Đhâu 3 hnuz uô hâux lưv truôx jông, Đại hôiv Đảng bôv tỉnh Sơn La khóa 15, Đại hôiv Đảng bôv tỉnh Yên Bái khóa 19 six cxiv 2020-2025 tưz suôv câuv trâu zar hnuz kêix 24/9. Ntơưv Sơn La, zơưv Nguyễn Hữu Đông, Bí thư tỉnh ủy khóa 14 tror tâu bâux uô Bí thư tỉnh ủy khóa 15. Ntơưv Yên Bái, zơưv Đỗ Đức Duy, Chủ tịch UBND tỉnh Yên Bái six cxiv 2016-2020 tâu bâux uô Bí thư  tỉnh ủy khóa 19, six cxiv 2020-2025.

Đảng bôv tỉnh Yên Bái tưz xav jênhv tsêx trung lênhx tov, chox kriê uô cov tâu jông 3 kror tsưr ziv chênhr thiêz 7 jênhv vưv tsênhv njiêz, sir jos chiê Yên Bái zos luz tỉnh hênhr trâu shông 2025 thiêz zos iz hâur chor tỉnh huôv tsar nhoz thax tsav Trung Du thiêz tox siêz  faz Bắc trâu shông 2030. Đảng bôv tỉnh Sơn La sir jos cov chuôz ndê hax huv hâur 5 shông zuôr txos tâu muôx 7,5% iz shông; tas nro pênhr yưv xar hôiv six cxiv 2020-2025 tâu muôx 120.000 tiv đêiv; phênhv sâu lênhx nênhs sir jos cov tâu 60 triệu đêiv iz lênhx nênhs iz shông. Tiv zix zos sir jos chiê zos yênhx tsênhv qơư uô têx hax huv kôngz nuv nhoz thax tsav Tây Bắc. Niêv tix Lò Thị Chiêng, đảng viên nhoz phường Chiềng Lề, thành phố Sơn La puz pâuz:

“Cur pov Đại hôiv Đảng li tsưr ziv tso tơưv txos shông 2025 chor nênhs tâu sir zôngv internet zos 50% tror sâur, cur pov kror no mak lok six huv đros thiêz tsuv tâu uô đros huôv tsar lơưr côngv nghệ 4.0 nhiv no. Taz sik chiê uô tâu li co, cur vav tiêk tỉnh zuôr muôx têx tsênhv chêi paz trâu chor xar nhoz tox siêz đêz đrôngs chiê pêx xênhv muôx tâu tsar  tov sir ôngv internet”./.

(TTTB-Lik Thox cxêik nhênhv)

Hnuz 24/9, ntơưv thị xã Sa Pa, tỉnh Lào Cai, Côx hôiv li Ủy ban têx hâux lưv XH cơưv zuôr sđ ziv chênhv lok Dưv anr Chei phax tar moz HIV/AIDS thiêz Chei phax tar zax zênhz kho đuô. Têx lul heik ntơưv jiês cơưv puôr lênhx heik li no, Chei lok phax tar moz HIV/AIDS thiêz Chei phax tar zax zênhz tưz tso tơưv lok six ntêr lok, muôx ntâu kror tsi tâu thôngx ziv, zuôr trâul txos, tsuv kho đuô cov fiv đros trâu tsênhv tsênhz, cux li têx tsưr ziv, cui tinhv tso tơưv. Dưv anr kho đuô, cxaz nzir 2 Chei no cux tưz đhâu ntâu jiês zuôr sđ ziv chênhv, tsênhv jux juk uô cov tiêr, taz sik cux tsênhv yuôr iz cxiê tsênhv njiêz tsuv tror tâu kho đuô. Pos Nguyễn Thị Bích Huệ, canr bôv tsaz yênhx sik hux jos LHQ lok phax tar moz HIV/AIDS ntơưv VN heik:

“Đros thiêz têx lênhx trâul muôx zênhk zax zênhz tsênhv chiv zênhk zênhz txix nox thiêz cxax yuôx, pêz tưz  kho moz trâu lơưr txix yuôx Methadone tâu 10 ntâu shông lok thiêz nhiv no qir fuô uô kho moz txix yuôx Buprenorphine, pov uô tâu lok six jông, muôx têx co zos tsưr ziv jông trâu chor nênhs trâul muôx zênhk zax zênhz. Lok sâuv LHQ li tsưr ziv, pêz pov tsaz yênhx no lok six jông, pêz jông siêz, thôngx ziv trâu tror uô têx hâux lưv li heik sâuv đros thiêz têx tsưr ziv uô txơưr đuô chiê uô tâu trơưk li zoz qơưx hâur ntu nhiv no”./.

(An Kiên-Riê Lâux cxeik, nhênhv)

Cux ntơưv Lào Cai, txix têx tiv phaz hêik pâuz, jiês ntux nas chuô nhiv kruôr đhâu tưz uô hiêv txos ntâu huyện thị xã, thành phố nhoz tỉnh Lào Cai, njuôk xav têx trâus hiêv tas muôx 6 tiv đêiv ntâu. Trâus hiêv ntâu tiv zix zos ntơưv thành phố Lào Cai, chor huyện Bảo Thắng, Bắc Hà trâus ar poz lok uô hiêv; xar muôx 70 ha blêx, jâuz tâuv thiêz ntâu luz pak njêl trâus đêx ngaz cuôr, ar poz jêz paz lok cxuz. Zơưv Đặng Văn Lương, Phưv Giám đốc Sở Zoz thôngz-Vận tải thiêz cxiv tsa tỉnh Lào Cai puz pâuz:

“Uô ntêx zos thoz huk cov têx yêz muk lok tâu đhâu ntơưv têx qơư muôx ar poz. Đhâu thâuv yêz muk lok tâu đhâu mak zuôr kriz uô têx tsưr ziv lơưr co. Cxuô zav chuôz zênhx mak cux tâu bax jông zos muôx yưv ar poz, phiv liv nzir mak zuôr khưx phưx cov tâu sêiz ciês”./.

(An Kiên-Lik Thox  cxêik nhênhv)

Đhâu zuôr xar 5 hnuz tu trôngx plâuz, zar hnuz kêix 24/9, Toax anr huyện Tuần Giáo, tỉnh Điện Biên tưz tik cêr cxâuv trâu zơưv Nguyễn Hải Phong (Tsar Đeix nta suôz-xa đuôz huyện Tuần Gáo), lok sâuv liv zôngv zuk vax huôv, hâux lưv uô chiê đas nziêk luôs lưv tus têx nhiêx txiêx, trâus tik cêr cxâuv trơưk li ntu 3, Grê 175 têz qơưs. Ntơưv Toax anr, Hôiv đôngx tu plâuz tưz qênhz yuôx, seiz shuôk cxix cxuô têx ntâuz ntơưr, lul nus li heik sâuv, toax anr tưz tik cêr cxâuv trâu zơưv Nguyễn Hải Phong tâu lênhk txeik Dương Đức Hiển 248 tsov đeiv nhiêx lok hnuz 11/8/2017, six hơưv hnuz nhôngs thêv zos hnuz 30/3/2018, zơưv Nguyễn Hải Phong tưz tsi thêv chor nhiêx sâuv trơưk li tưz tâu chos luk tsês. Chênhr viv li, Hôiv đôngx tik cêr cxâuv trâu zơưv Phong nhoz 42 luz hlik tux, xav txix hnuz trâul ntêk cxov 16/5/2019 lok./.

(Vũ Lợi-Riê Lâux cxeik, nhênhv)