Cux xưk li têx cử tri hâur tas nro têz qơưk, cử tri tỉnh Yên Bái lok six moz siêz txos têx tsênhv njiêz zuôr tâu seiz lax, quyết tinhv ntơưv jiês cơưv tiv 11, Côx hôiv jâuv no, lar heik zos hâux lưv xeir zuôr lênhx nênhs. Tix lâus Nguyễn Hoàng Hữu, nhoz phường Hồng Hà, đrôngs Yên Bái heik:

“Tâu pâuz Côx hôiv jiês no cux zuôr bâux xeir, tso tsês iz cxiê lênhx hâu nov  lês uô têz qơưk têx hâux lưv lox.  Zos cử tri, pêz njênhs njôngr thiêz chiê siêz trâu jiês cơưv no zuôr xeir tsov tâu têx lênhx canr bôv txơưx njê, muôx txux chi pênhr xưv, moz siêz lês uô jông têx hâux lưv têz qơưk chiê chox pêz têz qơưk ziv hnuz ziv huôv tsar, tsôngv px luz nênhx iz hnuz tâu gra siêz jux juk”./.

(VOVTB-Riê Lâux cxeik, nhênhv)

Tsôngv box nhoz tỉnh ntus đriv Lai Châu lok six tsov cưv txos jiês khiêz phêv 11, côx hôiv khóa 14. Pox nhuôs njênhs njôngr, têx hâux nov têz qơưk tâu bo xeir hâur jiês no zuôr muôx txâuk pênhr xưv-txux chi chiê tror lênhs tov têz qơưk huôv tsar. Niêv lâuk Nguyễn Thị Thuận, nhoz phường Đông Phong, TP Lai Châu, tỉnh Lai Châu puz pâuz:

“Cán bộ lênhs tov Đảng thiêz têz qơưk zuôr cuiz tênhv têz qơưk li luz nênhx tov kaz no. Viv li, jiês khiêz phêv 11, côx hôiv khóa 14 no tâu pox nhuôs hâur thax tsav lok six tsov cưv. Pêz njênhs njôngr lok chor cán bộ lênhs tov zuôr muôx txâuk pênhr xưv txux chi chiê lênhs tov têz qơưk hâur ntu zuôr txos”./.

(K.Kiên-Txâur Vax cxeik nhênhv)

Tas cik hnuz 24/3, đrôngs Lào Cai (tỉnh Lào Cai) côngz fur Thủ tướng Chính phủ Quyết tinhv côngk nhav uô tiêr luôs hâux lưv cxiv tsa jêx jok yiêz. Đrôngs Lào Cai six hơưv uô tiêr hâux lưv heik sâuv tâu xav lok shông 2019, thâuv 100% têx xã nhoz hâur thax tsav puôr lênhx uô tâu hâux lưv co. Hâur nhos 10 shông, xav hur si têx nhiêx txiêx hu zâuv sđ siz chos gôngr paz cxiv uô jêx jok yiêz trâu đrôngs Lào Cai tâu muôx 600 ntâu tyv đeiv, hâur co hu zâuv tsôngv px gôngr paz tâu xar muôx 50 tyv đeiv. Đhâu six hơưv, hnuz cxiv tsa, thax tsav jêx jok hâur đrôngs Lào Cai tưz hlôngr yiêz ntâu, xav hur si têx kôngz krâur uô tâu tax 6 cxênhz ntâu tênhr; gri xiv iz ha ar têz uô kôngz thiêz tu zus shuôz njêl tax zuôr xar 130 tsov đeiv.... paz tuôr truôx huôv tsar kinh tế, xav kror đruôz đraz tax 16% iz shông, txo grêk tsơưs têx chuôz zis pluôs yuôr xar muôx 1% lok shông 2020./.

(An Kiên-Riê Lâux cxeik, nhênhv)

Nhiv kruôr đhâu, jênhv tâu xor mông cxôngx qơư muôs điện thoại di động Nam Mobile (nhoz tuêv dân phố 4, phường Mường Thanh, TP Điện Biên Phủ, tỉnh Điện Biên) trâus nênhs fêv nhiês lơưv 30 luz điện thoại di động, 1 luz meir tính tuôr ntơưv tês, tas nro tsiv grê 176 tsov đeiv, Công an TP Điện Biên Phuv thiêz công an phường Mường Thanh tưz heik lênhx nênhs muk xav tênhv, qênhz yuôx. Đhâu co, xav tênhv tâu lênhx nênhs nhiês zos Nguyễn Văn Nam xênhz shông 1985, nhoz tuêv 2, phường Thanh Bình, TP Điện Biên Phuv). Thâuv 9 six 45 phênhz tsâus ntux hnuz 23/3, Ban chuyên án tưz ntês tâu Nguyễn Văn Nam thâuv tsênhv gra 4 luz điện thoại di động thiêz 1 luz meir tính chox muk muôs ntơưv thax tsav tuêv 4, phường Nam Thanh, TP Điện Biên Phuv, tỉnh Điện Biên./.

(Vũ Lợi-Txâur Vax cxeik nhênhv)