôv Phongx kỹ thuật Công ty heik pâuz:

“Nhiv no luôs hâux lưv kho ntu cêr no mak tiv ntux nas ntêr hnuz đros trâu thax tsav no nxaz, têx ar, poz jêz poz cxuz ntâu viv li hâur six hơưv kho, têx ar, poz jêz cux tsênhv tror xưz poz lok, iz hnuz thoz huk lok six ntâu, têx yêz uô hâux lưv tsi so hlo, 4 luz sir jos uô tax txos 10 six tsâuk ntux taz sik cux tsi tâu trơưk li tsưr ziv..... Nhiv no, pêz tưz thoz huk thiêz yar khơưz tas sâuv tsas ar siêz zôngx ziv xưz poz lok chiê cov tsi sưz nzir, taz por thoz huk, kho tâu  ntu cêr no trâu sđ mul lok truôx tuk”./.   

(Thanh Thủy-Riê Lâux cxeik, nhênhv)