Cux xưk li chôngz lênhx nênhs hâur têz qơưk, tsôngv box mênhx cxưx Tày nhoz huyện Lục Yên, tỉnh Yên Bái lok six khov vav trâu Đại hôiv Đảng tas nro têz qơưk jiês tiv 13 zuôr tso tơưv tâu ntâu tsưr ziv, cêr chêi huv đros chiê paz trâu têz qơưk huôv tsar, tiv zix zos uô tâu jông hâux lưv phax tar nox nhiêx têz qơưk. Zơưv Hoàng Đức Cật, mênhx cxưx Tày nhoz jok Tông Pắng, xar Lâm Thượng, huyện Lục Yên puz pâuz: “Tok kriz cơưv Đại hôiv Đảng jiês tiv 13 mak tas nro pox nhuôs tưz uô vêv xênhz têx vax tsêr, jêx jok, đêi qix têz qơưk. Pox nhuôs sơưr đơưk njênhs tiêk Đạik hôiv jiês no zuôr tror muôx têx tsênhv chêi jông chiê huôv tsar têz qơưk, huôv tsar kinh têr paz trâu pox nhuôs muôx luz nênhs jông, tsâu sor đuô”./.

(Thừa Xuân-Lik Thox cxêik nhênhv)

Tsôngv box têx mênhx cxưx tox siêz, ntus đriv luz nênhx tsênhv txov nhêv, taz sik thâuv tưs cux tsov cưv seiz njôngr Đại hội Đảng jiês tiv 13. Pox nhuôs njênhs njôngr đại hội zuôr yênhx côngz jông thiêz muôx têx cuiz tênhv yiêz tâu tso tơưv uô hlôngr yiêz nôngx cxênhz tox siêz, chiê tox siêz huôv tsar jông li thax tsav tiêx đras. ZƠưv Lò Văn Hợi, iz lênhx lâuk jos nhoz xã Mường So, huyện Phong Thổ, tỉnh Lai châu puz pâuz: “Njênhs njôngr đại hội jiês no zuôr yênhx côngz jông. Tsôngv box têx mênhx cxưx tox siêz njênhs njôngr hâur six cxiv zuôr txos, Ban chấp hành Trung ương thiêz Bộ chính trị zuôr muôx têx hlôngr yiêz, tsov cưv đuô txos cơ sở cxuô zav thiêz tsôngv box li luz nênhx”./.

(K.Kiên-Txâur Vax cxeik nhênhv)

Sik côngv têk paz txoz cxơưx tsiêz trâu tsôngv box pluôs nhoz ntus đriv, hâur 2 hnuz 23 thiêz 24/1, ntơưv xar Mường Và, huyện ntus đriv Sốp Cộp, tỉnh Sơn La, Bôv Chỉ huy Bôv đôiv Pênhz phax sik côngv đros Ủy ban MTTQ, Hôiv Liên hiệp pox niêv tỉnh Sơn La, huyện Sốp Cộp thiêz têx taz viv sik côngv đros tưz tsưr tsix hnuz hôiv “Ntux yiêz pênhz phax sor pox nhuôs sơưr đơưk siêz-Đros đrêiv pox niêv nhoz ntus đriv”. Hâur jiês kriz uô hôiv tưz muôx ntâu kror hâux lưv zov chênhr li: sik tưr krưr nduôr txâuv puôz, sik truz hluô, lâuz pak, lêiv poz…Tsaz yênhx cux tsưr tsix sêiz nus, khơưk muôz xar muôx 950 kror huv týiêz trâu xar muôx 950 ziv chuôz zis tâu sơưv cêr chêi, chuôz zis muôx luz nênhx txov nhêv; khơưk muôz học bổng trâu shux xênhz lơưr tsaz yênhx “paz trâu shux xênhz tuôx cơưv ntơưr” thiêz khơưk muôz yêz tuôv trâu têx mê nhuôs puôs pênhz phax…Đại tá Cà Văn Lập, Chánh ủy Bôv Chỉ huy Bôv đôiv Pênhz phax tỉnh Sơn La puz pâuz: “Tsaz yênhx ntux yiêz Pênhz phax sor pox nhuôs sơưr đơưk siêz zos paz muôx tâu ntux yiêz txos nzor đuô trâu pox nhuôs sơưr đơưk. Chiê cov pox nhuôs sơưr đơưk nhoz ntus đriv tâu tok iz chêix ntux yiêz lov jêv, shir phaz thiêz sor siêz đuô”./.

(Tòng Đức Anh-Lik Thox cxêik nhênhv)

Nhiv kruôr đhâu, thâuv tsênhv luôv plas ar trâu tsôngv box nhoz jos Nà Lạn, xã Tông Lạnh, huyện Thuận Châu, tỉnh Sơn La, tsôngv box pov iz luz bôngk sâuv trôngz thiêz pov ciês trâu chiz coaz muôx txơưx jênhv. Đhâu qênhz yuôx, ban công binh, Bộ chỉ huy quân sự tỉnh Sơn La xav tênhv no zos bôngk tâu sir zôngv hâur cxiv tsav tsênhz tir ntâus tros châuz Mỹ, ntêr 1 yiv ntâu, hnhar 340 cir. Lưx lươngv công binh, Bộ chỉ huy quân sự tỉnh Sơn La đhâu co tưz đros Ban chỉ huy quân sự huyện, cấp ủy, chính quyênx tiv phaz tsưr tsix chox luz bôngk muk qơư yưr lir chiê yưr lir por tsês yênhx côngz, taz por./.

(Trấn Long-Txâur Vax cxeik nhênhv)