Zar hnuz kêix nas hmo, Đảng bộ Quân sự tỉnh Điện biên tsưr tsix Đại hội têiv plor Đảng bộ jiês tiv 16, six cxiv 2020-2025, đros muôx 140 lênhx têiv plor hlôngr njêx muôs trâu zuôr xar 400 đảng viên hâur tas nro Đảng bộ cxaz chuôz. Thiếu tướng Hoàng Ngọc Dũng, Phưv tư lệnh Quân  khu 2 hêik, Đảng ủy Quân sự tỉnh six cxiv zuôr txos tsuv sir jos hêik pâuz, kriz uô, tsưr tsix uô truôx jông cxuô cấp li nghị quyết, chỉ thị; tiv zix zos Quân ủy trung ương, Bôv Côx phax, Đảng ủy Bộ Tư lệnh Quân khu thiêz Tỉnh ủy, UBND tỉnh li Nghị quyết lok côngz xưv Quân sự-Côx phax./.

(VOV-Lik Thox cxêik nhênhv)

Cxôngx cxơưz tiês côngz xưv chos ntông nox txir sâuv ar têz nxaz, huyện Mường La zos iz hâur 5 tiv phaz nhoz tỉnh Sơn La cxaz chuôz muôs tơưv xiv huv kôngz nuv jông. Huyện tưz vênhv tôngv tsôngv box hlôngr yiêz têx vax chos cxuô zav chiê chos ntông nox txir. Lơưr co tưz krêz đar mênhv chêx, thax tsav chos ntông nox txir txos 5 cxênhz hecta. Fênhx pheiz yênhx shông, huyện Mường La muôx 3 cxênhz 500 tênhr txir nhôngs muôs trâu têx niêv ciêz hâur têz qơưk. Zơưv Nguyễn Văn Tâm, Tsar phongx kôngz nuv thiêz huôv tsar nôngx cxênhz huyện Mường La puz pâuz:

“Lok huôv tsar cux xưk li hlôngr yiêz nganhx kôngz nuv đros huyện Mường La cux chêx chôngk tsov cưv trâu tsiv uô xiv huv kôngz nuv. Tiv zix hâur Đại hội Đảng zuôr txos li ploz tsênhr, huyện li iz hâur têx jênhv vưv coaz tsôngv zos uô li chas cxiv tsa tâu nền kôngz nuv njuôz, co zos kôngz nuv hữu cơ, truôx vênhs”./.                               

(Thanh Thủy- Lan dịch đọc)

        Pox nhuôs sơưr đơưk hmor yuô! Moz nyar chiv chir zax zos iz zav moz muôx tsik txâuk nyar siz cik lok sik chiv chir trâus muôx tsik txâuk nyar. Nhiv no muôx 7% lênhx nênhs sâuv ntiêx têz trâus zav moz no; 1,1 gơưv niêv txir zus mê nhuôs zuôr trâus moz muôx tsik txâuk nyar. Moz muôx sâuv thôngz ntiêx têz, hâur co Việt Nam zos iz hâur têx têz qơưk zuôr zôngx ziv trâus moz thiêz muôx gen zav moz no ntâu. Sơn La cux zos iz thax tsav qơư muôx chor mênhx cxưx tsơưs nênhs trâus moz zav moz muôx tsik txâuk nyar. Thâuv 2 six zar hnuz kêix hnuz 29/6 zuor txos no, Tsêr kho moz Đa khoa tỉnh Sơn La tsênhv zuôr sik côngv đros Viện Huyết học cxaz nyar trung ương tsưr tsix lớp hêik kriê: Gra siêz jênhv pâuz lok zav moz muôx tsik txâuk nyar thiêz hêik pâuz lok moz siz cik, phax moz trâu nênhs muôx chor moz zos Thạc sỹ Vũ Hải Toàn, Phưv Giám đốc tsênhv qơư nyar-Viện huyết học cxaz nyar trung ương sêiz car lớp cơưv no. Qơư tsưr tsix zos ntơưv Hội trường số 5, tsêr kho moz Đa khoa tỉnh Sơn La; Điện thoại nus: 02123.789.268 thiêz 0866.500.990. Thâuv pox nhuôs tuôx mak gra đros ntơưr tơưv tsêr kho moz, ntơưr tênhv six hơưv lok sik ntơưr njuôk kho moz tâu xav tiêk trâus moz zav moz no chiê tâu paz.

        Tsêr kho moz Đa khoa tỉnh Sơn La txêik tok chor nênhs moz thiêz sơưr đơưk tuôx dự lớp hêik pâuz lok zav moz no./.

(Thanh Thủy-Lik Thox cxêik nhênhv)