Nas hmo, Ủy ban tỉnh Điện Biên tsưr tsix jiês cơưv pov chir hêik pâuz xor mông lok qênhx shênhx ruôr hiêv jôngr ntơưv Mường Phăng. Ntơưv jiês cơưv zơưv Lò Văn Tiến, Phưv chủ tịch UBND tỉnh Điện Biên hêik mênhx, Jôngr di tích lịch sử thiêz tênhv qơư Mường Phăng zos Thủ tướng Chính phủ cir tso tơưv muôx pưk txux lok six zov chênhr, zos thax tsav jôngr chiê por vêv hâur đêx luz pak đêx Pá Khoang, zos luz pak đêx cungz đêx trâu tas nro thax tsav vuôk har Mường Thanh. Viv li tỉnh Điện Biên zuôr tror muôx têx tsưr ziv uô sir jos đuô hâur côngz xưv sêiz car thiêz por vêv thax tsav jôngr no hâur ntu zuôr txos. Hêik kiểm lâm sêiz shuôk kỷ luật, hlôngr đuô kiểm lâm sêiz shuôk thax tsav:

“Ủy ban tỉnh tưz muôx ntâuz ntơưr chox kriê, đhâu tas nro cxuô kror li co mak pov tâu tiêk uô hiêv txos jôngr di tích lịch sử thiêz tênhv qơư Mường Phăng zos muôx tsênhz tiês. Thôngx ziv tiêk tsuv xưv lik, sêiz shuôk txos cấp ủy, chính quyền chor lưx lươngv muôx vax huôv li têx vax huôv thâuv chiê muôx yưv ruôr hiêv txos jôngr ntơưv Mường Phăng”./.

(Vũ Lợi-Lik Thox cxêik nhênhv)

An Kiên, nênhs sâu xor xưv Đeix TNVN nhoz faz Tây Bắc xa mông: Công an tỉnh Lào Cai nhiv kruôr ruôr tâu iz txuz plâuz, ntêk tâu iz lênhx nênhs lok sâuv zuôr muôs, sir zôngv têx ntâuz ntơưr thêv nhiêx uz no (lok zos hóa đơn đỏ) tsi trơưk chei, tsiv grê muôx nhos cxênhz tyv đeiv.

Uô ntêx ntơư, thâuv hli 5/2020, Phongx An ninh kinh tế, Công an tỉnh Lào Cai tưz qênhz pov Công ty zuôr muôs saz đrâuv luôs 2 chas têz qơưk Đức Mạnh, muôx qơư nhoz ntơưv txox cêr Lê Thanh, phường Bắc Cường, TP Lào Cai thiêz iz cxiê doanh nghiệp hâur thax tsav tỉnh Lào Cai tâu xav zos zuôr muôs, sir zôngv têx ntâuz ntơưr li heik sâuv tsi trơưk chei. Hnuz xiêz 09/12, Phongx an ninh qênhz yuôx thiêz Phongx An ninh kinh tế hux jos đros têx taz viv cik txos tưz qênhz pov thiêz ntêk tâu lênhx nênhs uô têx kror cxâuv chei sâuv ntơưv Công ty zuôr muôs saz đrâuv luôs 2 chas têz qơưk Đức Mạnh qơư uô hâux lưv đros thiêz chor nhiêx muôx nhos 4 tsov đeiv. Đros hnuz, chor lưv lươngv tưz qir qênhz yuôx shuôs ntơưv luz tsêr sôr 397, txox cêr Lê Thanh, phường Bắc Cường zos Công ty zuôr muôs saz đrâuv luôs 2 chas têz qơưk Đức Mạnh qơư uô hâux lưv. Đhâu qênhz yuôx, lưv lươngv muôx vax huôv qênhz pov thiêz sâu tsês tâu yênhx vạn têx ntâuz ntơưr, cxêix laov, 50 ntâu luz thưx, đros trâu iz traz fov pa.... Đhâu qênhz yuôx xuz thơưx tso pov, xav hur si chor nhiêx muôs têx ntâuz ntơưr heik sâuv trâu luôs lưv tus ndê txos iz cxênhz tiv đeiv ntâu. Nhiv no, txuz nuv co tsênhv tror tâu qênhz yuôx cov tsênhz mênhx./.

(An Kiên-Riê Lâux cxeik, nhênhv)

Cux ntơưv Lào Cai, Đôiv sêiz car ciêz đrôngs số 1, Cục sêiz car ciêz đrôngs tỉnh Lào Cai nhiv kruôr muôx cuêz tênhv xưv bluô uô cxâuv hành chính Siêu thị Mai Long, nhoz ntơưv số 437 Hoàng Liên, thành phố Lào Cai 8 triệu đêiv nhiêx txiêx. Lơưr co, thâuv qênhz yuôx chor lưx lươngv muôx vax huôv tưz pov xar muôx 180 kror hax huv zos: têx zav uô khax thiêz hax huv zav nox tsik pâuz tsênhz qơư uô, tsik muôx ntâuz ntơưr tưs hlo. Tas nro chor hax huv hêik co (tsiv gri muôx 17 triệu đêiv) cux tưz tâu uô ntâuz ntơưr sâu tsês chiê xưv lik trơưk cui tênhv./.

(An Kiên-Lik Thox cxêik nhênhv)

Khắc Kiên, nênhs sâu xor xưv nhoz faz Tây Bắc xa mông: Jiês xuz thơưx têx khinh khí cầu đros trâu muôx ntâu zav lox zâu nhiêk txơưr nhiêk tâu tso za sâuv ntux ntơưv TP Lai Châu, uô trâu tsôngv kruô ndis shuôs têz qơưk uô si thiêz tsôngv box ntơưv qơư lok six shir phaz, nhiêv seiz.

Cheix khinh khí cầu tâu uô lok tas cik hnuz 24/12 ntơưv quảng trường tỉnh Lai Châu, đros thiêz muôx 6 luz mê tâu tso za đros. Car seiz thiêz tsar luz lox zos iz lênhx nênhs tsar. Hâux lưv no ntơưv Lai Châu iz chas khinh khí cầu lox zôngv chiê thâux kruô za uô si, tsênhv muôx 6 luz mê za đros chiê uô jông jav thiêz. Pos Tẩn Thị Quế, Giám đốc Sở Vênhx huôv, Thêv thao thiêz ju lix Lai Châu heik pâuz: No zos hâux lưv uô sik tưr thik cheix khinh khi cầu “sâuv đơưv trôngz Pu Ta Leng shông 2020” thiêz zos six hơưv chiê tsôngv kruô tâu seiz njiê têx tox trôngz câuv har, jêx jok ntơưv Lai Châu txix cheix khinh khí cầu za siêz./.

(Khắc Kiên-Riê Lâux cxeik, nhênhv)