Tỉnh Điện Biên tsênhv kriz uô ntâu tsưr ziv, chiê taz por ngaz tuk chor pak tsês chiê đêx, pak đêx liv hâur chiêx ntux nas chuô shông no. chiê taz por ngaz tuk chor pak tsês chiê đêx, tỉnh Điện Biên tưz hêik chor taz viv sêiz car, sir zôngv, tso chor pak tsês chiê đêx sâuv thax tsav sir jos qênhz yuôx pak đêx, chiê pov tâu nzor têx qir tiv tsik ngaz tuk chiê muôx tsưr ziv xưv lik; sik côngv truôx đros chinhr quyền têx tiv phaz hêik trâu pêx xênhv nhoz đrav kaz pâuz sêi txos six hơưv tso đêx liv, đêx tênhv chiê pox nhuôs phax tar. Zơưv Nguyễn Văn Định, Chi cục trưởng chi cục đêx liv tỉnh Điện Biên puz pâuz:

“Nhiv no đhâu qênhz yuôx thâuv hâur chêix ntux nas chuôz shông 2018 cux tsik tâu pov luz pak đêx tưs zuôr njiz phiv liv siêz lok tsik ngaz tuk. Iz cxiê liz pak đêx trâus puôk zâu mak chor taz viv cux tưz muôx tsưr ziv khưx phưx. Uô ntêx mak đhâu tâu chox kriê chor taz viv cux tưz sir jos uô hâux lưv qênhz yuôx, taz por sêiz jor chor pak đêx thiêz muôx hêik pâuz lok ngaz tuk uô ntêx chêix ntux nas chuôz shông no”./.

(Vũ Lợi-Lik Thox cxêik nhênhv)

Sìn Hồ zos iz hâur têx tiv phaz xuz thơưx nhoz Lai Châu cux xưk li têx tỉnh Tây Bắc chos ntông cao su. Tsôngv box têx mênhx cxưx nhoz huyện tưz gôngr zuôr xar 11 cxênhz ha ar chiê 2 công ty nhoz Tập đoàn công nghiệp cao su VN chos 8 cxênhz ha ntâu ntông cao su. Txos nhiv no, tưz muôx zuôr xar 1 cxênhz 500 ha cao su txos six hơưv sâu cuô mis, tsôngv box qir sơưv liv cxôngx hâux lưv gôngr ar chos cao su. Zơưv Nguyễn Quốc Vương, Phưv chủ tịch UB huyện SÌn Hồ puz pâuz: Txos nhiv no cơ sở cxuô zav ntơưv têx thax tsav chos ntông cao su sâuv thax tsav tưz tâu yưv pênhr, uô hlôngr yiêz nôngx cxênhz tox siêz. Huyện cux uô tiêr hâux lưv cungz ntơưr côngz jênhv qênhx sir zôngv ar đros mênhv chêx ar mak tsôngv box tưz gôngr chiê chos cao su. Đrâuv co, têx mênhx cxưx nhoz huyện li tuz nhuôs tsênhv tâu xeir zuôr uô hâux lưv hâur têx công ty cao su, viv li luz nênhx muôx ntâu hlôngr yiêz./.

(K.Kiên- Txâur Vax cxeik nhênhv)

Zos tỉnh Yên Bái luz huyện tox siêz, thax tsav nxaz tox ntâu, yênhx shông Mù Cang Chải tsik so njiz trâus phiv liv ntâu tiv ntux nas chuô. Ciês jiês ntux nas chuô đêx ngaz cuôr muôx yưv tsêiz no tưz uô yênhx châuv lênhx nênhs tuôs. Viv li, txix ciês thâuv hâur chêix ntux nas chuô shông no, huyện Mù Cang Chải tưz kriz uô ntâu tsưr ziv tir tar. Chế Cu Nha zos xar muôx thax tsav phiv liv nhoz huyện Mù Cang Chải, chor jêx jok nhoz siêz, qơư nxaz tox, trâus têx cưx ha cêv kuôk. Sâu chênhz zênhv txix shông uô ntêx, chính quyền thiêz pêx xênhv nhoz no tưz bax têx tsưr ziv jông, tsênhz mênhx chiê tir tar. Zơưv Khang A Mang, tsưr jok Háng Chu Xay, xar Chế Cu Nha puz pâuz:

“Pêz hêik pox nhuôs thâuv muk uô liêx, têz lok sik muk lok đhau têx cưx ha tsuv tsov cưv txos muôx ar poz, lok sik muôx ntux nas chuô mak tsik muk lok trâu têx qơư phiv liv, tsik muk uô liêx têz tsuv nhoz tsêr chiê txar jav tâu têx kror phiv liv tsik jông”./.

(Thừa Xuân-Lik Thox cxêik nhênhv)

Têx shông jê ntơưv no, qiv hơưv txơưr txar tsi so tsênhv uô zênhr shar txos tỉnh Lào Cai li luz nênhx, KTXH tiv ntux nas, lol lơưs, đâuk bu, đêx cuôr yôngz....uô ruôr hiêv ziv hnuz ziv lox. Cxôngx qênhx shênhx co, tỉnh Lào Cai tưz nzor muôx tsưr ziv tir tar li cxiv tsa tsưr ziv, muôx cơ chế sik côngv đros têx bộ, nganhx muôx lênhx coaz, muôz siêz tsôngv box li jênhv pâuz chiê txu grês têx ruôr hiêv tiv ntux nas..../.

( KT- Txâur Vax cxeik nhênhv)