UBND tỉnh Lai Châu nhiv kruôr tsưr tsix ntênhk chiv nhênhv 60 shông Hnuz cxôngx nzor Bôv đội pênhz phax (3/3/1959) thiêz 30 shông hnuz Pênhz phax tas nro pêx xênhv (3/3/1989). Đhâu chor jiês tsav txênhz ntâuk tros châuz, lưx lươngv bôv đôiv pênhz phax Lai Châu tưz tuô tuôs muôx 2.400 ntâu tros châuz, 2 luz yêz tăng, ntâu zav txơưr đuô, por vêv cxuô zav trâu pêx xênhv…Sâu jênhv lưx lươngv Bôv đôiv pênhz phax Lai Châu li têx gôngr côngv, Đảng, têz qơưk, chor bôv, nganhx Trung ương thiêz cấp ủy, chính quyền tiv phaz tưz khơưk kruôk muôx 2.100 ntâu kror huv trâu chor tiz nênhs, tập thể xưk li: Zênhz shôngx lưx lươngv vũ trang nhân dân, Huân Chương por vêv têz qơưk, ntơưr kruôk…/.

                                             (Khắc Kiên-Lik Thox cxêik nhênhv)

Trơưk li mông txix Sở Kôngz nuv thiêz huôv tsar tox siêz tỉnh Lào Cai, txos nhiv no, tsôngv px cxuô thax tsav qơư hâur tỉnh tưz uô tiêr tsưr ziv sâu têx kôngz chiv ntux tsâus thiêz tsênhv chêx tsôngk cxơưz sei six hơưv lêix têx liêx têz, tsêz chos kôngz chiv châux yiêz. Têx trâur nuv sik paz uô txix tsôngv px thiêz doanh nghiệp, HTX ntơưv têx huyện: Văn Bàn, Sa Pa, Bảo Yên, Bắc Hà, Bát Xát tror tâu uô jông. Xav hur si tâu nhos 843 tỷ đeiv, tsar ndê 113.578 tsov đeiv  pir li chiv ntux tsâus shông 2017. Iz cxiê trâur nuv chos jâuz, kok zax zưk, kix, yuôx sâu tâu txix 130-300 tsov đeiv iz ha./.

(KT-Riê Lâux cxeik nhênhv)

Tỉnh Sơn La muôx nzir 500 ziv chuôz zis tâu sir zôngv đêx hur, zos côngz trinhx cungz đêx xênhz huôx trâu chor jêx jok xar Chiềng La, huyện Thuận Châu tưz tâu choz zok thiêz muôz lok sir zôngv. Côngz trinhx cungz đêx xênhz huôx trâu chor jêx jok xar Chiềng La muôx pênhr yưv uô zos 7 tiv đêiv ntâu, uô sâuv thax tsav đar muôx 50 yiv ndis, đros pak đêx tsês tâu muôx 70 yiv thôngx đêx. Thâuv muôz lok sir zôngv, côngz trinhx zuôr pz muôx đêx hur sir zôngv trâu xar muôx 500 ziv chuôz zis ntơưv 7 luz jêx jok thiêz 11 qơư phục lợi công côngv ntơưv thax tsav tsênhv qơữnar Chiềng La, huyện Thuận Châu. Pos Lò Thị Thuân nhoz jok Tở, xar Chiềng La, huyện Thuận Châu, Sơn La shir phaz hêik:

“Dự án đêx hur no muôz lok sir zôngv mak sơưr đơưk shir phaz hênhr, tiv zix zos chor ziv chuôz zis nhoz đêz, nhoz đrav kaz, chor jok co mak muôx tsik txâuk đêx sir zôngv, hâur chêix ntux kruô no lơưr tâu sir zôngv đêx hur mak zuôr tso siêz thiêz shir phaz hênhr”./.

(Trấn Long-Lik Thox cxêik nhênhv)

Zar hnuz kêix 24/2, Phongx Cảnh sát qênhz yuôx têx nênhs zuôr muôs, uô luôv zax zênhz tsi trơưk chei, Công an tỉnh Điện Biên đros Cục Hải quan tỉnh Điện Biên, Công an huyện Điện Biên Đông tưz ruôr por tsês tâu txuz plâuz 219C, ntêk tâu 2 lênhx nênhs, sâu tsês 6 poz zênhz đơưz thiêz iz traz fov chiv chir uô. 2 lênhx nênhs trâul ntêk tâu zos 2 cưr tix Nux Xênhv Lâux, xênhz shông 1979 thiêz Câu Xênhv Lâux, xênhz shông 1995, puôr lênhx nhoz uô cê ntơưv jok Nà Sản A, xã Xaz Zôngz, huyện Điện Biên Đông, tỉnh Điện Biên. Ntơưv Cơ quan công an, 2 lênhx nênhs no krêz lênhk tiêk, tưz zuôr chor zax zênhz co ntơưv iz lênhx nênhs Myanma nhoz thax tsav đriv têz Việt Lào lok. Thâuv tsênhv thâux gra lok mul muôs txol tos cêr txơưv trâus qênhz pov thiêz ntêk tâu. Nhiv no txuz plâuz co tsênhv tror tâu qênhz yuôx chiê uô tsênhz mênhx./.

(BTS-Riê Lâux cxeik, nhênhv)