Zar hnuz kêix 24/6, Ủy viên Bôv Chính trị, Bí thư Trung ương Đảng, Trưởng Ban kinh têr Trung ương Nguyễn Văn Bình đros đoanx côngz xưv tưz uô hâux lưv ntơưv tỉnh Sơn La. Hêik ntơưv jiês uô hâux lưv, zơưv Nguyễn Văn Bình hêik tỉnh Sơn La tsuv sik côngv ntâuk gri iz cxiê tsưr ziv uô yiêz, tsênhv chêi uô siv xar tơưv thiêz uô nox yiêz chiê hêik pâuz thiêz uô đêz đar trâu cxuô thax tsav qơư, tiv phaz chiê huôv tsar kinh têr truôx đrênhk, gra siêz phênhv sâu trâu pêx xênhv.

“6 tỉnh phiv liv tiv zix Tây Bắc, hâur co muôx Sơn La, taz sik đros thiêz têx chêx cur mak nhiv kruôr đhâu tỉnh Sơn La uô tâu, tưz tsik zos lok huôv tsar kinh têr-xar hôiv xưz mak lok cxuôv yêiz thiv pluôs mak cux tiêk zos iz luz tỉnh uô ntêx hlo hâur côngz xưv no, tưz muôx lok six ntâu hlôngr yiêz; taz sik cux tsuv sir jos đuô thiêz, chiê uô chak cov cxuô lênhx nênhs hâur 12 mênhx cxưx tỉnh Sơn La njênhs njôngr trâu Đảng, chính quyền”./.

(Trấn Long-Lik Thox cxêik nhênhv)              

Xor mông cxôngx UB huyện Sa Pa tỉnh Lào Cai puz pâuz, hâur jiês đêx nas lok lox uô muôx đêx ngaz sâuv thax tsav huyện hmo thiêz tas cik hnuz 24/6 tsi uô zênhr shar txos têx shux xênhz cxaz chuôz jiês thik THPT têz qơưk li hâux lưv thik qir thik cxôngx hnuz 25/6. Ciês ntơưv thax tsav xã Bản Hồ (Sa Pa) zos qơư trâus đêx nas cuôr yôngz zov chênhr muôx iz luz tsêr cơưv THPT đros 70 lênhx shux xênhz cơưv lớp 12 thiêz têx xã nhoz buôk co. Taz sik tas nro têx shux xênhz puôr lênhx tuôx thik tâu ntơưv tsênhv qơư thị trấn huyện Sa Pa cxôngx hnuz 23/6. Zơưv Lê Tân Phong, Chủ tịch UB huyện Sa Pa puz pâuz:

“Txos nhiv no mak pêz khav tênhv tiêk ntux nas tsi uô zênhr shar lox txos têx shux xênhz sâuv thax tsav li hâux lưv cxaz chuôz thik. Yuôr iz cxiê qơư muôx tox poz zaoz thôngz muk lok tsi tâu mak pêz tưz chox kriê tiv phaz khưx phưx chiê taz por zaoz thôngz muk lok tâu. Cxôngx nhiv no txos thâuv suôv câuv jiês thik, vênhv thix taz por zaoz thôngz, txiv ngaz cux tâu huyện chuv tôngv muôx tsưr ziv uô jông trơưk Ban chox kriê thik cấp tỉnh li chinhz yênhx tso tơưv, chiê jiês thik tsưr tsix taz por, tax chêx cuk jông”./.

(An Kiên- Txâur Vax cxeik nhênhv)

Xor mông txix Ban sêiz car Phax tar ntux têz uô hiêv thiêz zok nriêr chơưv paz tỉnh Lai Châu puz pâuz: txos zar hnuz kêix 24/6, tưz nriêr pov tâu iz lênhx nênhs hâur 3 lênhx trâus plox mông tiv trâus đêx cuôr yôngz. Nênhs tâu nriêr pov zos tix lâus Lường Văn Kiên, zus shông 1986, hêir nênhs Thái, nhoz xar Quài Tở, huyện Tuần Giáo, tỉnh Điện Biên. Tix lâus Kiên zos công nhân uô cêr nhoz Công ty cổ phần yưv pênhr lôngx đhok Trường Thành, tỉnh Lai Châu. Li co, xav txos 8 six tsâuk ntux nas hmo, tỉnh Lai châu tưz muôx 4 lênhx nênhs tuôs thiêz tsik pov tiv ntux nas đêx cuôr yôngz uô hiêv txos./.

(Thùy Kiên-Lik Thox cxêik nhênhv)

Mường Tè thiêz Nậm Nhùn zos 2 huyện txov nhêv tiv zix nhoz tỉnh Lai Châu, trâus ruôr hiêv hnhar tiv zix hâur jiês đêx cuôr yôngz muôx yưv tas cik hnuz 24/6, đros 4 lênhx nênhs trâus tuôs thiêz plox mông; yênhx châuv luz tsêr tsuv txar qơư nhoz muk nhoz qơư taz por đuô; cxix luôk zaoz thôngz, đêx liv, tênhv tênhz trâus ruôr hiêv zov chênhr, ntâu xã xav tênhv muk tsi tâu hâur ntâu hnuz. Chinhr quyênx tiv phaz đros pox nhuôs têx mênhx cxưx nhoz no tsênhv sir jos khưx phưx têx trâus ruôr hiêv đhâu jiês đêx nas cuôr yôngz, nzor ngaz tul luz nênhx thiêz uô kôngz lôngk. Yuôr ntơưv xã Bản Hồ, huyện Sa Pa, tỉnh Lào Cai, đhâu jiês đêx nas cuôr yôngz chinhr quyênx tiv phaz tưz huiz tôngv têx lưx lươngv ntơưv qơư chêx chôngk paz max tsôngv box khưx phưx têx trâus ruôr hiêv, ngaz tul luz nênhx./.

(An Kiên-Txâur Vax cxeik nhênhv)