UB tỉnh Điện Biên nhiv kruôr tso tơưv ntâuz ntơưr số 2635 thôngz pov hâux lưv krêz uô tsưr ziv tsưr tsix ntâu huôx tôngv lox hâur shông 2019 reik đros hơưv tos chiv nhênhv 65 shông hnuz ntâus zênhx lix xưv Điện Biên Phủ ( xiêz 7/5/1954-7/5/2019) thiêz 110 shông yênhx lix tỉnh ( 28/6/1909-28/6/2019). Têx huôx tôngv tsênhv hơưv tos 2 hnuz chiv nhênhv coaz tsôngv no zuôr tâu tỉnh Điện Biên tsưr tsix cxôngx hâur hlik hli 1 txos kaz hli 10 shông 2019. Thôngz đhâu hâux lưv tsưr tsix têx huôx tôngv lox no hâur shông 2019 zuôr heik kriê ntâu đuô thiêz lok têz qơưk, lênhx nênhs Điện Biên, heik kriê tỉnh li têx muôs jos lok huôv tsar ju lix chiê zaz zâuv yưv pênhr, cxơưz tiês huôv tsar kinh têr xã hội./.

(Vũ Lợi- Txâur Vax cxeik nhênhv)

Xav txos six hơưv no, Ban sêiz car jôngr phax phưx huyện Trạm Tấu (Yên Bái) tưz kriz uô chos jôngr tâu 286 ha hâur tsưr ziv 320 ha tâu choz hâur shông 2018, tax zuôr xar 90% tsưr ziv. Txix hâur shôngk shông txos nhiv no, Ban sêiz car jôngr phax phưv huyện Trạm Tấu tưz tsưr tsix uô 380 cxênhz tsoz zuz ntông chiê phưx vưv tsưr ziv chos thiêz tsoz phưz jôngr shông 2018. Hâur co, muôx 350 cxênhz tsoz txir tuôz ziz thiêz 30 cxênhz tsoz ntông chiêz./.

(KT-Lik Thox cxêik nhênhv)

Thâuv 3 six 50 phênhz zar hnuz keix hnuz đhâu, ntơưv cei cêr 281+900 niêv cêr 6, ntu đhâu tiểu khu Tiền Phong, xã Hát Lót, huyện Mai Sơn, tỉnh Sơn La tưz muôx yưv txuz txiêz nanv zaoz thôngz uô 1 lênhx nênhs tuôs ntơưv qơư thiêz 3 lênhx trâus saz hnhar. Qir tiv qir thơưx tâu pâuz, luz yêz 4 qơư jâuv gra biển 30A-58166 cxaz chuôz zaoz thôngz tsi uô jông seiz tưz đrâuv trâu tư yêz teiv gra biển 89C-12712 tsênhv đrês tov ntus cêr. Uô 1 lênhx nênhs tuôs ciês ntơưv qơư, 3 lênhx txơưr trâus saz. 4 lênhx nênhs co puôr lênhx mul iz luz yêz ô tô mê, tsi tâu xav tênhv tâu lênhx tưs zos lênhx tsar yêz. Nhiv no hâux lưv tsênhv tror tâu chiz coaz muôx txơưx jênhv qênhz yuôx, uô tsênhz mênhx./.

( Trấn Long- Txâur Vax cxeik nhênhv)

Lưx lươngv chơưv paz nhiv kruôr zok nriêr tâu iz lênhx txir nênhx trâus tuôs sâuv đêx liêz nhoz jê tơư qox thị trấn Phố Lu (huyện Bảo Thắng, tỉnh Lào Cai). Lênhx txir nênhx no zos lênhx txir nênhx hmôngr tsik jông thâuv tsênhv uô đaz kruôk ntơưv ntus đêx chêk trâus plav tơư pôngz trâu hâur đêx thiêz trâus tuôs. Kror tsuv hêik, thâuv co muôx lok six chôngz nênhs njiêz pov taz sik chơưv paz cux tsik tâu.

Txuz hâux lưv co muôx yưv thâuv 12 six tar su hnuz 21/9, thâuv co zơưv Đỗ Quyết Thắng (uô txir nênhz, sêiz zêis, zus shông 1971, nhoz ntơưv tổ 4, thị trấn Phong Hải, huyện Bảo Thắng) đros 2 lênhx pox niêv tsênhv uô đaz kruôk txi côngv ntơưv ntus đêx Liêz, ntu đhâu xar Thái Niên. Tâu pâuz ntơưv qơư muôx yưv txiêz nanv đêx toz thiêz muôx ntâu kror đêx câur chênhr. Cux ntơưv kror qơư no, hnuz 5/9 nhiv kruôr đhâu, iz lênhx nhuôs tuz đhâu thâuv muk dự kriz cơưv shông cơưv yiêz ntơưv tsêr cơưv lok tưz trâus plav tơư thiêz trâus tuôs txos nhiv no cux tsênhv tsik tâu nriêr tâu./.

(An Kiên-Lik Thox cxêik nhênhv)